Jeremias 11:10 - Manobo Western Bukidnon OT

¹⁰ Midsunud dan is menge salà te menge kepuun dan he wazà mebpemineg te menge lalag ku. Mid-azap daan sikandan te zuma he menge ed-ezapen. Is menge tig-Israel wey menge tig-Juda neked-iring su pudu zan midrapas te kebpekid-uyun ku he midhimu ku ziyà te menge kepuun dan.

Jeremias 11:10 ပူးပေါင်းရင်းမြစ်များ

Salmo 78:57

Iring te menge kepuun dan, mibpekeziyuan dan wey midluivan dan is Megbevayà. Ne iring sikandan te nevadtì he panà su kenà sikandan egkeseriǥan.

Isaias 24:5

Midremerikan is kelibutan te menge meǥinged kayi, su wazè dan tumana is menge kesuǥuan wey menge sulunuzen he ibpesunud te Megbevayà. Midrapas dan is wazà pidtemanan he kebpekid-uyun te Megbevayà kandan.

Jeremias 13:10

Heini is lalung he menge etew kenè dan edtuman te menge lalag ku. Ebpezumdumahan dan is kenà kegkemepezumdumahan te gehinawa zan, ne ebpenilbi zan wey ed-azap te zuma he menge ed-ezapen. Ne egkeiring sikandan te vahag he wazè din en pulus.

Jeremias 17:23

piru wazè dan mebpemineg kediey. Kenà sikandan mepezumdumahan! Kenè dan edewaten is kebmensuwa ku kandan.

Jeremias 22:9

Ne is tavak iyan heini, ‘Tenged te inselikwey zan is kebpekid-uyun te Nengazen he Megbevayè dan, ne mid-azap wey nenilbi sikandan te zuma he menge ed-ezapen.’ ”

Jeremias 31:32

Ne kenà heini iring te paaǥi he midhimu ku ziyà te menge kepuun dan hein migiyahan ku pa sikandan is ebpuun diyà te Ehipto. Minsan neiring a te esawa zan, wazè dan medtuman duen te nehuna he kebpekid-uyun ku kandan.” Iyan a, is Nengazen, is migkaǥi kayi.

Jeremias 44:16

“Kenè key edtuu te migkaǥi nu pinaaǥi te ngazan te Nengazen!

Jeremias 44:5

piru wazè dan pemineǥa wey pezumdumahi is menge ebpeneuven. Wazè dan engkezi is kelelalung dan wey is kedtutung dan te veyewà para te zuma he menge ed-ezapen.

Jeremias 7:28

Umbe, keǥiya nu heini ziyà te kandan: Iyan heini he nasyun he is menge etew zuen kenè dan ebpezumazuma te Nengazen he Megbevayè dan, wey kenà egkesuat he edewayen. Wazè en diyà te kandan is ketutuanan; kenè dan en egkaǥi te tutuu.

Jeremias 9:6

Pudu kedlimbung is menge vaal zan, ne wazè dan en megkilala kediey.

Ezekiel 16:59

Migkaǥi pa is Nengazen he MEGBEVAYÀ te, “Edsilutan ku sikew te ereg kenikew, su mibpekahagkap nu is pesarig ku pinaaǥi te kedsupaka nu te paaǥi ku te kebpekid-uyun.

Ezekiel 44:7

Impeseled niw ziyà te valey ku is kenà menge Israilihanen he wazà medtuu te Megbevayà. Pinaaǥi kayi midremerikan niw is baley ku zutun te kebpemuhat niw te keenen, tavà te uyaǥen, wey lengesa. Gawas te utew mezaat he menge vaal niw midrapas niw pa is paaǥi ku te kebpekidepità keniyu.

Ezekiel 5:6

Piru midrapas din is menge suǥù ku, ne midsubra pa is kandin he kelelalung te kelelalung te zuma he menge nasyun diyà te peliǥuy zin. Inselikwey zin is menge suǥù ku wey menge sulunuzen.

Hoseas 6:4

Piru migkaǥi is Nengazen te, “Menge etew te Israel wey Juda, hengkey is ebeelan ku ziyà te keniyu? Is kebmahala niw kedì ne meǥaan dà egkaawà; iring dà heini te edsaǥad he virisbiris etawa zehemug emun meselem.

Hoseas 6:7

Iring ki Adan, wazè niw itetepi-an is paaǥi ku te kebpekid-uyun keniyu. Midluivan a keniyu keniyan te lugar niw.

Hoseas 7:16

Midangep dan diyà te wazè din pulus. Iring sikandan te nezeetan he panà he wazè din en pulus. Ebpatey te tebek is menge pengulu zan su wazè dan kedtahud emun egkaǥi zan. Tenged kayi ed-engitan sikandan te menge tig-Ehipto.

Zefanias 1:6

Edezeetan ku is menge mid-iniyug kedì wey is menge wazà medangep kayi te kedì.

Zacarias 1:4

Kenè niw iringi is mibeelan te menge kepuun niw. Impekeǥiyan ku sikandan dengan te menge ebpeneuven he iniyuǥi zan en is mezaat he menge vaal zan, piru wazà sikandan medtuu. Wazà sikandan mebpezumazuma kedì.

Zacarias 7:11

“Piru wazè dan medseǥipà te migkaǥi ku. Mezesen is kedsupak dan wey kenè dan ebpemineg.

Zacarias 7:13

Ne ǥeina te wazè dan mebpemineg te migkaǥi ku, ne kenà a zaan ebpemineg emun ed-umawen e zan.

Deuteronomio 31:16

Ne migkaǥi is Nengazen diyà te ki Moises te, “Meǥaan ke en ebpatey ne ebpekaamur ka ziyà te menge kepuun nu. Emun wazè ke en, ne heini he menge etew ed-azap te zuma he menge ed-ezapen he ed-ezapen te menge etew ziyà te tanà he ebpeveyaan dan. Ed-iniyuǥan e zan ne edrepasen dan is kebpekid-uyun ku kandan.

Deuteronomio 9:7

“Tentenuzi niw ke hengkey is menge ulaula niw he ingkepauk te Nengazen he Megbevayè niw. Hein diyè kew te sibsivayan. Puun te andew te kegawas niw ziyà te Ehipto ne taman en guntaan is kedtulung niw kebpekidsukulà te Nengazen.

Zatù 2:11

Mibaal te mezaat diyà te etuvangan te Nengazen is menge Israilihanen wey mid-azap dan is ledawan te ed-ezapen he si Baal.

Zatù 2:17

Piru wazè dan pemineǥa is menge pengulu zan. Kekenà, mid-iniyuǥan dan is Nengazen ne mid-azap dan is duma he menge ed-ezapen. Kenè dan iring te menge kepuun dan su utew zà melemu ziyà te kandan is ked-iniyug te menge suǥù te Nengazen he midtuman mulà dengan te menge kepuun dan.

Zatù 2:19

Iyan, emun ebpatey en is pengulu zan, ne edlikuan dan en maan is daan he vaal zan wey edhuna pa is kandan he kebaal te salà te menge kepuun dan. Nenilbi zan wey mid-azap dan is duma he menge ed-ezapen ne wazè dan engkezi is mezaat he menge vaal wey is kebmesinupaken dan.

1 Samuel 15:11

“Mibesulan ku is kedhimuwa ku ki Saul he hadì, tenged te mid-iniyuǥan e zin ne wazè din daan tumana is suǥù ku.” Hein nezineg haazà ni Samuel, utew sikandin nepauk, umbe midhangyù sikandin diyà te Nengazen te tivuuk he kezukileman.