Jeremias 13:19 - Manobo Western Bukidnon OT

¹⁹ Edsirahan is menge pultahan te menge inged diyà te Negev, ne wazè en ebpekeǥawas wey wazè en ebpekeseled kayi. Ne ebihaǥen is langun he menge etew ziyà te Juda.

Jeremias 13:19 ပူးပေါင်းရင်းမြစ်များ

2 Hadì 25:21

he sakup te Hamat. Ne zutun impehimetayan sikandan duen te hadì. Umbe is menge etew ziyà te Juda nekepekeziyù diyà te tanè dan he menge vihag.

1 Cronica 9:1

Is langun he menge Israilihanen ne nelista ziyà te Libru he Midsuratan te menge Keguǥuza te menge Hadì te Israel. Is menge etew ziyà te Juda ne nengevihag te Babilonia tenged te kenè dan kebpezumazuma te Nengazen.

Job 12:14

Wazà ebpekeped-uliey te egevaan din, wey wazà ebpekepeǥawas te ebpirisuwen din.

Jeremias 17:26

Edsimba is menge etew ziyà te valey te Nengazen he ebpemuun diyà te menge lugar he nekeelingkus te Jerusalem wey ziyà te menge inged diyà te Juda wey Benjamin, wey ziyà te menge mibuntud-buntud diyà te edsenlepan, diyà te menge vuvungan, wey ziyà te Negev. Ed-uwit dan diyà te valey ku is menge pemuhat he edtutungen wey zuma pa he menge pemuhat, iring te pemuhat he para gasa, pemuhat he para te kebpeselemat, wey menge veyewà.

Jeremias 20:4

Su iyan heini migkaǥi te Nengazen: Igkeherati nu is kebpekesavuk nu wey is kebpekesavuk te langun he menge emiǥu nu. Egkeseksiyan nu is kebpenhimetayi kandan te menge kuntada zan diyà te tebek. Ibeǥey ku is tivuuk he Juda ziyà te hadì te Babilonia. Is duma he menge meǥinged kayi ebpenhimetayan, ne is duma ebihaǥen.

Jeremias 24:1

Duen impelewasan kedì te Nengazen hein mibihag en ni Hadì Nebucadnezar he hadì te Babilonia si Hadì Jehoyakin he hadì te Juda, he anak ni Jehoyakim. Mid-uwit si Jehoyakin diyà te Babilonia ragkes is menge upisyal zin wey is memetau he menge pandey wey menge terebahanti. Hein neipus heini he hitavù ne zuen impelewasan te Nengazen kedì. Dutun te nelewasan ku neehè ku is dezuwa he vaskit he veǥas te higus he ziyà te egkesineruwan duen te valey te Nengazen.

Jeremias 28:4

Ibpelikù ku zaan kayi si Hadì Jehoyakin he hadì te Juda he anak ni Jehoyakim, wey is langun he menge tig-Juda he mibihag diyà te Babilonia, su egevaan ku en is gehem te hadì te Babilonia. Iyan a, is Nengazen, is migkaǥi kayi.”

Jeremias 32:44

“Uya, egkehitavù ded is kebeyazi te menge etew te pelata te menge vevesukà. Ebaal sikandan te kesebutan. Ebpirmahan, edtetakan is menge pepilis, ne edtistiǥusan. Egkeulaula heini ziyà te menge tanà ni Benjamin, wey ziyà te zezeisey he menge inged he nekeliǥuy te Jerusalem, malù dezekelà he menge inged diyà te Juda, wey te menge inged diyà te menge vuvungan, diyà te inged te menge mibuntud-buntud diyà te edsenlepan, wey ziyà te inged he Negev. Ibpelikù ku is menge etew ku wey ibpeuswag ku sikandan ibpeuman. Iyan a, is Nengazen, is migkaǥi kayi.”

Jeremias 33:13

Dutun ebmahabet en maan is menge uyaǥen dan diyà te menge inged he ziyà te menge vuvungan, diyà te menge mibuntud-buntud diyà te edsenlepan, diyà te Negev, diyà te menge tanà ni Benjamin, diyà te zezeisey he menge inged he nekeelingkus te Jerusalem, wey ziyà te menge inged diyà te Juda. Iyan a, is Nengazen, is migkaǥi kayi.”

Jeremias 39:9

Mibpenduma ni Nebuzaradan he pengulu te menge vantey is menge etew he nesamà dutun te inged pehendiyà te Babilonia, ragkes en sikan is nekidsevaha kandin.

Jeremias 52:27

he sakup te Hamat. Ne zutun impehimetayan sikandan duen te hadì. Umbe is menge etew ziyà te Juda nekepekeziyù diyà te tanè dan he menge vihag.

Jeremias 52:28

Iyan heini kezakel te menge Israilihanen he mibihag ni Hadì Nebucadnezar: Hein ikepitu he tuig te kedhadì din, 3,023 he menge etew. Hein ike-18 he tuig te kedhadì din, 832 he menge etew. Hein ike-23 he tuig te kedhadì din, 745 he menge etew. (Si Nebuzaradan he peremandar te menge vantey te hadì is mibihag kandan.) 4,600 langun is menge etew he nevihag.

Penhulùhulù 1:3

Impaantus is Juda ne mibihag is menge etew kayi. Diyè en sikandan mekeubpà te zuma he menge nasyun he zutun mereǥen is kebpekesavuk dan. Edel-asen sikandan te menge kuntada zan ne wazè dan egkepeleǥuyan.

Zacarias 7:7

Iyan daan heini menge lalag he impekaǥi ku zengan te menge ebpeneuven, dutun te timpu he meuswaǥen pa is Jerusalem wey mahabet pa is menge etew kayi ragkes is menge inged diyà te peliǥuy zin, wey ragkes is Negev wey is menge mibuntud-buntud diyà te edsenlepan.”

Deuteronomio 28:15

“Piru emun kenè kew ebpemineg te Nengazen he Megbevayè niw ne kenè niw ebpurungan edsunuza is langun he menge suǥù din wey is menge sulunuzen he ibeǥey ku keniyu ǥuntaan, ne ebpekesuǥat diyà te keniyu heini is langun he rawak:

Deuteronomio 28:52

Edsurungen dan is langun he menge inged niw he ibeǥey keniyu te Nengazen he Megbevayè niw taman te egkelempag is metikang wey melig-en he menge verengbeng he iyan edseriǥan niw.

Josue 18:5

Kinahanglan he ebehinen haazà is tanà te pitu he vahin. Kenà idragkes is tanà te tribu ni Juda ziyà te zivavà wey is tanà te menge tribu ni Jose ziyà te zizaya.