Jeremias 16:9 - Manobo Western Bukidnon OT

⁹ Su iyan a, is Nengazen he Mekeǥeǥehem, he Megbevayà te Israel, migkaǥi kayi: ‘Ibpeengked ku is kedlilipeylipey wey kedlipey kayi he lugar, minsan is kedlipey te beuǥu. Egkesaksiyan nu heini kayi te kenikew he timpu.’

Jeremias 16:9 ပူးပေါင်းရင်းမြစ်များ

Salmo 78:63

Mibpeminsulan is menge vetan-en he menge maama kandan, umbe wazè en ebpekeesawa te menge raǥa zan.

Jeremias 25:10

Edhimuwen ku he kenè kew en ebpekeǥusà wey ebpekelipeylipey. Kenè en egkezineg is kebpeeyuwà te veuǥu, wey wazè en daǥing te ebpenggaling te trigu wey edtemtem te sulù ke mezukilem.

Jeremias 7:34

Ibpeengked ku en is kegalew wey kedlipey ziyà te menge zalan te Jerusalem. Is melipayen he kegkaǥi te beuǥu kenè en egkezineg diyà te menge inged te Juda su egkehimu heini he mekevulungbulung.”

Ezekiel 12:25

Su emun iyan a, is Nengazen egkaǥi, ne segugunà heini egketuman. Egketuman en is migkaǥi ku he ebpekesuǥat diyà te keniyu te menge mesinupaken he menge etew. Egkehitavù heini ziyà te keniyu he timpu. Iyan a, is Nengazen he MEGBEVAYÀ, migkaǥi kayi.”

Ezekiel 26:13

Pinaaǥi kayi ibpeengked ku sikiyu te kegkanta wey kedtukar te menge alpa niw.

Hoseas 2:11

Ibpeengkezan ku en is langun he ispisyal he menge timpu te ked-azap he edsilibrahan din kada tuig, kada vulan, wey kada simana.