Jeremias 17:18 - Manobo Western Bukidnon OT

¹⁸ Peel-elezi nu wey pelihendeka nu is menge edtinguhà te kezeetan ku, ne kenà a mulà. Ipeseǥazi nu kandan is kezeetan su para mengezeeti sikandan is langun.

Jeremias 17:18 ပူးပေါင်းရင်းမြစ်များ

Job 16:14

Ne kenè e zin ed-engkezan te ebpalì. Henduen sikandin te sundaru is midsurung kedì.

Salmo 35:4

Deyzey ke egkepeel-elezan is menge etew he edtinguhà he edhimatey kedì. Berakat he mekepelaǥuy he egkengeteranta is menge etew he mibpelanu he edezaat kedì.

Salmo 35:8

Berakat he metik-awi sikandan meumahi te kezeetan. Berakat he iyan sikandan meuney zuen te idlitag dan kedì. Berakat he iyan sikandan meulug duen te vangbang dan.

Salmo 40:14

Berakat he is langun he edtinguhà he edezaat kedì ne egkepeel-elezan wey egkeliveg.

Salmo 70:2

Berakat he mepeel-elezi wey meliveg is menge etew he egkesuat he edhimatey kedì. Berakat he ebpemelaǥuy he egkepeel-elezan is langun he egkesuat he mezeeti a.

Salmo 71:1

Nengazen, diyà a te kenikew med-aput. Kenè nu ituǥut he mepeel-elezi a.

Jeremias 1:17

Ne ǥuntaan, endama nu is keugelingen nu. Genat ka ne keǥiya nu kandan is langun he insuǥù ku kenikew. Kenè nu sikandan ikahandek. Su emun egkahandek ka, ibpeiseg ku pa is kegkahandek nu ziyà te etuvangan dan.

Jeremias 11:20

Piru mid-ampù a, ke siak te, “He Nengazen he Mekeǥeǥehem, metazeng is kedhukum nu wey nesayud ka te isip wey gehinawa te etew. Ipeehè nu kedì is kebelesi nu kandan, su insarig ku kenikew is kasu ku.”

Jeremias 12:3

Piru siak nekilala a kenikew, Nengazen. Neehè nu is mibpemeelan ku ne netuenan nu ke hengkey is kegkilelaa ku kenikew. Guyuza nu heini he menge etew he iring te eguyud ka te kerehidu he edlepaan. Itapid nu sikandan he para te edlepaan.

Jeremias 14:17

“Jeremias, keǥiya nu heini te menge etew, ‘Maandew wey mezukilem ne kenè en egkeengked is kebpekesineǥew ku su zekelà is palì te menge etew ku ne utew sikandan egkesekiti.

Jeremias 16:18

Umbe, edtekepen ku is ibpevayad ku kandan tenged te kelelalung dan wey menge salè dan, su midremerikan dan is tanè ku pinaaǥi te mezaat wey wazè din untung he menge ed-ezapen.”

Jeremias 17:13

Iyan ka Nengazen, egkeperateng te menge Israilihanen. Egkepeel-elezan is langun he mid-awà diyà te kenikew. Idleveng sikandan diyà te zizalem te tanà, su inselikwey ke zan, is serebseb he ebpekeveǥey te untung.

Jeremias 17:16

He Nengazen, wazè ku lemlemuwi is buluhaten ku he kebantey te menge etew nu. Wazè ku sikew peǥesa he ipeseǥazi nu en kandan is kezeetan. Netuenan nu is mibpengaǥi ku.

Jeremias 17:19

Migkaǥi is Nengazen kayi te kedì te, “Hitindeg ka ziyà te menge pultahan te Jerusalem. Diyè ka huna hitindeg te pultahan he veyeey te menge hadì te Juda, ne emun egkepasad, ne ziyè ke en te zuma he menge pultahan.

Jeremias 20:11

Piru zuma ku sikew, Nengazen. Iring ka te mevurut he sundaru, umbe is menge edal-as kedì egkezeetan wey kenà edlampus. Egkepeel-elezan sikandan ne kenè dan edlampus, ne kenà egkelipatan is keelezan dan taman te taman.

Deuteronomio 33:11

He Nengazen, tuvazi nu sikandan, ne verakat he igkelipey nu is langun he menge vaal zan. Dèdeeti nu is menge kuntada zan su para kenè dan en mekeenew.”