Jeremias 17:21 - Manobo Western Bukidnon OT

²¹ Iyan heini migkaǥi te Nengazen: Emun mibpekeveǥat niw is keugelingen niw, kenè kew edterebahu wey ed-uwit te menge velegyè niw zutun te timpu te Andew te Kedhimeley.

Jeremias 17:21 ပူးပေါင်းရင်းမြစ်များ

Exodus 20:8

“Tumana niw is ebpeveelan ku zutun te Andew te Kedhimeley, ne isipa niw haazà he segradu he andew para kediey.

Erubasa 4:23

Purungi nu pekeventayi is diyà te isip nu, su ke hengkey is ed-is-isipen nu, iyan daan egkeveelan nu.

Isaias 56:2

Utew zeysey is etew he ebaal wey edtuman te ebpeveelan ku zutun te Andew te Kedhimeley. Wey zeyzey zaan is etew he wazà mebaal te mezaat.”

Isaias 58:13

“Kinahanglan he edtumanen niw is menge ebpeveelan ku zutun te Andew te Kedhimeley. Kenè niw veeli is menge vaal he para zà te keugelingen niw he kelipey zutun te segradu he andew. Ikelipey niw is Andew te Kedhimeley, ne pekeveǥata niw heini pinaaǥi te kenà kebpetuyang te egkesuatan niw, wey ked-engked kegkaǥi te menge lalag he wazè din pulus. Emun ebeelan niw heini,

Deuteronomio 11:16

“Mebpekevantey kew su kela ke meiniyat kew, ne ed-iniyuǥan niw is Megbevayà su iyan niw ed-ezapen is menge megbevayà he kenà tutuu ne ebpenilbi kew kandan.

Deuteronomio 4:15

“Hein nekidlalag keniyu is Nengazen diyà te Buntud he Sinai he ebpuun is laǥeng din diyà te teliwazà te hapuy, ne wazè niw naahà he purma te Nengazen. Umbe mebpekevantey kew,

Deuteronomio 4:23

Piru mebpekevantey kew he kenè niw melipati sikan is paaǥi te Nengazen he Megbevayè niw te kebpekid-uyun keniyu. Kenè kew mebaal te ledawan he ed-ezapen niw pinaaǥi te zagwey te minsan hengkey, su idawey heini te Nengazen he Megbevayè niw.

Deuteronomio 4:9

Piru kinahanglan he mebpekevantey kew! Kenè niw lipati is nengeehè niw he mibpemeelan te Nengazen. Kinahanglan he kenà heini egkaawà diyà te gehinawa niw mintras uuyag kew pa. Tudtula niw heini ziyà te menge anak niw wey ziyà te menge apù niw.

Josue 23:11

Umbe, sigureduwa niw he mahal niw is Nengazen he Megbevayè niw.