Jeremias 12:9 - Manobo Western Bukidnon OT

⁹ Iring sikandan te tagbis he ebpendawi. Ne ǥuntaan, iyan sikandan edewiyen te midliǥuy he menge tagbis he ebpendawi. Edtiǥumen ku is langun he zumezaas he menge langgam su ibpezawi ku zaan sikandan.

Jeremias 12:9 ပူးပေါင်းရင်းမြစ်များ

2 Hadì 24:2

Mibpengelinteuwan te Nengazen he surunga te menge tig-Babilonia, tig-Aram, tig-Moab, wey tig-Amon is Juda, sumalà te migkaǥi te Nengazen pinaaǥi te menge suluǥuen din he mibpenaub din.

Isaias 2:11

Egkeuma is andew he iyan dà is Nengazen edeliǥen. Ibpekevavè din is ked-etew te menge hembugiru wey menge mepelevawen.

Isaias 2:12

Su zuen andew he midtelaan te Nengazen he Mekeǥeǥehem he zutun ibpekevavè din is ked-etew te menge hembugiru, menge mepelevawen, wey mid-isip dan he gemhanan sikandan.

Isaias 56:9

Uvey kew is menge etew ziyà te menge nasyun he iring kemesipala te menge langgam, ne dèdeeti niw is menge etew ziyà te Israel.

Jeremias 15:3

Ibpeseǥazan ku kandan is heepat he klasi te kezeetan: Ebpenhimetayan sikandan pinaaǥi te tebek, idtangag te menge asu is menge lawa zan te ebpematey, egkeenen sikandan te menge tagbis, ne is egkesamà he menge lawa zan ed-eminen egkeena te zumezaas he menge langgam.

Jeremias 2:15

Is menge kuntada zin henduen be te erimaung he edhiniǥer ziyà te kandin. Mibpendezeetan dan is menge tanà kayi, wey mibpemengkag dan is menge inged duen, ne wazè en ed-ubpà duen.

Jeremias 34:20

Ibeǥey ku sikandan diyà te menge kuntada zan he egkesuat he edhimatey kandan. Ne is menge lawa zan egkehimu he keenen te menge tagbis wey zumezaas he menge langgam.

Jeremias 7:33

Is ebpematey he menge etew ku egkeenen te menge tagbis wey zumezaas he menge langgam, ne wazà ebuǥew kandan.

Penhulùhulù 1:17

Mibuyù te tavang is Jerusalem, piru wazà midtavang kandin. Ketau te Nengazen he mehimu he kuntada te menge kevuwazan ni Jacob is menge nasyun diyà te peliǥuy zan. Ne is Jerusalem ed-isipen he meremerik te menge kuntada zan.

Ezekiel 34:5

Ne ǥeina te wazà ebantey kandan, nekepeyapat sikandan ne mibpendawi te zumezaas he menge langgam.