Jeremias 14:6 - Manobo Western Bukidnon OT

⁶ Is leew he menge asnu ebpemenhitindeg diyà te zemilag he menge vuvungan is ebelhalen he henduen be te egkemezahan he leew he menge asu. Mibmerusirem en is ked-ehè dan tenged te wazè dan en egketabtab.”

Jeremias 14:6 ပူးပေါင်းရင်းမြစ်များ

Isaias 32:14

Is inged he mezakel zengan is mid-ubpà duen, ne kenè en maan ed-ubpaan. Is melig-en he menge vahin kayi, ebey-anan en. Is mibuntud-buntud wey turi kayi egkeiring te sibsivayan minsan keenu. Edriǥuriǥu kayi is menge asnu ne ebpemenabtab is menge langgam.

Jeremias 2:24

Iring kew te behiyan he asnu he ebpekemurmuriwad te kebpelelevag din. Emun egkesuat he ebpeniwelayan ne wazè en ebpekeeǥen kandin. Melemu he ebpen-ahaan te meemahan emun timpu te kebpepeniwaley.

Penhulùhulù 4:17

Ebmerusirem en is ked-ehè dey te kedtaǥad te tavang te kezapig dey he menge nasyun, piru wazà sikandan medtavang kenami. Ebantey key ziyà te menge turi zey te kebpekeuma te ebpuun diyà te nasyun he kenà daan ebpekelibri kenami.

Penhulùhulù 5:17

Tenged kayi mibmesakit is gehinawa zey ne mibmerusirem is ked-ehè dey.

Joel 1:18

Egurub is menge uyaǥen tenged te kegkevitil zan. Ed-engà is menge vaka su wazè dan en egketabtab, wey elin daan edlised is menge kerehidu.

1 Samuel 14:29

Migkaǥi si Jonatan te, “Kenà meupiya is ebeelan te amey ku kayi te nasyun. Ahaa niw man, utew a nekeuhang te nekeǥezam a te deisey zà he teneb.