Jeremias 10:4 - Manobo Western Bukidnon OT

⁴ Mideyzeyanan heini te pelata wey vulawan, ne impurung iransang su wey kenà mepiley.

Jeremias 10:4 ပူးပေါင်းရင်းမြစ်များ

Salmo 115:4

Piru is kandan he menge megbevayà menge pelata zà wey vulawan he mibeelan te etew.

Salmo 135:15

Is menge ed-ezapen diyà te zuma he menge nasyun pelata wey vulawan, ne etew zà is mibaal zuen.

Isaias 44:12

Is pandey te vulawan etawa pelata idsavuk din haazà diyà te vaǥa. Ne ebpendesdesenan din heini te ebmasu su para mepurma he ledawan he ed-ezapen. Edluhayan sikandin tenged te kegkevitil wey henduen be te egkevidtawan en tenged te kegkemezahi zin.

Isaias 46:6

Is duma he menge etew ibpeǥawas dan is bulawan wey pelata zan, ne edsuluhan dan is platiru su wey zin heini meveeli he ledawan su ed-ezapen dan, ne ed-ezapen dan heini.

Isaias 46:7

Edtiangen dan heini, ne id-untud dan diyà te selevukà duen, ne zutun dà heini. Ne kenè en ebpekaawà dutun. Emun duen ebpengemuyù dutun, ne kenà heini edtavak, ne kenà heini ebpekelibri kandan te menge kelised dan.

Hoseas 13:2

Guntaan, sikiyu is migngezanan te Efraim, mibpedayun kew he ebaal te salà. Mibeelan niw he ledawan is menge pelata niw su ed-ezapen niw. Piru heini is langun, mibeelan dà te etew zà duen ne pinaaǥi zà heini te neisip din. Migkaǥi kew pa te ebpemuhat kew te etew kayi te menge ed-ezapen he vaka ne edhazek kew ziyà te kandan.

Habakuk 2:19

Kehizu niw te egkaǥi ziyà te ledawan he kayu etawa vatu te, “Kepukew ke en ne tevangi key.” Kenè ganì heeyan ebpekepenurù keniyu. Minsan mibpekeplaan heeyan te vulawan wey pelata, piru kenà heeyan uuyag.