Jeremias 13:25 - Manobo Western Bukidnon OT

²⁵ Iyan heini egkepeveyaan niw he kediey he kebayà para keniyu, su ǥeina te midlipatan a keniyu, ne midsarig kew te kenà tutuu he menge megbevayà.

Jeremias 13:25 ပူးပေါင်းရင်းမြစ်များ

Job 20:29

Iyan heeyan egkepeveyaan te lalung he etew he imbanglis te Megbevayà kandin.”

Salmo 11:6

Ebpeuzanan din te egkeregreg he menge vaǥa wey esupri is menge lalung he etew; ne edsilutan din sikandan pinaaǥi te meinit he keramag he ebpekelupa kandan.

Salmo 9:17

Kemetayen is egkepeveyaan te lalung he menge etew ziyà te langun he menge nasyun, su ǥeina te ebey-anan dan is Megbevayà.

Isaias 17:4

“Dutun he andew, egkaawè en is gehem te Israel, wey is ketiǥeyunan din, ne egkehimu heini he pubri.

Isaias 28:15

Su ibpehambug niw is kegkaǥi niw te, “Nekidsebutè key te kemetayen he kenè key zin kevuta, wey nekid-uyun key te iveyaan he kenè key zin ipehendiyà. Umbe kenè key egkekeizan minsan ebpekeuma is bangkit he iring te zalem, su midsarig key te menge ketetarù wey mid-endilung key ziyà te menge limbung.”

Isaias 34:17

Inteǥana zin en is tanà he imbahin din te menge langgam. Ne egkaangken dan heini taman te taman, ne zutun dan ebpekeubpà te wazà pidtemanan.

Jeremias 10:14

Is menge ed-azap te zuma he menge ed-ezapen, menge paglung wey wazà menge ketau. Egkepeel-elezan dà is menge platiru tenged te menge vineelan dan he menge ed-ezapen, su kenà heini tutuu. Wazà kayi untung.

Jeremias 18:15

Piru is menge etew ku nelipatan e zan en. Midtutungan dan te veyewà is wazè din pulus he menge ed-ezapen. Mid-ewaan dan is hustu he zalan he kezaan en ne ziyè dan med-ikul te kenà hustu he zalan ne zutun sikandan meseligkat.

Jeremias 2:13

“Is menge etew ku, nekehimu te zezuwa he salà: Mid-iniyuǥan e zan, is serebseb he ebpekeveǥey te untung, wey migkalut dan te vudsi he punduwà te wahig he egkemezahan, he iyan is ked-azap te zuma he menge ed-ezapen.

Jeremias 2:32

“Egkelipatan be te raǥa is elahas din etawa visti zin te eseweey? Kenà, piru sikiyu is menge etew ku, nelipatan a keniyu seled te neuǥet he timpu.

Jeremias 3:21

“Egkezineg is keǥurub diyà te zemilag te menge vuvungan. Ed-erang wey ebpehizuhizu is menge etew te Israel tenged te mezaat he menge vaal zan wey kedlipati zan kedì, te Nengazen he Megbevayè dan.

Ezekiel 23:35

Ne ǥeina te midlipatan a kenikew wey mid-iniyuǥan, ne siak is Nengazen he MEGBEVAYÀ, egkaǥi a he egkerasey ka tenged te mahawag he vaal he iyan is kebelegyè nu te zengeg nu.’ ”

Micas 3:11

Emun edhukum kew ebpeburan niw is ebeǥey te sipsip diyà te keniyu. Ne sikiyu is menge memumuhat, ebpenurù kew su ǥeina te ebeyazan kew. Ne sikiyu zaan is menge ebpeneuven, ebpenagnè kew tenged dà te selapì. Edsarig kew pa he edtevangan kew te Nengazen, su egkaǥi kew te, ‘Zuma zey is Nengazen. Umbe wazà mezaat he egkehitavù kenami.’

Zefanias 3:2

Wazà minsan hentei he ebpezumdumahan dan, ne kenè dan egkesuat he edewayen. Wazè dan medsarig wey mebpetavang diyà te Nengazen he Megbevayè dan.