Jeremias 15:18 - Manobo Western Bukidnon OT

¹⁸ Maan is kenè en egkepangkus is kegkesekiti ku? Maan is kenà egkeulian is palì ku? Kenè en be heini egkevewian? Id-awè nu ve is perateng ku he iring te wahig he egkemezahan penahun te gulavung?”

Jeremias 15:18 ပူးပေါင်းရင်းမြစ်များ

Job 14:11

Iring te edeisey is wahig diyà te zaǥat wey egkemezahan is wahig he edtudà,

Job 34:6

Minsan metazeng a, ed-isipen a he teruen. Minsan wazà salà he nehimu ku, mibeǥayan e zin te zaru he kenà egkeulian.’

Salmo 6:3

Nesemukan utew is isip ku, Nengazen. Keenu e en be kenikew ebewii?

Jeremias 14:19

He Nengazen, inselikwey nu en be is Juda? Egkeepesan nu ve is Jerusalem? Maan is mibpurungan key kenikew pelii, ne kenè key en egkeulian? Ebperateng key he ebeǥayan key kenikew te kelinew, piru wazè dey heini mezawat. Ebperateng key he ebewian key kenikew wey key meulii, piru kegkahandek is nekeuma ziyà te kenami.

Jeremias 14:3

Midsuǥù te menge sepian is menge suluǥuen dan te kedsekezu. Midhendiyè dan te menge vudsi he punduwà te wahig piru wazà wahig. Umbe midlikù dà sikandan he wazè meteǥui is menge teleǥuey zan. Ne tenged te kegkeseeng dan wey kegkeeled dan, midtembunan dan is menge ulu zan.

Jeremias 20:18

Maan is neetew e pa? Te iyan dè bes egkeehè ku is keǥuvut wey kelised, ne ebpatey a te kegkeeled?

Jeremias 20:7

He Nengazen, midlimbungan a kenikew wey mibpildi. Nehimu a he ed-eengitan te menge etew, ne kenè e zan ed-engkezan te edsudì.

Jeremias 30:12

Migkeǥiyan pa te Nengazen is menge etew zin te, “Is menge palì niw kenè en heini egkeulian su utew en grabi. Wazà ebpeketavang wey ebpeketambar keniyu. Wazè en bawì para keniyu.

Jeremias 30:15

Kenè kew riklamu tenged te palì niw he kenà egkeulian. Midsilutan ku sikiyu su utew en meveǥat is menge salè niw wey utew en mezakel.

Micas 1:14

“Ne ǥuntaan sikiyu is menge tig-Juda, pemazè kew en diyà te inged he Moreshet Gat su ebihaǥen en is menge etew kayi te menge kuntada. Ebihaǥen daan is menge meǥinged diyà te inged he Aczib, umbe wazà tavang he egkekuwa te menge hadì niw he ebperateng te tavang puun keniyan he inged.

Micas 1:9

Su is kegkezeeti te Samaria ne iring te palì he kenè en egkeulian, ne egkeulaula zaan heini ziyà te Juda. Ne ebpekeuma heini ziyà te Jerusalem kes kepital he inged te menge zuma ku he menge meǥinged.