Jeremias 12:1 - Manobo Western Bukidnon OT

¹ He Nengazen, layun hustu is kukuman nu emun edriklamu a ziyà te kenikew. Ne ǥuntaan ed-insà a mehitenged te hustu he kukuman nu: Maan is ed-uswag is menge lalung? Maan is dezeyaan is ked-ubpà te menge etew he midluib kenikew?

Jeremias 12:1 ပူးပေါင်းရင်းမြစ်များ

Genesis 18:25

Kenà haazà dait he edsilutan nu is menge metazeng duma te menge mekesesalà. Kenà egkehimu he id-iring nu is menge lalung kandan. Iyan ka ebayàbayà te tivuuk kelibutan, kenè be kinahanglan he ebeelan nu ke hengkey is hustu?”

Ezra 9:15

He Nengazen he Megbevayà te Israel, metazeng ka. Su intuǥut nu he zuen nesamà kenami he uuyag taman en guntaan. Idtug-an dey is menge salè dey, su kenè key ebpekehimu he ed-etuvang kenikew tenged kayi.”

Nehemias 9:33

Metazeng is mibeelan nu te kedsilut kenami. Metinumanen ka ziyà te kenami, piru menge mekesesalè key mulà.

Job 12:6

Piru is menge tulisan wey is menge etew he ebaal te igkepauk te Megbevayà, melinawen mulà is kebpengungubpaan dan, minsan is kebpekegaga zan, ne iyan ed-isipen dan he megbevayè dan.

Job 13:3

Piru kenà a ebpekidlalis keniyu mehitenged te kasu ku, kekenà, diyà a ebpekidlalis te Megbevayà he Mekeǥeǥehem.

Job 24:12

Egkezineg diyà te inged is dag-es te menge edserupatey wey is kebuyù te tavang te negerebiyan te palì, piru wazà belesi te Megbevayà is mibaal te mezaat diyà te kandan.

Job 24:23

Egkehimu he idtuǥut te Megbevayà he dezeyaan is ked-ubpè dan, piru ebentayan te Megbevayà is langun he waleng dan.

Job 8:17

ne ebpurung ebpendalid diyà te menge vatu.

Salmo 116:5

Is Nengazen he Megbevayè tew meupiya, metazeng, wey hihizuwen.

Salmo 119:137

Metazeng ka, Nengazen, wey hustu is menge suǥù nu.

Salmo 119:75

Netuenan ku, Nengazen, he metazeng is menge suǥù nu. Ne ǥeina te metinumanen ka te egkeǥiyen nu, umbe mibmansu a kenikew.

Salmo 145:17

Nengazen, metazeng ka, ziyà te langun he paaǥi nu, ne hihizuwen ka ziyà te langun he ebeelan nu.

Salmo 37:1

Kenè ka mesemuki mehitenged te lalung he menge etew; kenè ka mesina te memezaat is baal.

Salmo 37:35

Hein nehuna he timpu, duen neehè ku he lalung he etew he ebpendaagdaag. Ed-isipen din is keugelingen din he lavew te zuma; iring sikandin te metawis he kayu he sidru ziyà te Lebanon.

Salmo 51:4

Diyè e zà te kenikew mekesalà. Mibeelan ku is menge vaal he mid-isip nu he mezaat. Umbe hustu is menge lalag nu he ebpekesuǥat kedì. Utew hustu is kedhukumi nu kediey.

Salmo 51:6

Iyan egkesuatan nu is ebpuun te keputian te atey he meheǥet wey tinutuuwà he ked-ul-ulaha te hustu; umbe penurua a su wey a mehimu he uluwanen.

Salmo 92:7

he minsan iring te nenuvù he menge sagbet is ked-uswag te kebpekesavuk te menge lalung, edezeetan gihapun sikandan te wazà pidtemanan.

Erubasa 1:32

Su is kewewalì te etew he wazè din hustu he ketau iyan ibpatey zin, ne is kebpeeyehey te tulebung iyan ebpekezezaat kandin.

Megwewali 8:14

Piru zuen egkengeulaula kayi te kelibutan he kenè ta egkesavut. Usahay iyan is metazeng ebpekezawat te silut he para pezem te lalung he etew, ne is lalung iyan ebpekezawat te suhul he para pezem te metazeng. Ne iyan egkekaǥi ku is wazà kayi pulus.

Isaias 41:21

Migkaǥi is Nengazen, he hadì te Israel ziyà te menge ed-ezapen te, “Sigi, riklamu kew en wey mebpengetezengan!

Isaias 48:8

Wazè niw mezineg wey mesavut heini he menge hitavù su puun pa zengan mibpevevengel kew en. Netuenan ku ke sengemenu is kemeluiven niw, su puun pa te kegkeetew niw ne menge mesinupaken kew en.

Jeremias 11:20

Piru mid-ampù a, ke siak te, “He Nengazen he Mekeǥeǥehem, metazeng is kedhukum nu wey nesayud ka te isip wey gehinawa te etew. Ipeehè nu kedì is kebelesi nu kandan, su insarig ku kenikew is kasu ku.”

Jeremias 12:6

Minsan is menge suled nu he maama, he sakup pezem te pemilya nu, ne midluib kenikew. Mezaat is pelanu zan diyà te kenikew. Kenè ka sarig kandan minsan meupiya pa is egkeǥiyen dan diyà te kenikew.

Jeremias 3:20

Piru iring is ked-isipa ku keniyu te vahi he meluiven te esawa zin. He menge etew te Israel, iyan a, is Nengazen migkaǥi kayi.

Jeremias 3:7

Kunaan ku ke edlikù sikandan kayi te kedì emun egkepasad dan en te ebaal is langun, iyan, wazà sikandan medlikù. Ne naahà heini te meluiven he suled dan he iyan is Juda.

Jeremias 32:16

Ne hein ingkeveǥey ku en haazà is pepilis diyà te ki Baruc he anak ni Neria, ne nengemuyù a te,

Jeremias 5:11

Is menge etew ziyà te Israel wey Juda, ne kenè en ebpezumazuma kediey. Iyan a, is Nengazen, is migkaǥi kayi.

Jeremias 9:2

Angin pezem ke zuen ku egkeubpaan diyà te sibsivayan su ebpekeziyuan ku en is menge emurè ku te inged, su pudu sikandan menge meluiven he iring te vahi he mengungumpadi.”

Penhulùhulù 1:18

Migkaǥi is Jerusalem te, “Metazeng is Nengazen; piru wazè ku tumana is suǥù din. Sikiyu is langun he menge etew, pemineg kew, wey tengtengi niw is kegkerasey ku. Mibihag is menge vetan-en ku he menge vahi wey menge maama.

Ezekiel 18:25

“Ne sikiyu mulà, iyan niw egkeǥiyen is, ‘Kenà metazeng is menge paaǥi te Nengazen.’ Pemineg kew is menge etew te Israel: Iyan be kenà metazeng is kediey he menge paaǥi etawa iyan is keniyu?

Daniel 9:14

Andam ka he edsilut kenami; ne mibeelan nu en heini tenged te egkezumahan te hustu he kukuman is langun he ebeelan nu, piru wazè key ǥihapun mebpezumazuma kenikew.

Daniel 9:7

“Metazeng ka, Nengazen, iyan, sikami mulà mekeeled-eled is menge vaal zey minsan guntaan. Tutuu heini ziyà te langun he menge meǥinged diyà te Juda wey Jerusalem, wey ziyà te langun he menge Israilihanen he impedsusuwey nu ziyà te uvey wey meziyù he menge lugar tenged te kedsupak dan kenikew.

Hoseas 6:7

Iring ki Adan, wazè niw itetepi-an is paaǥi ku te kebpekid-uyun keniyu. Midluivan a keniyu keniyan te lugar niw.

Habakuk 1:4

Umbe, nehimu he wazè en pulus te kesuǥuan; wazè en ul-ulaha is hustu he kukuman su is menge etew he nekesalà, ne iyan ebpekezaag diyà te hukmanan ne kenà iyan is wazà mekesalà. Umbe nevulegkù en is hustu he kukuman.”

Zefanias 3:5

Piru zutun gihapun is Nengazen te inged dan. Mibeelan te Nengazen is hustu ne wazà sikandin mebaal te kenà hustu. Kada andew ibpeehè din ke hengkey is hustu, ne wazè din heini engkezi te ebaal. Piru heini is lalung he menge etew mibpedayun gihapun te kebaal te mezaat ne wazà sikandan meeled.

Malakias 2:17

Migkaǥi pa si Malakias te, “Neperahan en is Nengazen he ebpemineg te menge lalag niw. Ne ed-insè kew te, ‘Hengkey is mibeelan dey he iyan ingkeperahi te Nengazen te menge lalag dey?’ Migkaǥi kew te is langun he mibaal te mezaat ne meupiya is ked-ahaa kandan te Nengazen, ne nekepenunuat sikandan kandin. Migkaǥi kew pa te, ‘Hendei en buwa is Megbevayà he metazeng is kukuman din?’ ”

Malakias 3:15

Ke sikiyu zaan te, ‘Sumalà te neehè tew, iyan is menge mepelevawen nengezeyzey. Utew mid-uswag is mezaat is menge vaal zan, ne minsan sikan is midhinggat dan is Megbevayà he mepauk kandan pinaaǥi te mezaat he menge vaal zan ne wazà memenu.’ ”

Deuteronomio 32:4

Iyan sikandin batu he endilungè ku; utew hustu is menge vaal zin, wey metazeng is langun he menge paaǥi zin. Metinumanen sikandin he Megbevayà ne kenà sikandin egkesayep; metazeng sikandin ne hustu is menge vaal zin.