Jeremias 10:12 - Manobo Western Bukidnon OT

¹² Piru iyan is Megbevayà midlimbag te langit wey kelibutan pinaaǥi te ǥehem din wey ketau zin.

Jeremias 10:12 ပူးပေါင်းရင်းမြစ်များ

Genesis 1:1

Diyà te puunà midlimbag te Megbevayà is langit wey is kelibutan.

Genesis 2:5

wazè pa pinemula kayi te kelibutan wey wazè pa zaan benì he nenuvù, su wazè din pa ipeuzan su wazà etew he ebpekaatur te tanà.

1 Cronica 16:26

su is langun he menge ed-ezapen te menge etew ziyà te zuma he menge nasyun, ne menge ledawan he mibeelan dan dà, piru iyan is Nengazen mibaal te langit.

Job 26:7

Indempas te Megbevayà is dizaya he langit diyà te mehiǥawan he lugar, ne insavuk din is kelibutan diyà te kawangkawang.

Job 37:18

ebpekeuǥup ke ve te Megbevayà te kedempas te langit wey te kedhimuwa kayi he mezesen iring te peǥelungan he brunsi?

Job 9:8

Iyan dà sikandin midempas te langit, wey iyan dà sikandin ebpekepeengked te menge vaǥel.

Salmo 104:2

Midtembunan nu is keugelingen nu te kerayag he henduen be te visti, ne indempas nu is langit he henduen be te tulda.

Salmo 104:24

Nengazen, utew mahabet is mibpemeelan nu. Mibeelan nu heini is langun pinaaǥi te ketau nu. Nepenù is kelibutan te menge mibeelan nu.

Salmo 119:90

Is kebmetinumanen nu ebpedayun te wazà pidtemanan. Melig-en is kebpelestara nu te kelibutan, umbe kemulu pa heini.

Salmo 24:2

Iyan sikandin mibangun te kelibutan ne ziyè din benguna te mezalem he wahig.

Salmo 33:6

Pinaaǥi te lalag te Nengazen, nehimu is langit: andew, bulan, wey menge vituen.

Salmo 65:7

Ibpeengked nu is rekabù te menge vaǥel wey keǥurub te menge etew.

Salmo 78:69

Dutun din benguna is baley zin, ne iring heini te langit wey tanà su taman te taman is kelig-en kayi.

Salmo 93:1

Hadì ka, Nengazen; is bisti nu iyan is kegkemekeǥeǥehem nu wey is utew nu kegkelavew. Utew melig-en is kebenguna nu te kelibutan ne kenà heini egkehuyung.

Erubasa 3:19

Pinaaǥi te ketau wey keuluwanen, midlimbag te Nengazen is tanà wey langit, ne nemenlepew is menge serebseb ne nehimu is uzan pinaaǥi te ǥapun.

Erubasa 30:4

Duen be etew he nekehendiyà te langit he midliku ded kayi te kelibutan? Duen be etew he nekekemkem te keramag etawa neketenges te wahig te manggad? Duen be etew he nengelintau wey mekesavuk is menge zulunà te kelibutan? Emun duen nu nekilala, keǥiya nu kedì is ngazan din wey is ngazan te menge anak din.

Isaias 37:16

“Nengazen he Mekeǥeǥehem, he Megbevayà te Israel he ebpimpinuu ziyà te pinuuwè din te kedhadì diyà te teliwazà te menge kirubin, iyan ke zà Megbevayà he edumala te langun he menge ginhedian kayi te kelibutan. Mibeelan nu is langit wey is kelibutan.

Isaias 40:22

Iyan midhimu kayi is Megbevayà he ebpimpinuu ziyà te pinuuwè din te kedhadì diyà te zivavew te kelibutan, ne is kandin he ked-ahaa te menge etew kayi te zizalem henduen dà te menge lemetik. Mibekar zin is langit iring te kurtina. Mibekar zin heini he iring te tulda su para meubpai.

Isaias 42:5

Iyan heini egkeǥiyen te Megbevayà, kes Nengazen he mibaal te langit he henduen be te manggad he indempas din. Mibeelan din is kelibutan wey is langun he uuyag he netaǥù kayi. Iyan daan sikandin mibeǥey te ǥehinawa te menge etew wey te langun he uuyag he menge linimbag kayi te kelibutan.

Isaias 44:24

Iyan heini egkeǥiyen te Nengazen he Menluluwas niw, he midlimbag keniyu: Iyan a Nengazen he mibaal te langun he menge vutang. Iyan e zà midempas te langit wey mibaal te kelibutan.

Isaias 45:12

Iyan a mibaal te kelibutan, wey te etew he ed-ubpà kayi. Is menge velad ku iyan midempas te langit, ne kediey he suǥù is kedlepew te andew, bulan, wey menge vituen.

Isaias 45:18

Iyan ka Nengazen, kes Megbevayà. Midlimbag nu is langit wey is kelibutan. Wazè nu himuwa is kelibutan he mehiǥawan, kekenà, mibeelan nu heini su wey meubpai. Migkaǥi ka te, “Iyan a Nengazen, ne wazè en duma pa.

Isaias 48:13

Iyan a mismu midsavuk te pundasyun te kelibutan wey iyan a midempas te langit. Ne ebpezumazuma heini ke edsuǥuen ku.

Isaias 49:8

Iyan heini migkaǥi te Nengazen: “Dutun te hustu he timpu edlibriyen ku sikew, edtevaken wey edtevangan ku sikew. Edipinsahan ku sikew ne pinaaǥi kenikew ebpekid-uyun a te menge etew. Ed-umanan nu ebenguna is nasyun he Israel he nevengkag, ne idlikù nu ibeǥey te menge etew ku.

Jeremias 10:13

Pinaaǥi te kebmandù din, edreǥuuk is wahig diyà te langit. Iyan sikandin ebpeǥawas te menge kivel he ebpuun diyà te meziyù he vahin te kelibutan. Ibpekilat din ke ed-uzan, wey ibpepengeramag din te ebpuun diyà te midteǥuan din duen.

Jeremias 10:16

Piru kenà mulà iring keniyan is Megbevayà ni Jacob. Iyan sikandin mibaal te langun, ragkes en is Israel, he iyan kes menge etew he migaked din. Nengazen he Mekeǥeǥehem is ngazan din.

Jeremias 14:22

Ebpekehimu ve te ebpeuzan is menge ed-ezapen diyà te menge nasyun? Minsan is langit kenà ebpekehimu he ebpeuzan te kandin dà he ketau, kekenà, iyan ke zà, Nengazen, he Megbevayè dey. Iyan ke zà ebpekehimu kayi, umbe ebperateng key ziyà te kenikew.

Jeremias 27:5

Pinaaǥi te zekelà he ǥehem ku midlimbag ku is kelibutan, is menge etew, wey is menge langgam, ne iyan a ebayàbayà ke hentei is ibpezumala ku kayi.

Jeremias 32:17

“He Nengazen he MEGBEVAYÀ, midlimbag nu is kelibutan wey is langit pinaaǥi te zekelà he ǥehem nu. Wazà minsan hengkey he kenè nu egkehimu.

Zacarias 12:1

Iyan heini menge lalag te Nengazen mehitenged te Israel: “Iyan a Nengazen he mibaal te langit wey kelibutan, wey mibeǥey te untung diyà te etew.