Jeremias 17:23 - Manobo Western Bukidnon OT

²³ piru wazè dan mebpemineg kediey. Kenà sikandan mepezumdumahan! Kenè dan edewaten is kebmensuwa ku kandan.

Jeremias 17:23 ပူးပေါင်းရင်းမြစ်များ

Salmo 50:17

Egkeepesan niw is menge penurù ku; wazè niw seǥipaa is menge lalag ku.

Erubasa 1:3

Ebpekemansu heini kenikew para mehimu ka he uluwanen, he ebpengungubpaan te hustu, metazeng, wey mezait he menge ulaula.

Erubasa 1:5

Pinaaǥi te kebpemineg kayi, ne egkeumanan pa is ketau te menge uluwanen wey egkegiyahan is duen din menge netuenan,

Erubasa 29:1

Is etew he kenà ebpezumazuma minsan layun en edewaya, ne iyan egkepengkusan din is egkerumpak sikandin diyà te kezeetan ne wazè en paaǥi wey meǥaud sikandin dutun.

Erubasa 5:12

Ne ebpekekaǥi kew te, “Geina iyan te igkeepes ku zà is kebmensuwa kedì; geina iyan te midsupak ku is indawey kedì.

Erubasa 8:10

Ne isipa niw he lavew pa he mahal is penurù ku kenà te pelata, ne isipa niw zaan he lavew pa he mahal is ketau kenà te pinilì he vulawan.

Isaias 48:4

Netuenan ku ke sengemenu is kebmesinupaken niw. Is tengel niw igkepetug-iring te kezesen te putew ne is buked niw igkepetug-iring te kezesen te brunsi.

Jeremias 11:10

Midsunud dan is menge salà te menge kepuun dan he wazà mebpemineg te menge lalag ku. Mid-azap daan sikandan te zuma he menge ed-ezapen. Is menge tig-Israel wey menge tig-Juda neked-iring su pudu zan midrapas te kebpekid-uyun ku he midhimu ku ziyà te menge kepuun dan.

Jeremias 19:15

“Pemineg kew, su iyan heini migkaǥi te Nengazen he Mekeǥeǥehem, he Megbevayà te Israel: Ibpaaǥi ku kayi he inged wey ziyà te menge inged he nekeelingkus kayi is kezeetan he nekaǥi ku he idezaat kandan, geina te utew sikandan mesinupaken ne wazè dan mebpemineg te menge lalag ku.”

Jeremias 32:33

Mid-iniyuǥan e zan minsan layun ku sikandan ebpenurùa. Kenè dan ebpemineg wey kenè dan egkesuat he ebpenuruen.

Jeremias 35:15

pinaaǥi te menge ebpeneuven he menge suluǥuen ku. Migkeǥiyan kew zan te, ‘Engkezi niw en is mezaat he menge kineiya niw, ne veǥuwa niw en is menge vetasan niw, ne kenè kew en azap wey penilbi te zuma he menge ed-ezapen. Ne pengungubpaan kew ziyà te tanà he imbeǥey ku keniyu wey te menge kepuun niw.’ Wazè kew iyan mebpezumazuma wey mebpemineg kedì.

Jeremias 5:3

Ne zutun migkaǥi a te, “He Nengazen, kenè be nengeehè ka te etew he egkeseriǥan? Mibpesekitan nu is menge etew nu, piru wazè dan heini seǥipaa. Midsilutan nu sikandan wey zan mepenurù, piru kenè dan egkesuat he ebpenuruen. Wazè dan en keelezan ne kenè en sikandan ed-engked te kebaal te mezaat.

Jeremias 6:8

Ebpetizeenan ku sikew is Jerusalem: emun kenè ka ebpemineg, ed-iniyuǥan ku sikew; ne edhimuwen ku he mekevulungbulung is tanè nu su para wazè en ed-ubpè kayi.”

Jeremias 7:28

Umbe, keǥiya nu heini ziyà te kandan: Iyan heini he nasyun he is menge etew zuen kenè dan ebpezumazuma te Nengazen he Megbevayè dan, wey kenà egkesuat he edewayen. Wazè en diyà te kandan is ketutuanan; kenè dan en egkaǥi te tutuu.

Ezekiel 20:13

“ ‘Piru midsupak gihapun kediey is menge etew te Israel te ziyè dan te sibsivayan. Wazè dan tumana is menge suǥù ku wey menge sulunuzen, he iyan pezem ibpekepedayun te kegkeuyag-uyag dan is kedtumana zan kayi. Wazè dan daan isipa he segradu is Andew te Kedhimeley he impetuman ku kandan. Umbe migkaǥi a te ibpeǥezaman ku kandan is pauk ku su para mepurung sikandan mezeeti ziyà te sibsivayan.

Ezekiel 20:16

Impenangdù ku heini ziyà te kandan su geina te wazè dan tumana is menge suǥù ku wey menge sulunuzen, wey wazè dan isipa he segradu is Andew te Kedhimeley he impetuman ku kandan. Impelavi zan is ked-azap te zuma he menge ed-ezapen dan.

Ezekiel 20:21

“ ‘Piru minsan is menge anak dan midsupak daan kedì. Wazè dan purungi tumana is menge suǥù ku wey menge sulunuzen, he iyan pezem ibpekepedayun te kegkeuyag-uyag dan is kedtumana kayi. Ne wazè dan daan isipa he segradu is Andew te Kedhimeley he impetuman ku kandan. Umbe migkaǥi a he ibpeǥezaman ku kandan dutun te sibsivayan is utew ku kegkepauk.

Zefanias 3:7

Ne tenged kayi te mibeelan ku, iyan neisip ku is: siguradu he edtehuzen ad te menge etew ku ne edewaten dan en is kedsewaya ku kandan, su wey kenà mezeeti is inged dan sumalà te migkaǥi ku ziyà te kandan. Piru nasì en med-iseg is kebaal zan te salà.

Zatù 6:10

Migkeǥiyan ku sikiyu he iyan a Nengazen he Megbevayè niw ne kinahanglan he kenè niw ezapa is menge ed-ezapen te menge Amorihanen he iyan kew ǥuntaan nekeilis he ed-ubpà diyà te ed-ubpaan dan. Piru wazà a keniyu pemineǥa.’ ”