Jeremias 17:16 - Manobo Western Bukidnon OT

¹⁶ He Nengazen, wazè ku lemlemuwi is buluhaten ku he kebantey te menge etew nu. Wazè ku sikew peǥesa he ipeseǥazi nu en kandan is kezeetan. Netuenan nu is mibpengaǥi ku.

Jeremias 17:16 ပူးပေါင်းရင်းမြစ်များ

Jeremias 12:3

Piru siak nekilala a kenikew, Nengazen. Neehè nu is mibpemeelan ku ne netuenan nu ke hengkey is kegkilelaa ku kenikew. Guyuza nu heini he menge etew he iring te eguyud ka te kerehidu he edlepaan. Itapid nu sikandan he para te edlepaan.

Jeremias 13:17

Emun kenè kew pa edtuu, ne edsineǥew a te meeles tenged te utew niw kebpelavew. Edsineǥew a te kenà alang-alang he edtudà is menge luhè ku, su ebihaǥen man is menge etew te Nengazen.

Jeremias 15:15

Migkaǥi si Jeremias te, “He Nengazen, netuenan nu is langun he nehitavù kediey. Tentenuzi a wey uǥupi a. Belesi nu is edtinguhà te kezeetan ku. Netuenan ku he kenè ka melemu egkepauk, umbe kenè nu kuwaa is untung ku. Tentenuzi nu is ked-entusa ku te keelezan tenged kenikew.

Jeremias 18:20

Meupiya is mibeelan ku ziyà te kandan ne ebelesan e zan te mezaat. Mibangbang sikandan su para meulug a zutun. Tentenuzi nu he midangep a ziyà te kenikew te kedhangyù he kenè nu en sikandan kepeuki.

Jeremias 20:7

He Nengazen, midlimbungan a kenikew wey mibpildi. Nehimu a he ed-eengitan te menge etew, ne kenè e zan ed-engkezan te edsudì.

Jeremias 20:9

Usahay ebpekekaǥi a te kenà ad egkaǥi mehitenged kenikew wey ebpenudtul te menge lalag nu. Piru kenè ku egkeeǥen, su is menge lalag nu henduen be te hapuy he egkeregreg diyà te gehinawa ku wey menge tulan ku. Neveley a te ked-eǥen kayi para kenè ku pezem mekaǥi.

Jeremias 9:1

“Angin pezem ke serebseb te menge luhà is menge mata ku su edsineǥew e en te maandew wey mezukilem tenged te menge emurè ku te inged he mibpenhimetayan.

Amos 5:10

Sikiyu is menge tig-Israel, egkepeukan niw is edhukum te hustu wey egkaǥi te tutuu ziyà te hukmanan.