Jeremias 1:19 - Manobo Western Bukidnon OT

¹⁹ Egkuntedahan ke zan, piru kenè ke zan egkezaag, su zuma a kenikew ne edtevangan ku sikew. Iyan a, is Nengazen, is migkaǥi kayi.”

Jeremias 1:19 ပူးပေါင်းရင်းမြစ်များ

Salmo 129:2

“Dekelà is kebpeentusa zan kenami puun pa te kebpuun te nasyun dey. Piru wazè key zan mezèdeeti.

Jeremias 1:18

Pemineg ka! Guntaan he andew, edlig-enan ku sikew iring te inged he melig-en etawa putew he tukud, emun kenà ne brunsi he verengbeng. Kenè ka egkezaag te menge hadì, menge upisyal, menge memumuhat, etawa menge etew ziyà te Juda.

Jeremias 1:8

Kenè ka mahandek te menge etew su eduma a is edtavang kenikew.”

Jeremias 11:19

Iring a te kerehidu he wazè din hanew he ed-uwiten en bes diyà te lepeey. Wazè ku metueni he zuen bes pelanu zan he edhimetayan e zan. Ke sikandan te, “Edhimetayan tew sikandin iring te kebpiley te kayu he zuen din beǥas, su para maawà sikandin kayi te kelibutan su wey kenè en metenuzi.”

Jeremias 11:21

Egkesuatan te menge etew ziyà te Anatot he himetayi a emun kenà a ed-engked te kebpenudtul te menge lalag te Nengazen. Umbe iyan heini migkaǥi te Nengazen he Mekeǥeǥehem, “Edsilutan ku sikandan. Ebpematey te tebek is menge vetan-en he menge maama kandan, ne ebpematey te vitil is menge vatà kandan.

Jeremias 18:18

Ne migkaǥi is menge etew te, “Hendini kew, su ebpen-ehè kiw te paaǥi wey tew ikepeengked si Jeremias te kegkaǥi! Duen tew man daan menge memumuhat he ebpekepenurù kenitew te kesuǥuan wey menge ebpeneuven he ebpekeseysey ziyà te kenitew te menge lalag te Megbevayà. Umbe ebaal kiw te serupet he tudtul he ebpekezezaat kandin ne kenè tew en ebpemineǥen is ebpengeǥiyen din.”

Jeremias 2:1

Migkaǥi is Nengazen kayi te kedì te,

Jeremias 20:10

Nezineg ku is ked-undaunda kedì te menge etew. Ke sikandan te, “Mekaharatharat is nekeliǥuy! Idsumbung tew sikandin!” Minsan is langun he menge emiǥu ku, edtaǥad he mesayep a. Ke sikandan te, “Kela ke egkelimbungan tew sikandin. Ne egkelupig tew sikandin ne ebpekevales kiw.”

Jeremias 20:11

Piru zuma ku sikew, Nengazen. Iring ka te mevurut he sundaru, umbe is menge edal-as kedì egkezeetan wey kenà edlampus. Egkepeel-elezan sikandan ne kenè dan edlampus, ne kenà egkelipatan is keelezan dan taman te taman.

Jeremias 26:8

Ne hein nekepasad si Jeremias te kegkaǥi kayi, midakep sikandin te menge memumuhat, menge ebpeneuven, wey zuma he menge etew, ne migkeǥiyan dan te, “Ereg ka he ebpatey!

Jeremias 30:11

Su zuma a keniyu ne edlibriyen ku sikiyu. Ebpurungan ku edezeeti is menge nasyun he zutun kew ipeyapat. Piru kenè ku mulà heini ed-ul-uluhan diyà te keniyu. Piru kenà heini ebpesavut he kenè ku sikiyu edsilutan. Ebmensuwen ku sikiyu te hustu he paaǥi.”

Jeremias 39:17

Piru edlibriyen ku sikew zutun he timpu. Kenè ku sikew ibeǥey ziyà te menge etew he igkahandek nu.

Jeremias 42:11

Kenè kew en egkahandek te hadì te Babilonia su zuma a keniyu ne edlibriyen ku sikiyu emun edezeetan kew zin.

Jeremias 46:28

Umbe, kenè kew en egkahandek, is menge kevuwazan te suluǥuen ku he si Jacob, su zuma a keniyu. Ebpurungan ku edezeeti is langun he menge nasyun he zutun ku sikiyu ipeyapat, piru kenè ku mulà sikiyu ebpurungan edezeeti. Ebmensuwen ku sikiyu, sumalà is ereg keniyu. Kenà egkehimu he kenè ku sikiyu edsilutan. Iyan a, is Nengazen, is migkaǥi kayi.”

Daniel 3:25

Ne migkaǥi haazà is hadì te, “Ahàa niw man! Heepat is neehè ku he edhiphipanew keniyan te hapuy. Kenè en sikandan binakus ne wazà sikandan memenu. Is sevaha kandan henduen be te ed-ezapen.”

Numero 14:9

Kenè niw zà supaka is Nengazen. Ne kenè kew mahandek te menge etew zutun su egkezaag tew sikandan. Wazà edtavang kandan, ne sikitew mulà, edtevangan kiw te Nengazen. Umbe kenè kew mahandek kandan.”

Josue 1:9

Tentenuzi nu heini is insuǥù ku kenikew: ‘Mebpekelig-en ka wey mebpekevurut ka. Kenè ka mahandek wey luyahi, su siak, is Nengazen he Megbevayè nu, eduma a kenikew minsan hendei ka ebpevayà.’ ”