Jeremias 11:6 - Manobo Western Bukidnon OT

⁶ Migkaǥi en maan is Nengazen kayi te kedì te, “Kegiya nu heini he menge lalag diyà te menge inged diyà te Juda wey ziyà te menge zalan diyà te Jerusalem: Tentenuzi niw wey tumana niw is menge sulunuzen dutun te kebpekid-uyun ku keniyu.

Jeremias 11:6 ပူးပေါင်းရင်းမြစ်များ

Salmo 15:5

Kenè din ibpaanak is selapì he ibpeutang din, wey kenà sikandin egkeuwit te suhul emun ibpetistiǥus sikandin su wey mehukumi te silut is kenà dait he edsilutan.” Is etew he iyan heeyan ulaula zin, ne egkehimu sikandin he layun melig-en ne kenà sikandin egkewaleng te minsan keenu.

Isaias 58:1

Migkaǥi is Nengazen te, “Habet kew pengulahì; iringa niw te kezaǥing te vudyung! Kenè niw heini eǥena! Ipetueni niw te menge etew ku he menge kevuwazan ni Jacob is menge salè dan wey menge kedrapas.

Jeremias 19:2

ne hendiyè kew te Suǥud-suǥud he Ben Hinom, he uvey te Pultahan te Ibpehendiyà te Timbaǥà te Egkengeǥevà he menge Ziniyun. Ne tudtula nu zutun is migkaǥi ku ziyà te kenikew.

Jeremias 2:2

“Genat ka ne keǥiya nu heini ziyà te menge tig-Jerusalem: ‘Netenuzan ku is keheǥet te gehinawa niw kayi te kedì wey is kebpelenggaa niw kedì dengan he iring te kebpelenggaa te maama te betan-en he vahi he sikan din pa meesawa. Midsunud kew kedì minsan diyà te sibsivayan he wazà duen menge pinemula.

Jeremias 3:12

Ne ǥuntaan, genat ka, ne keǥiya nu heini he lalag diyà te Israel: Iyan a is Nengazen, migkaǥi a te: Likù ka kayi te kedì, sikew is kenà metinumanen he Israel, su hihizuwen a. Kenè ku en sikew egkepeukan.

Jeremias 7:2

“Hitindeg ka ziyà te ǥemawan te valey ku ne keǥiya nu heini he menge lalag: ‘Pemineg kew is menge etew kayi te Juda he edseled kayi te ked-azap te Nengazen.

Zacarias 7:7

Iyan daan heini menge lalag he impekaǥi ku zengan te menge ebpeneuven, dutun te timpu he meuswaǥen pa is Jerusalem wey mahabet pa is menge etew kayi ragkes is menge inged diyà te peliǥuy zin, wey ragkes is Negev wey is menge mibuntud-buntud diyà te edsenlepan.”

Deuteronomio 4:1

Ne migkaǥi si Moises te, “Menge Israilihanen, pemineǥa niw is menge suǥù wey is menge sulunuzen he ibpenurù ku keniyu. Tumana niw heini su wey kew meuyag ne ebpekeubpè kew zuen te tanà he ibeǥey keniyu te Nengazen he Megbevayà te menge kepuun niw.

Deuteronomio 4:5

“Ibpenurù ku keniyu is menge suǥù wey menge sulunuzen he imbeǥey kedì te Nengazen he Megbevayè ku, su para mesunud niw heini emun ebpekeuma kew en duen te tanà he ebpeveyaan niw wey ed-engkenen niw.