Jeremias 10:9 - Manobo Western Bukidnon OT

⁹ Ebpevaal zan te menge pandey wey menge platiru te menge ledawan he ed-ezapen dan he ebpekeplaan te pelata he ebpuun diyà te Tarshish wey vulawan he ebpuun diyà te Ufaz. Ne ebistiyan heini te meitem is kaavuavu zin merudtem he manggad he midtahì te memetau he menge menenahì.

Jeremias 10:9 ပူးပေါင်းရင်းမြစ်များ

1 Hadì 10:22

Duen daan menge varku ni Solomon he para te petiǥayun he ebiyahi zuma te menge varku ni Hiram. Heini he menge varku kesevaha ed-ulì kada tetelu he tuig, he ed-uwit te menge vulawan, menge pelata, menge ungal te ilipanti, wey zezekelà wey zezeisey he kelasi te menge uval.

2 Cronica 9:21

Duen daan menge varku ni Solomon he para te petiǥayun, he iyan ed-uwit duen is menge sakup ni Hiram. Heini he menge varku kesevaha ed-ulì kada tetelu he tuig, he ed-uwit te menge vulawan, menge pelata, menge ungal te ilipanti, wey zezekelà wey zezeisey he kelasi te menge uval.

Salmo 115:4

Piru is kandan he menge megbevayà menge pelata zà wey vulawan he mibeelan te etew.

Salmo 72:10

Berakat he is menge hadì diyà te Tarshish, menge pulu, wey te Sheba, ebeǥey ziyà te kandin te menge ǥasa te kebpekilala he ebpesakup sikandan kandin.

Isaias 23:6

Sineǥew kew is ebpemen-ubpà diyà te pulu. Layun kew ziyà te Tarshish!

Isaias 40:19

Iyan be is menge ed-ezapen he ebeelan dà te pandey, ne ed-epizan te vulawan wey edeyzeyanan te kedina he pelata?

Ezekiel 27:12

“ ‘Mibpetiǥayun diyà te kenikew is Tarshish su mahabet is ketiǥeyunan nu. Midliwaan dan is menge velegyè nu te pelata, putew, lata, wey timeǥà.

Ezekiel 27:7

Is layag nu binurdahan he linu he ebpuun te Ehipto. Ne henduen te bendirà is ked-ahaa kayi. Is terapal nu maavuavu is keitem din wey merudtem he ebpuun diyà te isla te Elisha.

Daniel 10:5

Ne zutun duen neehè ku he henduen be te etew he mibivisti te linu, ne nekeliǥuy ziyà te hawak din is bakes he vulawan.

Hoseas 8:6

Is ed-ezapen he vaka ziyà te Samaria mibeelan dà te platiru ziyà te Israel. Kenà heeyan Megbevayà! Siguradu he edrupeten heeyan.

Jonas 1:3

Piru wazà mebpezumazuma si Jonas su mibpeleǥuyan din is Nengazen pehendiyà te Tarshish. Midhendiyà sikandin te Jopa, ne zutun duen barku he edhendiyà te Tarshish. Mibayad sikandin te piliti, ne hein nekevayad en, mid-untud dutun te varku he ebpehendiyà te Tarshish su wey zin mepeleǥuyi is Nengazen.

Habakuk 2:19

Kehizu niw te egkaǥi ziyà te ledawan he kayu etawa vatu te, “Kepukew ke en ne tevangi key.” Kenè ganì heeyan ebpekepenurù keniyu. Minsan mibpekeplaan heeyan te vulawan wey pelata, piru kenà heeyan uuyag.