Jeremias 13:20 - Manobo Western Bukidnon OT

²⁰ Ahàa niw is menge kuntada he ebpekeuma he ebpuun diyà te zizaya. He Jerusalem, hendei en is menge meǥinged he impehivantug nu, he insarig ku kenikew wey nu maatur?

Jeremias 13:20 ပူးပေါင်းရင်းမြစ်များ

Erubasa 14:28

Is kegkemekeǥeǥehem te hadì ne pinaaǥi te kahabet te menge sakup din; emun wazè din menge sakup ne wazè din daan gehem.

Jeremias 1:14

Ne zutun migkaǥi is Nengazen kayi te kedì te, “Duen kezeetan he ebpuun diyà te zizaya he egkeseǥazan te langun he ed-ubpà kayi he tanà.

Jeremias 1:15

Pemineg ka! Edsuǥuen ku is menge sundaru ziyà te menge ginhedian diyà te zizaya he surunga zan is Jerusalem. Is menge hadì dan ne edsavuk te menge pinuuwè dan te kedhadì diyà te menge pultahan te Jerusalem. Edliǥuyan dan is menge verengbeng kayi, wey edsurungen dan daan is duma he menge inged kayi te Juda.

Jeremias 10:22

Pemineǥa niw is utew subra he keǥurub te menge sundaru he ebpuun diyà te zizaya. Edezeetan dan is menge inged kayi te Juda, ne egkehimu zà heini he ubpeey te leew he menge asu.”

Jeremias 13:17

Emun kenè kew pa edtuu, ne edsineǥew a te meeles tenged te utew niw kebpelavew. Edsineǥew a te kenà alang-alang he edtudà is menge luhè ku, su ebihaǥen man is menge etew te Nengazen.

Jeremias 25:37

Tenged te utew kegkepauk te Nengazen, is melinawen he penebtavà egkehimu he disirtu.

Jeremias 6:22

Mid-uman pa megkaǥi is Nengazen te: “Tengteng kew! Duen menge sundaru he ebpekeuma he ebpemuun diyà te tanà he zizaya. Ebpuun sikandan diyà te sevaha he nasyun he mekeǥeǥehem he ziyà te meziyù he lugar he andam en te kedsurung.

Habakuk 1:6

Su edhimuwen ku he gemhanan is menge tig-Babilonia. Heini he menge etew, utew memesipala ne kenè ne egkesanggen he edsurung diyà te zuma he menge nasyun su wey zan maaǥew is menge lugar he kenà kandan.