Jeremias 10:13 - Manobo Western Bukidnon OT

¹³ Pinaaǥi te kebmandù din, edreǥuuk is wahig diyà te langit. Iyan sikandin ebpeǥawas te menge kivel he ebpuun diyà te meziyù he vahin te kelibutan. Ibpekilat din ke ed-uzan, wey ibpepengeramag din te ebpuun diyà te midteǥuan din duen.

Jeremias 10:13 ပူးပေါင်းရင်းမြစ်များ

Genesis 2:5

wazè pa pinemula kayi te kelibutan wey wazè pa zaan benì he nenuvù, su wazè din pa ipeuzan su wazà etew he ebpekaatur te tanà.

1 Hadì 18:41

Migkeǥiyan ni Elias si Ahab te, “Genat kad ne kaan ke en su ebpekeume en is mereǥes he uzan.”

Job 38:22

“Nekehendiyè ke en be te ebpuunan te uzan he giyew?

Salmo 104:13

Ne ebpuun diyà te ubpeey nu he langit, mibpeuzanan nu is menge vuntud. Ne tenged kayi te vaal nu nekezawat te tuvad nu is kelibutan.

Salmo 135:17

duen dan menge telinga, piru kenè dan ebpekezineg, wey kenè dan ebpekeǥehinawa.

Salmo 135:7

Impezivavew zin is menge ǥapun he ebpuun diyà te meziyù he menge vahin kayi te kelibutan, ne midhimu zin he mebpengilat duma is ked-uzan. Ibpeǥawas din is keramag puun te neteǥuan kayi.

Salmo 147:8

Midilungan din is langit te menge ǥapun, ne mibpeuzanan din is dini te kelibutan, wey mibpetuvuan din is menge vuntud te menge sagbet.

Salmo 18:13

Is laǥeng nu Nengazen, te Utew Lavew he Megbevayà, iring te ruǥung diyà te langit.

Salmo 68:33

he ed-untud te kezaan he langit. Pemineǥa niw is ebpenriǥungriǥung he laǥeng din.

Exodus 9:23

Umbe, hein imbayew ni Moises sikan is tuked din diyà te zivavew, impepemeransì te Nengazen, impeuzan te giyew, wey impepengilat. Is menge uzan he ǥiyew he impeuzan te Nengazen diyà te tanà he Ehipto,

Jeremias 14:22

Ebpekehimu ve te ebpeuzan is menge ed-ezapen diyà te menge nasyun? Minsan is langit kenà ebpekehimu he ebpeuzan te kandin dà he ketau, kekenà, iyan ke zà, Nengazen, he Megbevayè dey. Iyan ke zà ebpekehimu kayi, umbe ebperateng key ziyà te kenikew.

Jeremias 19:12

Iyan heini ebeelan ku ziyà te Jerusalem wey te menge meǥinged kayi. Ed-isipen heini he meremerik iring te Tofet.

Jeremias 5:24

Kenà ebpuun diyà te ǥehinawa zan is kegkaǥi zan te, ‘Edtehuzen tew is Nengazen he Megbevayè tew he mibeǥey te uzan dutun te hustu he timpu wey mibeǥey kenitew te sebpet dutun te timpu te kedraǥun.’

Jeremias 51:16

Pinaaǥi te kebmandù din, edreǥuuk is wahig diyà te langit. Iyan sikandin ebpeǥawas te menge kivel he ebpuun diyà te meziyù he vahin te kelibutan. Ibpekilat din ke ed-uzan, wey ibpepengeramag din te ebpuun diyà te midteǥuan din duen.

Amos 4:13

Is Megbevayà, iyan mibaal te menge vuvungan wey midlimbag te keramag, ne iyan daan sikandin edliwan te meselem te mezukilem. Impahayag din diyà te etew is menge pelanu zin, ne iyan sikandin ebayàbayà te tivuuk he kelibutan. Is ngazan din iyan is Nengazen he Megbevayà he Mekeǥeǥehem.

Zacarias 10:1

Buyù ka te uzan diyà te Nengazen dutun te timpu te kedtuvù te menge pinemula su iyan sikandin mibaal te kivel. Su iyan sikandin mibeǥey te uzan diyà te menge etew wey menge pinemula ziyà te menge vevesukà.