Jeremias 10:11 - Manobo Western Bukidnon OT

¹¹ Keǥiya heini te menge ed-azap te zuma he menge ed-ezapen: “Is menge ed-ezapen niw he wazà iyan medlimbag te kelibutan wey langit, ne egkahanew kayi te kelibutan.”

Jeremias 10:11 ပူးပေါင်းရင်းမြစ်များ

Salmo 96:5

Su is langun he menge ed-ezapen te menge etew ziyà te zuma he menge nasyun, ne menge ledawan he mibeelan dan dà, piru iyan is Nengazen mibaal te langit.

Isaias 2:18

Ne egkahanew is langun he tarù he menge ed-ezapen.

Isaias 57:12

Ed-isipen niw he metazeng en is ebeelan niw, piru ibpeehè ku ke hengkey kew he kelasi te menge etew. Ne kenà ebpeketavang keniyu is menge ed-ezapen niw.

Jeremias 10:15

Wazè kayi pulus wey telemayen heini. Emun timpu en te kedsilut ne egkezeetan sikandan is langun.

Jeremias 43:12

Ebinsulan din is menge simbahan he para te zuma he menge ed-ezapen diyà te Ehipto, ne egkengevinsulan is menge ed-ezapen. Ne ebihaǥen din is menge etew pehendiyà te Babilonia. Edlumpiyuwan din is tanà te Ehipto te menge etew iring te kedlumpiyuwi te perevantey te kerehidu te kumbalè din he tumahan. Ne ed-awà si Nebucadnezar he kenà egkemenu.

Jeremias 43:13

Edrupeten din is menge segradu he tukud diyà te Betshemes he diyà te tanà he Ehipto, ne ebinsulan din is menge simbahan he para te zuma he menge ed-ezapen diyà te Ehipto.’ ”

Jeremias 50:2

“Ipetueni nu ziyà te menge nasyun is tudtul! Ne ivayew is bendirà ne ipetueni te langun: ‘Egkezeetan is Babilonia! Egkerupet wey egkepeel-elezan is menge ed-ezapen kayi he si Bel wey si Marduk.’

Jeremias 51:18

Wazè kayi pulus wey telemayen heini. Emun timpu en te kedsilut ne egkezeetan sikandan is langun.

Penhulùhulù 3:66

Del-asa nu sikandan wey dezeeti tenged te pauk nu su wey zan egkaawà kayi te kelibutan.

Ezekiel 30:13

Migkaǥi pa is Nengazen he MEGBEVAYÀ te, “Edèdeetan ku zaan is menge ledawan te menge ed-ezapen diyà te Memfis. Wazè en ebpengulu te Ehipto ne ebpelihendeken ku is langun he meǥinged kayi.

Zefanias 2:11

Utew sikandan ebpelihendeka te Nengazen su edezeetan din is langun he menge ed-ezapen kayi te kelibutan. Ne ed-azap kandin is menge etew ziyà te kada nasyun diyà te keugelingen dan he lugar.”

1 Samuel 5:4

Ne hein sunud en maan he meselem, neehè dan en maan he edlelelangkeb dutun te egkesineruwan ded dutun te Kavan te Nengazen. Ne is ulu zin wey zezuwa he velad din ne nengetamped, dutun mekesavuk te kilid te gemawan; iyan dà nesamà is lawa zin.