Jeremias 1:17 - Manobo Western Bukidnon OT

¹⁷ Ne ǥuntaan, endama nu is keugelingen nu. Genat ka ne keǥiya nu kandan is langun he insuǥù ku kenikew. Kenè nu sikandan ikahandek. Su emun egkahandek ka, ibpeiseg ku pa is kegkahandek nu ziyà te etuvangan dan.

Jeremias 1:17 ပူးပေါင်းရင်းမြစ်များ

1 Hadì 18:46

Ne zutun, mid-ulinan si Elias te Nengazen! Midlislis din is pendivavew he visti zin ne mibekesan din ne mibpelelaǥuy su edhuna sikandin ki Ahab diyà te Jezreel.

2 Hadì 1:15

Ne zutun mid-umanan keǥiyi si Elias te velinsuǥuen te Nengazen te, “Kenè ka mahandek. Duma ka kandin.” Ne midhitindeg si Elias ne miduma pehendiyà te hadì.

2 Hadì 4:29

Ne hein nesavut ni Elisha he zuen nehitavù duen te vatà, migkeǥiyan din si Gehazì, “Pengandam ka te kedhendiyà te valey zin. Uwita nu is tuked ku ne pelelaǥuy ke en. Emun duen nu egkesinugung, ne kenè nu en lelaǥi, ne emun duen ebpekidlalag kenikew, ne kenè nu en tevaka. Ne emun ebpekeuma kad ne segugunè nu isavuk diyà te vuked duen te vatà is tuked ku.”

2 Hadì 9:1

Impetawag ni Elisha is sevaha he etew he sakup te grupu te menge ebpeneuven ne migkeǥiyan din te, “Pengandam ka te kedhendiyà te Ramot Gilead ne uwita nu heini is tivud te lana.

Job 38:3

Ne ǥuntaan, pengandam ka, ne tevaka nu is menge insè ku.

Exodus 3:12

Ne migkaǥi is Megbevayà te, “Eduma a kenikew. Ne is egkehimu he singyal he iyan a midsuǥù kenikew iyan is: Emun igkepeǥawas nu en sikandan puun te Ehipto, ne kayi a keniyu ed-ezapa te vuvungan.”

Exodus 7:2

Egkeǥiyen nu ziyà te suled nu he si Aaron is minsan hengkey he egkeǥiyen ku kenikew, ne iyan sikandin egkaǥi ziyà te hadì he tuǥuti zin he mekeǥawas is menge Israilihanen puun te nasyun din.

Jeremias 1:18

Pemineg ka! Guntaan he andew, edlig-enan ku sikew iring te inged he melig-en etawa putew he tukud, emun kenà ne brunsi he verengbeng. Kenè ka egkezaag te menge hadì, menge upisyal, menge memumuhat, etawa menge etew ziyà te Juda.

Jeremias 17:18

Peel-elezi nu wey pelihendeka nu is menge edtinguhà te kezeetan ku, ne kenà a mulà. Ipeseǥazi nu kandan is kezeetan su para mengezeeti sikandan is langun.

Jeremias 23:28

Bey-ani en heini he menge ebpeneuven ke ebpenudtul zan te menge teǥeinep dan, piru sikan is menge ebpeneuven he nekezineg te lalag ku kinahanglan he edtudtulen dan heini te tinutuuwà. Su zuen kebpekedselekawà te teǥeinep dan wey is lalag ku iring te kebpekedselekawà te reǥami wey veǥas din.

Jeremias 26:12

Ne zutun migkeǥiyan ni Jeremias is menge upisyal wey is langun he menge etew zutun te, “Midsuǥù a te Nengazen te kegkaǥi te mezaat he ebpekesuǥat kayi te valey zin wey kayi te inged, ne iyan heini nezineg niw.

Jeremias 36:8

Umbe, mibasa ni Baruc is menge lalag te Nengazen diyà te valey te Nengazen sumalà te insuǥù kandin ni Jeremias.

Penhulùhulù 3:57

Nekeuma ka hein mid-umew ku sikew, ne migkaǥi ka te kenà a mahandek.

Jonas 3:2

“Hendiyè kad human te zekelà he inged he Nineve, ne isangyew nu sikan is migkaǥi ku ziyà te kenikew.”