Jeremias 13:11 - Manobo Western Bukidnon OT

¹¹ Is bahag egkeheǥet diyà te hawak te etew, ne egkesuatan ku zaan he is langun he menge etew ziyà te Israel wey Juda ne meheǥet is kegewezi zan kediey. Midhimu ku sikandan he menge etew ku, su para mevantug a wey para meveǥayi a te zengeg, piru kenè dan ebpemineg kedì. Iyan a, is Nengazen, is migkaǥi kayi.

Jeremias 13:11 ပူးပေါင်းရင်းမြစ်များ

Salmo 135:4

Deliǥa niw sikandin su mibpilì din is menge etew te Israel he menge kevuwazan ni Jacob, para mehimu he ispisyal he menge etew zin.

Salmo 147:20

Wazè din heini ul-ulaha ziyà te zuma he menge nasyun; wazè dan mulà haazà metueni is menge suǥù din. Deliǥa is Nengazen!

Salmo 81:11

Piru sikiyu is menge Israilihanen he menge etew ku, wazè kew mebpemineg wey mebpezumazuma kedì.

Isaias 43:21

Iyan heini menge etew he midlimbag ku su para mehimu he kediey, wey para deliǥa e zan.

Isaias 62:12

Egngezanan sikandan te ‘Segradu he menge Etew’ wey ‘Menge Linuwas te Nengazen,’ ne is Jerusalem egngezanan he ‘Ebpengenduyen he Inged’ wey ‘Inged he Wazè en Iselikwey.’ ”

Jeremias 13:1

Migkaǥi is Nengazen kayi te kedì te, “Hipanew ka ne pemasa ka te vahag he linu, ne ivevahag nu heini. Piru kenè nu heini pìpii.”

Jeremias 13:10

Heini is lalung he menge etew kenè dan edtuman te menge lalag ku. Ebpezumdumahan dan is kenà kegkemepezumdumahan te gehinawa zan, ne ebpenilbi zan wey ed-azap te zuma he menge ed-ezapen. Ne egkeiring sikandan te vahag he wazè din en pulus.

Jeremias 13:12

“Jeremias, keǥiyi nu is menge etew ziyà te Israel he siak, is Nengazen he Megbevayà te Israel, migkaǥi a te, ‘Is langun he lundis he teleǥuey niw te vinu ne kinahanglan he egkepenù te vinu.’ Ne emun egkeǥiyan ke zan te, ‘Netuenan dey en he pudu egkepenù te vinu is langun he lundis he teleǥuey zey.’

Jeremias 19:15

“Pemineg kew, su iyan heini migkaǥi te Nengazen he Mekeǥeǥehem, he Megbevayà te Israel: Ibpaaǥi ku kayi he inged wey ziyà te menge inged he nekeelingkus kayi is kezeetan he nekaǥi ku he idezaat kandan, geina te utew sikandan mesinupaken ne wazè dan mebpemineg te menge lalag ku.”

Jeremias 32:20

Mibaal ka te menge singyal wey menge egkein-inuwan he menge vaal ziyà te Ehipto ne taman en guntaan is kebeeli nu zutun kayi te Israel wey ziyà te zuma he menge nasyun. Ne pinaaǥi kayi nehimu ka he velentuǥen taman en guntaan.

Jeremias 33:9

Emun egkeuleule en heini, ne ebeǥey kedì te zengeg is inged he Jerusalem, ne egkelipey a wey edeliǥen a, ne is menge etew ziyà te menge nasyun kayi te kelibutan ebpengerkeren te kegkahandek dan emun egkezineg dan is meupiya he ebeelan ku keuzemà kayi he inged, ragkes is kebpeuswag wey kebeǥayi ku kayi te kelinew.”

Jeremias 6:17

Mibpilì a te vantey he ibpekaǥi ku keniyu te, ‘Pemineǥa niw is kebpezaǥing te vudyung su wey kew mekepengandam.’ Piru migkaǥi kew te, ‘Kenè key mulà ebpemineg.’

Jeremias 7:13

Dutun te kebeeli niw kayi te mezaat he menge vaal, edtulungan ku en sikiyu ebpetizeeni, piru wazè kew mebpemineg. Mid-umew ku sikiyu piru wazè kew medtavak.

Jeremias 7:23

kekenà, midsuǥù ku zaan sikandan he ke siak te: ‘Pezumdumahi a keniyu, ne egkehimu a he Megbevayè niw ne egkehimu kew he menge etew ku. Pengungubpaan kew te sungkad te menge paaǥi he insuǥù ku keniyu su wey mebmeupiya is kebpekesavuk niw.’

Jeremias 7:24

“Piru wazè dan mebpemineg wey medtuman te migkaǥi ku. Su iyan dan mibpezumdumahan is indikta te mezaat he gehinawa zan. Wazà sikandan med-uvey kayi te kedì, kekenà, mid-iniyuǥan e zan.

Jeremias 7:26

Piru wazè niw sikandan pemineǥa wey tuuwi. Edhuna kew pa he menge mesinupaken wey edhuna pa he mezaat is menge vaal niw kenà te menge kepuun niw.

Amos 3:1

“Sikiyu is menge tig-Israel, he is menge kepuun niw impeǥawas te Nengazen diyà te Ehipto, pemineǥa niw is menge lalag din he ebpekesuǥat keniyu:

Deuteronomio 26:18

Ne impahayag daan te Nengazen ǥuntaan he iyan kew ispisyal he menge etew zin sumalà is penaad din, ne kinahanglan he edtumanen niw is langun he menge suǥù din.

Deuteronomio 26:19

Ne sumalà is penaad din, edhimuwen kew zin he lavew te langun he menge nasyun, ne edeliǥen kew wey ebeǥayan kew te dengeg. Egkehimu kew he menge etew he pinilì te Nengazen he Megbevayè niw.”

Deuteronomio 4:7

Wazà duma he mekeǥeǥehem he nasyun he uvey ziyà te kandan is megbevayè dan he iring kenitew te uvey ziyà te kenitew is Nengazen he Megbevayè tew ne ebpekesampit kiw kandin te minsan hengkey he timpu.