Jeremias 17:4 - Manobo Western Bukidnon OT

⁴ Egkaawà diyà te keniyu is tanà he imbeǥey ku keniyu. Ibpeuripen ku sikiyu te menge kuntada niw ziyà te tanà he wazè niw zuen hanew, su midhimu niw he mepauk a te pauk he zekelà su henduen be te edriyubriyub he hapuy he kenà egkeevukan.”

Jeremias 17:4 ပူးပေါင်းရင်းမြစ်များ

1 Hadì 9:7

ne ibpaawè ku sikiyu kayi te tanà he imbeǥey ku keniyu, ne ebeleǥazen ku heini is baley ku he iyan mibpilì ku he lugar he kayi a ebeǥayi te zengeg. Ne ed-un-undahan wey ed-engitan te langun he menge etew is Israel.

2 Hadì 25:21

he sakup te Hamat. Ne zutun impehimetayan sikandan duen te hadì. Umbe is menge etew ziyà te Juda nekepekeziyù diyà te tanè dan he menge vihag.

Nehemias 9:28

“Piru emun ebmeupiyè en is kebpekesavuk dan ne ed-uman dan en maan ebaal te mezaat diyà te etuvangan nu. Ne ebey-anan nu sikandan diyà te ǥehem te menge kuntada zan su para meveyveyai sikandan. Ne emun ebuyù en maan sikandan te tavang diyà te kenikew, ne ebpemineǥen nu sikandan diyà te langit. Ne tenged te hizu nu kandan layun nu sikandan edlibriya.

Isaias 14:3

Sikiyu is menge tig-Israel, dutun te timpu te kebpehimelaya keniyu te Nengazen te menge ked-antus, kelised, wey kegkeuripen,

Isaias 30:33

Neuǥet en he naandam is lugar he zutun ebinsuli is hadì te Asiria. Meluag wey mezalem heini he lugar, ne zutun dekelà is hapuy wey kayu he tavun. Is gehinawa te Nengazen he iring te edriyubriyub he esupri ne iyan ebpekeregreg duen te tavun.

Isaias 5:25

Umbe tenged te utew kegkepeuki keniyu te Nengazen te menge etew zin, ne edsilutan kew zin. Egkehuyung is menge vuvungan ne ebpekepeyapat kew ziyà te kersada is ebpemematey he egkeiring te menge vesura. Ne minsan pa zutun kenè pa egkaawà is pauk te Nengazen. Andam pa ǥihapun sikandin he edsilut keniyu.

Isaias 50:11

Piru mebpekevantey kew mulà is ed-isip edezaat te zuma he etew; egkeuney kew zuen te mezaat he mid-isip niw! Iyan mismu is Nengazen edsilut keniyu; ebpematey kew tenged te kebpurungi zin kedsiluti keniyu.

Isaias 66:24

Ne emun egawas dan diyà te Jerusalem is ebpemen-azap dutun, egkeehè dan is menge lawa te mibpematey he menge etew he nekidsukulà kediey. Is menge tagkey he egkaan kandan ne kenà ebpatey, ne is hapuy he ebpeketutung kandan ne kenà egkeevukan. Ne igkelimezangi sikandan te langun he menge etew.”

Jeremias 12:7

“Inselikwey ku is menge etew ku he iyan is nasyun he migaked ku. Imbeǥey ku is mibmahal ku he menge etew ziyà te menge kuntada zan.

Jeremias 15:14

Ibpeuripen ku sikiyu te menge kuntada niw ziyà te lugar he wazè niw metueni. Ne ibpeǥezaman ku keniyu is pauk ku he iring te edriyubriyub he hapuy.

Jeremias 16:13

Umbe, edsegseǥen ku sikiyu puun kayi he tanà pehendiyà te tanà he sikiyu wey is menge kepuun niw wazè niw zuen hanew. Ne zutun ebpekevayèbayè kew te kedsilbi te zuma he menge ed-ezapen; ne kenè ku sikiyu egkehizuwan.

Jeremias 18:23

Piru netuenan nu Nengazen is langun he pelanu zan te kedhimatey kedì. Umbe kenè nu sikandan peseyluwa te menge salè dan wey kelelalung. Pengelinteuwi nu he mezaag sikandan te menge kuntada zan dutun te edtengtengan nu sikandan. Siluti nu sikandan tenged te pauk nu.”

Jeremias 2:14

Is Israel wazà meetew he uripen. Piru maan is midezeetan sikandin te menge kuntada zin?

Jeremias 22:28

Jehoyakin, neiring ka te nerupet he ziniyun he intimbag su wazè din en pulus. Iyan heeyan hinungdan ke maan is idtimbag ku sikew wey is menge anak nu ziyà te inged he wazè niw zuen hanew.”

Jeremias 5:19

Emun ed-insà is menge etew te, ‘Maan is mibeelan heini is langun te Nengazen he Megbevayè tew ziyà te kenitew?’ Keǥiyi nu sikandan te, ‘Geina te inselikwey niw is Nengazen, ne nenilbi kew te zuma he menge ed-ezapen diyà mismu te tanè niw. Ne ǥuntaan ebpekepenilbi kew te menge lumelengyawà dutun te kenà keniyu he tanà.’

Jeremias 5:29

Kenè be ereg he edsilutan ku sikandan tenged kayi? Kenè be ereg he ebelesan ku is menge meǥinged diyà te menge nasyun he iring kayi is baal zan?

Jeremias 7:20

Ne iyan a, is Nengazen he Megbevayà, migkaǥi kayi: Ibpeǥezaman ku is utew ku kegkepauk kayi te lugar, ziyà te menge etew, ziyà te menge uyaǥen, diyà te menge kayu, wey menge abut te tanà. Is pauk ku iring te hapuy he kenà egkeevukan.”

Penhulùhulù 1:12

Migkeǥiyan din is menge etew he sumeseǥazà te, “Kenè niw ve ebeliyen heini is nehitavù kedì? Ehè kew ke zuen be egkeehè niw he nerasey iring te kegkerasey ku. Heini he kemeresayan, insilut te Nengazen kayi te kedì dutun te timpu te utew zin kegkepauk.

Penhulùhulù 5:2

Is menge tanè dey wey is menge valey zey, migkuwa te menge lumelengyawà.

Ezekiel 21:31

Ebpeǥezaman ku keniyu is utew ku kegkepauk, ne ibeǥey ku sikiyu ziyà te mesipala he menge etew, he nelayam he ebpenhimatey.

Ezekiel 7:24

Ibpaaǥew ku is menge valey zan te utew lalung he menge etew he ebpuun diyà te zuma he menge nasyun. Edtepusen ku is kebpegalbu te lavew he menge etew ziyà te kandan, ne ebpesegdanen ku en he remeriki is menge simbahan dan.

Deuteronomio 28:25

“Baal te Nengazen is kegkezeeǥa keniyu te menge kuntada niw. Edrapungrapung kew is edlusud kandan, piru ebpekedsusuwey kew is ebpemelaǥuy kandan. Ebpendemis keniyu is langun he ginhedian kayi te kelibutan.