Jeremias 10:14 - Manobo Western Bukidnon OT

¹⁴ Is menge ed-azap te zuma he menge ed-ezapen, menge paglung wey wazà menge ketau. Egkepeel-elezan dà is menge platiru tenged te menge vineelan dan he menge ed-ezapen, su kenà heini tutuu. Wazà kayi untung.

Jeremias 10:14 ပူးပေါင်းရင်းမြစ်များ

Salmo 14:2

Diyà te langit mid-ahà te Nengazen is keet-etawan su edsusiyen din ke zuen be nekesavut te tutuu wey ke zuen be edangep diyà te kandin.

Salmo 92:6

Kenà egkesavut te menge tulebung wey menge taleng

Salmo 94:8

Sikiyu is menge taleng wey menge tulebung, keenu kew pa ebpekesavut? Sevuta niw kun be heini:

Salmo 97:7

Egkepeel-elezan is langun he edsimba te ledawan wey is ibpegalbu zan is duma he menge ed-ezapen. Is langun he tarù he megbevayà edluhud te ked-azap te tutuu he Megbevayà.

Erubasa 30:2

“Iyan a kinepeglungan te langun he menge etew. Is ked-isip-isip ku ne henduen be te kenà ked-isip-isip te etew.

Isaias 42:17

Piru sikan is iyan menge midseriǥan dan is menge ed-ezapen, sikan is mid-isip dan he iyan megbevayè dan is midtunew zan he menge ledawan, ebpemelaǥuy he egkengeeled-eled.”

Isaias 44:11

Pemineg kew! Egkepeel-elezan is langun he ed-azap te zuma he menge ed-ezapen, su is mibaal kayi menge etew zà daan. Ipetiǥum sikandan is langun para mepengelangi zan is keugelingen dan, ne egkahandek dan su egkepeel-elezan dan.

Isaias 45:16

Egkepeel-elezan wey edsudien is langun he mibaal te menge ledawan he ed-ezapen.

Isaias 57:12

Ed-isipen niw he metazeng en is ebeelan niw, piru ibpeehè ku ke hengkey kew he kelasi te menge etew. Ne kenà ebpeketavang keniyu is menge ed-ezapen niw.

Jeremias 10:5

Heini he menge ed-ezapen iring dà te menge etew-etew he pelihandek te maya su kenà ebpekekaǥi. Kinahanglan he ebitbiten su kenà ebpekehipanew. Kenè niw ikahandek heini he menge ed-ezapen su kenà heini ebpekevaal te kezeetan wey keupiyaanan.”

Jeremias 10:8

Menge wazà dan pereg wey menge tulebung. Is penurù mehitenged te ed-ezapen dan he menge kayu, ne wazè din pulus.

1 Samuel 5:4

Ne hein sunud en maan he meselem, neehè dan en maan he edlelelangkeb dutun te egkesineruwan ded dutun te Kavan te Nengazen. Ne is ulu zin wey zezuwa he velad din ne nengetamped, dutun mekesavuk te kilid te gemawan; iyan dà nesamà is lawa zin.