Jeremias 11:16 - Manobo Western Bukidnon OT

¹⁶ Dengan impetug-iring sikandan te Nengazen te merapung he kayu he ulibu he zuen din mahabet he meupiya he menge veǥas. Piru ǥuntaan kesevaha zà sikandan egkeremaǥa te vagyu ne egkengezeetan dan en, he iring te nengetamped he menge subpang he inrapug.

Jeremias 11:16 ပူးပေါင်းရင်းမြစ်များ

Job 8:16

Emun ed-ahaan ta ne henduen be te meupiya is kebpekesavuk din; iring heini te pinemula he nepurungan mevinyaǥi wey nesilaan te andew. Edlangkat heini ziyà te lama

Salmo 52:8

Piru siak mulà egkeiring a te kayu he ulibu he ziyà meketuvù te valey te Megbevayà. Edseriǥan ku is kebmahala zin kedì te wazà pidtemanan.

Salmo 80:16

He Megbevayà, iring key te midtamped he paras he mibinsulan. Egkezumahan te pauk nu is kedtengtengi nu kenami ne midezeetan key kenikew.

Salmo 80:17

Piru ǥuntaan tevangi key en kenikew is menge etew he mibpilì nu he ebpekeuvey kenikew wey midlig-enan nu su para mevantug ka,

Salmo 83:2

Hanu man te menge kuntada nu, egkegurigew zan he edsurung ne ebpegalbu sikandan su ebpekezaag dan kun.

Isaias 27:11

Ne hein nengeǥangu en haazà is menge subpang ne nengevadtì heini, ne ed-em-emuren te menge vahi su wey iketavun. Su is menge etew kayi he inged ne wazè dan kedsavut, kenà sikandan egkehizuwan te Megbevayà he mibaal kandan.

Jeremias 2:21

Iring kew man pezem te meupiya he klasi te paras he impemula ku. Piru neiring kew te leew he paras he wazè din pulus.

Jeremias 21:14

Piru edsilutan ku sikiyu ǥihapun te sungkad te menge vaal niw. Ebinsulan ku is turuǥan te hadì niw ne egkevinsulan is langun diyà te peliǥuy kayi. Iyan a, is Nengazen, is migkaǥi kayi.”

Jeremias 7:20

Ne iyan a, is Nengazen he Megbevayà, migkaǥi kayi: Ibpeǥezaman ku is utew ku kegkepauk kayi te lugar, ziyà te menge etew, ziyà te menge uyaǥen, diyà te menge kayu, wey menge abut te tanà. Is pauk ku iring te hapuy he kenà egkeevukan.”

Hoseas 14:6

Ebmahabet sikandan iring te subpang he ebpeneringsing. Egkehimu sikandan he dungganen iring te kayu he ulibu he mekempet, wey kayu he sidru ziyà te Lebanon he mehemut.

Deuteronomio 28:40

Ebpemula kew te mahabet he menge ulibu diyà te menge lugar niw, piru wazà lana he egkekuwa niw he ebpuun kayi, su egkerenà is menge veǥas kayi.