Jeremias 14:8 - Manobo Western Bukidnon OT

⁸ He Nengazen, diyè dà te kenikew is perateng dey te menge Israilihanen. Iyan ka ebpekelibri kenami emun timpu he edlised key. Maan is henduen te lumelengyawè ke zà kayi te kenami? Maan is henduen te humuhulevungè ke zà kayi te tanè dey?

Jeremias 14:8 ပူးပေါင်းရင်းမြစ်များ

Salmo 10:1

Nengazen, maan is mibpekeziyù ka? Maan is mid-eles ka zutun te timpu he edlised key?

Salmo 138:7

Minsan utew a edlised, ne wazè nu ituǥut he mebpatey a. Midsilutan nu is utew egkengepauk he menge kuntada ku. Ne midlibri a kenikew pinaaǥi te ǥehem nu.

Salmo 46:1

Is Megbevayà iyan ebpengalang kenitew wey iyan ebeǥey kenitew te zesen. Ne layun sikandin andam he edtavang emun timpu te kelised.

Salmo 46:2

Umbe, kenè kiw egkahandek minsan pa ke egkehuyung is tanà ne egkengetempag is menge vuntud ne egkengeulug diyà te zizalem te zaǥat,

Salmo 50:15

Umawa a keniyu te timpu te kelised su edlibriyen ku sikiyu, ne zutun edeliǥen a keniyu.”

Salmo 71:5

He Nengazen he MEGBEVAYÀ, diyà te kenikew is perateng ku. Su puun te vatè e pa ne midsarig e en kenikew.

Salmo 9:9

Nengazen, iyan ka egkeeputan te menge etew he edèdaaǥen dutun te timpu te kelised.

Salmo 91:15

Emun ed-umawen e zin, ne edtevaken ku sikandin; emun edlised sikandin, ne eduma a kandin; edlibriyen ku sikandin wey ebeǥayan ku te zengeg.

Isaias 33:2

Nengazen, kehizuwi key. Midsarig key kenikew. Lig-eni key kada andew, wey libriya key zutun te timpu te kelised.

Isaias 43:11

Iyan e zà Nengazen, ne ǥawas kedì wazè en duma pa he Menluluwas.

Isaias 43:3

Su iyan a, is Nengazen Megbevayè nu, he Waǥas he Megbevayà te Israel, ne iyan a menluluwas nu. Ibeǥey ku ziyà te zuma he nasyun is Ehipto, Etiopia wey Seba he ilis kenikew.

Isaias 45:15

He Megbevayà wey Menluluwas te Israel, tutuu he Megbevayè ka he kenà ebpaahà.

Isaias 45:21

Pein-inseey kew, ne ipezayag niw is ketezengan niw. Hentei is midtagnè dengan te egkengehitavù? Kenè be iyan a, is Nengazen? Wazè en duma he Megbevayà, kekenà, iyan e zà–kes metazeng he Megbevayà wey Menluluwas.

Isaias 63:8

Migkaǥi is Nengazen te, “Tutuu iyan he menge etew ku sikandan; menge anak ku sikandan he kenà edluib kedì.” Umbe midlibri zin sikandan.

Jeremias 16:19

Migkaǥi a te, “He Nengazen, iyan ka zesen ku wey eputà emun timpu te kelised. Ed-uvey ziyà te kenikew is menge etew ziyà te menge nasyun he ebpemuun diyà te nekedseselekawà he vahin kayi te kelibutan ne ke sikandan te, ‘Wazà pulus te menge ed-ezapen te menge kepuun dey. Wazà keupiyaanan he nehimu kayi ziyà te kandan.

Jeremias 17:13

Iyan ka Nengazen, egkeperateng te menge Israilihanen. Egkepeel-elezan is langun he mid-awà diyà te kenikew. Idleveng sikandan diyà te zizalem te tanà, su inselikwey ke zan, is serebseb he ebpekeveǥey te untung.

Jeremias 30:7

Utew subra is mekahandekhandek emun egkeume en heeyan he timpu! Wazè en ebpekeiring keniyan he timpu. Timpu heeyan te kelised te menge kevuwazan ni Jacob, piru ziyà te huziyan he timpu egkelibri sikandan keniyan he kebpekesavuk.

Jeremias 50:7

Edsurungen sikandan te ebpekaahà kandan. Egkaǥi is menge kuntada zan te, ‘Nekesalè dan diyà te Nengazen he iyan tutuu he eputè dan wey egkeperateng te menge kepuun dan, umbe wazè tew televaken emun edsurungen tew sikandan.’

Joel 3:16

Eghiniǥer is Nengazen he ebpuun te Zion; edraǥeb is laǥeng din he ebpuun te Jerusalem. Ne tenged kayi egkehuyung is kelibutan wey is langit. Piru melig-en he eputà is Nengazen para te menge Israilihanen he menge etew zin.

Zacarias 9:12

Sikiyu is menge nevihag he ebperateng he mekelingkawas, likù kew en diyà te melig-en he menge lugar. Ǥuntaan egkaǥi a ziyà te keniyu he idlikù diyà te keniyu he edtekepen is naawà diyà te keniyu.

Zatù 19:17

Ne hein naahà sikandan dutun te meǥurang, mid-uvayan din wey mid-insaan din, “Hendei kew ebpuun? Wey hendei kew ebpevayà?”