Jeremias 11:20 - Manobo Western Bukidnon OT

²⁰ Piru mid-ampù a, ke siak te, “He Nengazen he Mekeǥeǥehem, metazeng is kedhukum nu wey nesayud ka te isip wey gehinawa te etew. Ipeehè nu kedì is kebelesi nu kandan, su insarig ku kenikew is kasu ku.”

Jeremias 11:20 ပူးပေါင်းရင်းမြစ်များ

Genesis 18:25

Kenà haazà dait he edsilutan nu is menge metazeng duma te menge mekesesalà. Kenà egkehimu he id-iring nu is menge lalung kandan. Iyan ka ebayàbayà te tivuuk kelibutan, kenè be kinahanglan he ebeelan nu ke hengkey is hustu?”

2 Hadì 19:14

Ne hein nepasad ni Hezekia te ebasa is surat he imbeǥey kandin duen te menge menunudtulà, midhendiyà sikandin te valey te Nengazen ne mibekar zin haazà is surat diyà te etuvangan te Nengazen.

1 Cronica 28:9

“Ne sikew, Solomon he anak ku, kilelaa nu wey silbiyi nu is Megbevayà te amey nu te tivuuk he ǥehinawa nu wey isip nu, su naahà te Nengazen is kada ǥehinawa wey netuenan din is tuyù tew wey ked-isip-isip tew. Emun ed-aput ka ziyà te kandin, ne edtevangan ke zin; piru emun ed-iniyug ka kandin ne ebeleǥazen ke zin te wazà pidtemanan.

1 Cronica 29:17

He Megbevayè ku, netuenan ku he iyan ka edsusi te menge ǥehinawa zey, ne igkelipey nu ke egkeehè nu he metazeng heini. Umbe tutuu wey ebpuun te keputian te atey is kebeǥaya ku kayi he menge vutang. Wey minsan is menge keet-etawan nu he kayi ǥuntaan ne neehè ku he mibeǥey zan daan te ebpuun te keputian te atey zan. Umbe utew a nelipey.

Job 5:8

“Emun iyan a sikew, edangep a ziyà te Megbevayà ne ibpeehè ku kandin is kebpekesavuk ku.

Salmo 139:23

Susiya a kenikew, Megbevayè ku, su para metueni nu is kayi te ǥehinawa ku. Gezami a, su para metueni nu is ed-isipen ku.

Salmo 35:2

Kuwaa nu is kelasag nu wey penagang nu, ne tevangi a.

Salmo 43:1

He Megbevayà, ipeehè nu he wazè ku salà, ne levani a su wey a kenà mezezeeti te menge etew he kenà edtuu te Megbevayà. Libriya a te kedezeeti kedì te limbungan wey lalung he menge etew.

Salmo 57:1

Kehizuwi a, Megbevayè ku, su ziyà a te kenikew med-aput, iring a te pispis te tagbis he ebpelekup te iney zin. Ed-aput a ziyà te kenikew taman te wazè en bangkit.

Salmo 58:10

Egkelipey is menge metazeng emun egkeehè dan he edsilutan nu is menge lalung ne ebpematey sikandan.

Salmo 7:10

Iyan ka, He Megbevayà, nehimu he kelasag ku. Iyan ka edlibri te menge metazeng.

Salmo 7:8

Iyan ka, Nengazen, edhukum te menge etew. Ipeehè nu he wazè ku salà, su netuenan nu man he metazeng a ne wazè ku mibeelan he mezaat.

Salmo 7:9

Kenè nu ituǥut he ebpedayun is ulaula te mezaat he menge etew, ne tuvazi is menge metazeng, su metazeng ke man he Megbevayà, wey egkesusi nu is isip dey wey gehinawa zey.

Salmo 98:9

Egkelipey zan diyà te etuvangan te Nengazen su edhendini sikandin te kedhukum te menge etew kayi te kelibutan. Metazeng is kedhukumi zin kandan wey wazà bintahà.

Jeremias 12:1

He Nengazen, layun hustu is kukuman nu emun edriklamu a ziyà te kenikew. Ne ǥuntaan ed-insà a mehitenged te hustu he kukuman nu: Maan is ed-uswag is menge lalung? Maan is dezeyaan is ked-ubpà te menge etew he midluib kenikew?

Jeremias 12:3

Piru siak nekilala a kenikew, Nengazen. Neehè nu is mibpemeelan ku ne netuenan nu ke hengkey is kegkilelaa ku kenikew. Guyuza nu heini he menge etew he iring te eguyud ka te kerehidu he edlepaan. Itapid nu sikandan he para te edlepaan.

Jeremias 15:15

Migkaǥi si Jeremias te, “He Nengazen, netuenan nu is langun he nehitavù kediey. Tentenuzi a wey uǥupi a. Belesi nu is edtinguhà te kezeetan ku. Netuenan ku he kenè ka melemu egkepauk, umbe kenè nu kuwaa is untung ku. Tentenuzi nu is ked-entusa ku te keelezan tenged kenikew.

Jeremias 17:10

Iyan a, is Nengazen, netau a te gehinawa wey isip te etew. Ebelesan ku is etew sumalà te vetasan din wey menge ulaula zin.

Jeremias 17:18

Peel-elezi nu wey pelihendeka nu is menge edtinguhà te kezeetan ku, ne kenà a mulà. Ipeseǥazi nu kandan is kezeetan su para mengezeeti sikandan is langun.

Jeremias 20:12

He Nengazen he Mekeǥeǥehem, netuenan nu ke hentei is metazeng. Netuenan nu is gehinawa wey isip te etew. Ipeehè nu kedì is penimales nu kandan, su insarig ku kenikew is kasu ku.

Penhulùhulù 3:58

Nengazen, midtevangan a kenikew te kasu ku ne midlibri nu is untung ku.

Penhulùhulù 3:59

Neehè nu Nengazen, is mezaat he mibeelan te menge kuntada ku kayi te kediey, umbe beǥayi a te hustu he kukuman.

Penhulùhulù 3:64

Siluti nu sikandan, Nengazen, sumalà te mibeelan dan.

Ezekiel 11:5

Ne midumala a te Mulin-ulin te Nengazen ne migkeǥiyan e zin he keǥiya ku heini: “Iyan heini migkaǥi te Nengazen diyà te keniyu te menge etew te Israel, ‘Netuenan ku ke hengkey is egkeǥiyen niw wey ed-isipen niw.

1 Samuel 16:7

Piru migkaǥi is Nengazen diyà te ki Samuel te, “Kenè nu iyan ahaa is dagwey wey is kelangkew. Is tutuu wazè ku sikandin pilia. Su is ed-ahaan ku ne kenà iring te ed-ahaan te etew. Su is etew iyan ed-ahaan din is dagwey, piru siak iyan ed-ahaan ku is gehinawa.”

1 Samuel 24:15

Iyan is Nengazen edhukum kenita wey edtimbangtimbang ke hentei is selaan kenita te zezuwa. Deyzey ke seǥipaa e zin, ne levani e zin wey luwasa e zin diyà te kenikew.”