Jeremias 17:20 - Manobo Western Bukidnon OT

²⁰ Ne keǥiyi nu is menge etew te, ‘Pemineǥa niw is lalag te Nengazen, sikiyu is menge hadì wey menge meǥinged kayi te Juda, ragkes kew en is menge meǥinged te Jerusalem he ebayà kayi he pultahan.

Jeremias 17:20 ပူးပေါင်းရင်းမြစ်များ

Jeremias 13:18

Midsuǥù a te Nengazen te kegkaǥi ziyà te hadì wey ziyà te iney zin he mebpenaug en sikandan diyà te pinuuwè te kedhadi dan su hapit en id-awà diyà te kandan is mekempet he menge kuruna zan.

Jeremias 17:19

Migkaǥi is Nengazen kayi te kedì te, “Hitindeg ka ziyà te menge pultahan te Jerusalem. Diyè ka huna hitindeg te pultahan he veyeey te menge hadì te Juda, ne emun egkepasad, ne ziyè ke en te zuma he menge pultahan.

Jeremias 19:3

Kaǥi ka te, ‘He menge hadì te Juda wey menge etew ziyà te Jerusalem, pemineǥa niw is menge lalag te Nengazen he Mekeǥeǥehem, he Megbevayà te Israel. Iyan heini migkaǥi zin: Ebpeeǥiyan ku te kezeetan heini he lugar he igketingkemed te minsan hentei he ebpekezineg duen.

Jeremias 19:4

Umbe ebeelan ku heini, su inselikwey a te menge etew ku, ne heini he suǥud-suǥud midhimu zan he pemuhatà te menge pemuhat he edtutungen he para te zuma he menge ed-ezapen. Menge ed-ezapen he wazè dan ganì mekilala wey minsan is menge kepuun dan wey is menge hadì diyà te Juda ne wazà mekekilala. Ne ebpenhimatey pa sikandan te wazè pa hanew he menge vatà kayi he lugar.

Jeremias 21:11

“Keǥiyi niw zaan is lavew he menge pemilya ziyà te Juda, he menge kevuwazan ni David, he pemineǥa zan heini is migkaǥi te Nengazen: Kenè niw engkezi te ed-ikul is hustu he kukuman. Layun niw tevangi is mibpenekawan; libriya niw sikandan te kedresaya kandan. Su emun kenà, egkeregreg is pauk ku he iring te hapuy he kenà egkeevukan tenged te mezaat he menge vaal niw.

Jeremias 22:2

‘He hadì te Juda, he kevuwazan ni David, pemineǥa nu heini is menge lalag te Nengazen. Ipepemineg nu is menge upisyal nu wey is menge etew nu he kayi ebayà te menge ǥemawan te turuǥan.

Ezekiel 2:7

Keǥiya nu is menge lalag ku ziyà te kandan, mebpemineg heini is menge mesinupaken etawa kenà.

Ezekiel 3:17

“Sikew is etew, midhimu ku sikew he perevantey te menge etew te Israel. Umbe emun duen egkezineg nu he petizaan he ebpuun kayi te kedì ne segugunè nu keǥiya ziyà te kandan.

Hoseas 5:1

Migkaǥi pa is Nengazen te, “Pemineg kew, is menge etew te Israel, ragkes kew en is menge memumuhat wey menge sakup te pemilya te hadì, su heini he kedhukum ne para keniyu: Iring kew te penuǥes he nekeutel, su nezeetan tenged keniyu is menge etew ziyà te Mizpa wey Tabor.

Amos 4:1

Sikiyu is dungganen he menge vahi ziyà te Samaria, iring kew te menge vaka ziyà te Bashan he mibpurungan elimahi. Edèdaaǥen niw wey mibpesipelahan is menge pubri, ne edsuǥuen niw pa is menge esawa niw he uwiti kew zan te inumen. Umbe pemineǥa niw heini is

Micas 3:1

Migkaǥi si Micas te, “Sikiyu is menge pengulu te Israel wey Juda, pemineg kew! Kenè be iyan kew ereg he ebantey wey kenà maawà is hustu he kukuman?