Jeremias 10:16 - Manobo Western Bukidnon OT

¹⁶ Piru kenà mulà iring keniyan is Megbevayà ni Jacob. Iyan sikandin mibaal te langun, ragkes en is Israel, he iyan kes menge etew he migaked din. Nengazen he Mekeǥeǥehem is ngazan din.

Jeremias 10:16 ပူးပေါင်းရင်းမြစ်များ

Salmo 119:57

Sikew, Nengazen, iyan ke zà iyan kinahanglan ku. Midsaad a te kedtuman te menge lalag nu.

Salmo 135:4

Deliǥa niw sikandin su mibpilì din is menge etew te Israel he menge kevuwazan ni Jacob, para mehimu he ispisyal he menge etew zin.

Salmo 142:5

Ebpengum-umawen ku sikew, Nengazen; iyan ka ebpengalang kedì. Iyan ke zà utew egkinehenglanen ku kayi te kelibutan.

Salmo 33:6

Pinaaǥi te lalag te Nengazen, nehimu is langit: andew, bulan, wey menge vituen.

Salmo 73:26

Minsan edluyahan is lawa ku wey isip ku, iyan ka, Megbevayè ku, ebpuunan te zesen ku. Iyan ke zà egkinehenglanen ku taman te taman.

Salmo 74:2

He Megbevayà, tentenuzi nu is menge etew nu he mibpilì nu zengan para mehimu he kenikew ne midlibri nu para maangken nu en. Tentenuzi nu is Buvungan he Zion he ubpeey nu.

Exodus 19:5

Emun ebpurung kew ebpezumazuma kedì wey edsunud kew te kebpekid-uyun ku keniyu, ebpilien ku sikiyu kayi te langun he menge nasyun he egkehimu he menge pinilì he menge etew ku. Kedì is tivuuk he kelibutan,

Exodus 34:9

Ne ke sikandin te, “Nengazen, ke tutuu he nekepenunuat a kenikew, ne edhengyuan ku sikew he zumahi key kenikew. Utew mesinupaken haazà is menge etew piru peseyluwa nu is mezaat he menge ulaula zey wey menge salè dey, ne zewata key kenikew he menge etew nu.”

Erubasa 16:4

Is minsan hengkey he ebeelan te Nengazen ne zuen din tuyù dutun, ne netuenan din ke keenu zin edtepusa, ne is imbanglis diyà te lalung he menge etew iyan is kezeetan.

Isaias 19:25

Ebpenubtuvazan sikandan te Nengazen he Mekeǥeǥehem he edhenduen te, “Ebpenubtuvazan ku is menge Ehiptohanen he menge etew ku, is menge Asiryanhen he menge linimbag ku, wey is menge Israilihanen he ǥaked ku.”

Isaias 45:7

Iyan a mibaal te kerayag wey kerusireman. Kediey he ketau is keupiyaanan wey kezeetan. Iyan a Nengazen, iyan a mibaal kayi te langun.

Isaias 47:4

Is Menluluwas tew, he iyan ngazan din is Nengazen he Mekeǥeǥehem, iyan Waǥas he Megbevayà te Israel.

Isaias 47:6

Nepeukan ku is menge etew he ǥaked ku, ne inselikwey ku sikandan. Umbe imbeǥey ku sikandan kenikew, ne wazè nu sikandan mehizuwi. Ne minsan ganì is menge meǥurang en kandan ne midaagdaag nu.

Isaias 51:15

Su iyan a is Nengazen he Megbevayè niw, migkutew te zaǥat wey mibpesenuhug te menge vaǥel kayi. Mekeǥeǥehem he Nengazen is ngazan ku.

Isaias 54:5

Su siak is midlimbag kenikew, egkehimu a he iring te esawa nu. Mekeǥeǥehem he Nengazen is ngazan ku. Siak, is Waǥas he Megbevayà te Israel, iyan a Menluluwas nu. Egngezanan a he ‘Megbevayà te tivuuk he kelibutan.’

Jeremias 10:12

Piru iyan is Megbevayà midlimbag te langit wey kelibutan pinaaǥi te ǥehem din wey ketau zin.

Jeremias 10:6

He Nengazen, wazà iring kenikew. Mekeǥeǥehem ka ne utew lavew is ngazan nu.

Jeremias 31:35

Mid-uman pa megkaǥi is Nengazen te, “Iyan a midsuǥù te andew te kedsilà emun maandew, wey te vulan wey menge vituen emun mezukilem. Ne migkutew ku is daǥat wey medreǥuuk is menge vaǥel. Mekeǥeǥehem he Nengazen is ngazan ku.

Jeremias 32:18

Impeehè nu is kebmahala nu te linibu he menge etew, piru midsilutan nu is menge anak tenged te salà te menge ginikanan dan. Utew ka mekeǥeǥehem he Megbevayà. Iyan ngazan nu is Nengazen he Mekeǥeǥehem.

Jeremias 33:2

Iyan heini migkaǥi te Nengazen he midlimbag wey mibpelastar te kelibutan. Iyan sikandin mibpurma kayi, ne Nengazen is ngazan din:

Jeremias 46:18

“Siak, is uuyag he Hadì he Nengazen he Mekeǥeǥehem, ebpenangdù a he iring te lavew he metikang is Buntud te Tabor te zuma he menge vuntud, ne is buntud he Carmel ebpekehinungew te zaǥat, iring daan keniyan is gehem te edsurung te Ehipto.

Jeremias 50:34

Piru gehemanen a, is Menluluwas dan; Nengazen he Mekeǥeǥehem is ngazan ku. Edlevanan ku sikandan wey meveǥayi te kelinew wey kebpekehimeley is kelibutan, piru egurigawen ku mulà is menge meǥinged diyà te Babilonia.

Jeremias 51:19

Piru kenà mulà iring keniyan is Megbevayà ni Jacob. Iyan sikandin mibaal te langun, ragkes en is menge etew he migaked din. Nengazen he Mekeǥeǥehem is ngazan din.

Penhulùhulù 3:24

Nekekaǥi a ziyà te ǥehinawa ku te, “Is Nengazen iyan utew zekelà kayi te kediey, umbe ebperateng a kandin.”

Amos 4:13

Is Megbevayà, iyan mibaal te menge vuvungan wey midlimbag te keramag, ne iyan daan sikandin edliwan te meselem te mezukilem. Impahayag din diyà te etew is menge pelanu zin, ne iyan sikandin ebayàbayà te tivuuk he kelibutan. Is ngazan din iyan is Nengazen he Megbevayà he Mekeǥeǥehem.

Zacarias 2:12

Ed-umanan ed-engkena te Nengazen is Juda he kandin he vahin te segradu he tanà te Israel. Ne ed-umanan din egkilelaa is Jerusalem he pinilì din he inged.

Deuteronomio 32:9

Su mibpilì te Nengazen is menge kevuwazan ni Jacob he iyan mid-isip din he menge etew zin.