Jeremias 14:3 - Manobo Western Bukidnon OT

³ Midsuǥù te menge sepian is menge suluǥuen dan te kedsekezu. Midhendiyè dan te menge vudsi he punduwà te wahig piru wazà wahig. Umbe midlikù dà sikandan he wazè meteǥui is menge teleǥuey zan. Ne tenged te kegkeseeng dan wey kegkeeled dan, midtembunan dan is menge ulu zan.

Jeremias 14:3 ပူးပေါင်းရင်းမြစ်များ

2 Samuel 15:30

Midtekezeg si David diyà te Buvungan te menge Olibo. Ne wazè din sendalyas ne edtembunan din is ulu zin he edsineǥew. Ne ebpemenineǥew zaan haazà is menge zuma zin he edtambun daan te menge ulu zan.

2 Samuel 19:4

Mid-elangan ni David is dagwey zin ne nenderawit sikandin, “He Absalom, anak ku, anak ku!”

1 Hadì 17:7

Ne hein neuǥet nemezahan haazà is beuǥan su wazè en med-uzan.

2 Hadì 18:31

“Kenè kew pemineg ki Hezekia! Iyan heini egkeǥiyen te hadì te Asiria: Kenè kew en pekidtebek kediey; surindir kew en! Ne idtuǥut ku keniyu is kegkaan te veǥas te paras wey higus niw, ne ebpekeinum kew te wahig diyà te menge punduwè niw te wahig.

Ester 6:12

Ne hein nepasad haazà midlikù si Mordecai ziyà te pultahan te turuǥan. Ne si Haman, migaanggaan med-ulì is midtembunan din is ulu zin tenged te utew zin kegkeeled.

Job 6:20

piru nepakyas dan. Ebperateng dan he zuen wahig dutun, piru wazè bes.

Salmo 109:29

Berakat he mepurung mepeel-elezi heini is menge etew he mibutangbutang kedì; meiring te visti he ebpeketambun te lawa zan is keelezan dan.

Salmo 40:14

Berakat he is langun he edtinguhà he edezaat kedì ne egkepeel-elezan wey egkeliveg.

Jeremias 14:4

Nemeka is tanà su wazà uzan. Ne tenged te kegkeeled te menge perevasuk midtembunan dan is menge ulu dan.

Jeremias 15:18

Maan is kenè en egkepangkus is kegkesekiti ku? Maan is kenà egkeulian is palì ku? Kenè en be heini egkevewian? Id-awè nu ve is perateng ku he iring te wahig he egkemezahan penahun te gulavung?”

Jeremias 2:13

“Is menge etew ku, nekehimu te zezuwa he salà: Mid-iniyuǥan e zan, is serebseb he ebpekeveǥey te untung, wey migkalut dan te vudsi he punduwà te wahig he egkemezahan, he iyan is ked-azap te zuma he menge ed-ezapen.

Jeremias 2:37

Ibpaawè ku sikiyu kayi he tanà he idampè niw is menge velad niw ziyà te menge ulu niw tenged te kegkeseeng niw. Su inselikwey ku is menge nasyun he midseriǥan niw. Heini he menge nasyun kenà ebpeketavang keniyu.”

Jeremias 20:11

Piru zuma ku sikew, Nengazen. Iring ka te mevurut he sundaru, umbe is menge edal-as kedì egkezeetan wey kenà edlampus. Egkepeel-elezan sikandan ne kenè dan edlampus, ne kenà egkelipatan is keelezan dan taman te taman.

Jeremias 3:3

Tenged keniyan, wazà med-uzan diyà te keniyu minsan timpu pezem te tipenguzan, su iring kew te vahi he ebelegyà te zengeg din he kenà egketau he egkeeled.

Penhulùhulù 4:4

Tenged te kegkemezahi te dezeisey pa he menge anak dan ebpekezeket en diyà te pelak dan is menge zilè dan. Mibuyù is menge mezekdekelè en he menge vatà te keenen, piru wazà mibeǥey kandan.

Hoseas 2:3

Emun kenà sikandin ed-engked ne edluwasan ku sikandin ne egkelevasan iring hein in-anak sikandin. Edhimuwen ku sikandin he iring te sibsivayan etawa disirtu, ne ebpatey sikandin te kegkemezahi.

Joel 1:20

Minsan is leew he menge langgam edtaǥad te penavang nu, su nemezahan en is dezekelà wey dezeisey he menge wahig, ne nengeǥangu is menge penebtavà he henduen be te nevinsulan.”

Amos 4:7

“Iyan a mid-eǥen te uzan te tetelu he vulan human is tiraǥun. Mibpeuzanan ku is duma he menge inged piru is duma wazè ku peuzani. Mibpeuzanan ku is duma he menge pemuleey piru is duma mibmemaza.

Amos 4:8

Tenged te keluya egkesemsempirey kew en is ebpen-ahà te wahig puun te sevaha he inged pehendiyà te sevaha pa he inged, piru kenà ereg is egkekuwa niw piru wazè kew ǥihapun medlikù kayi te kedì. Iyan a, is Nengazen, is migkaǥi kayi.

Zacarias 14:17

Is menge etew he kenà edhendiyà te Jerusalem te ked-azap te Nengazen he Mekeǥeǥehem he iyan hadì, kenà ebeǥayan te uzan.