Jeremias 1:15 - Manobo Western Bukidnon OT

¹⁵ Pemineg ka! Edsuǥuen ku is menge sundaru ziyà te menge ginhedian diyà te zizaya he surunga zan is Jerusalem. Is menge hadì dan ne edsavuk te menge pinuuwè dan te kedhadì diyà te menge pultahan te Jerusalem. Edliǥuyan dan is menge verengbeng kayi, wey edsurungen dan daan is duma he menge inged kayi te Juda.

Jeremias 1:15 ပူးပေါင်းရင်းမြစ်များ

Isaias 22:7

Edliǥuyan dan is uuzaran he menge suǥud diyà te keniyu, ne ed-amur-amur zan diyà te menge pultahan te inged niw.

Jeremias 10:22

Pemineǥa niw is utew subra he keǥurub te menge sundaru he ebpuun diyà te zizaya. Edezeetan dan is menge inged kayi te Juda, ne egkehimu zà heini he ubpeey te leew he menge asu.”

Jeremias 10:25

Ipeǥezami nu is pauk nu ziyà te menge etew he wazà megkilala kenikew, wey wazà medangep diyà te kenikew. Su midezeetan dan is menge kevuwazan ni Jacob wey mibpenregdas is menge ubpeey zan.

Jeremias 13:20

Ahàa niw is menge kuntada he ebpekeuma he ebpuun diyà te zizaya. He Jerusalem, hendei en is menge meǥinged he impehivantug nu, he insarig ku kenikew wey nu maatur?

Jeremias 25:28

“Emun kenè dan ed-inum, ne keǥiyi nu sikandan he iyan a, is Nengazen he Mekeǥeǥehem migkaǥi te: Kinahanglan he ed-inum kew!

Jeremias 25:9

ibpesurung ku sikiyu te menge etew ziyà te zizaya he ebpenguluwan te suluǥuen ku he si Hadì Nebucadnezar he hadì te Babilonia. Edsurungen dan heini he tanà wey is langun he meǥinged kayi, ragkes en is langun he menge nasyun diyà te nekeelingkus kayi. Ebpurungan ku sikiyu edezeeti, ne egkeheratan is menge etew he ebpekaahà te egkehitavù keniyu ne egkehimu kew he telemayen. Uya, egkezeetan kew taman te taman.

Jeremias 33:10

Mibpedayun megkaǥi is Nengazen te, “Migkaǥi kew te mekevulungbulung wey wazà menge etew wey menge langgam diyà te Juda wey Jerusalem. Piru ziyà te huziyan he timpu egkezineg en maan kayi he lugar

Jeremias 34:1

Midsurung ni Hadì Nebucadnezar he hadì te Babilonia is Jerusalem wey is menge inged diyà te peliǥuy kayi. Duma zin te nenurung is langun he menge sundaru zin ragkes is menge sundaru he ebpuun diyà te langun he menge ginhedian he nesakup din. Dutun he timpu migkaǥi is Nengazen he Mekeǥeǥehem, he Megbevayà te Israel, diyà te ki Jeremias te: “Hendiyè ka te ki Hadì Zedekia he hadì te Juda, ne keǥiyi nu te siak is Nengazen migkaǥi te: Ibeǥey ku heini he inged te hadì te Babilonia ne ebinsulan din heini.

Jeremias 34:22

edsuǥuen ku sikandan te ked-uman kedsurung diyà te inged niw. Edsurung dan kayi ne ed-eǥawen dan heini, ne ebinsulan dan. Edhimuwen ku he mekevulungbulung is menge inged diyà te Juda ne wazè en ed-ubpè kayi. Iyan a, is Nengazen, is migkaǥi kayi.”

Jeremias 39:3

Ne hein neselezan dan en is Jerusalem, is langun he menge upisyal te hadì te Babilonia mibpinuu ziyà te Teliwazà he Pultahan te kebpaahà he naaǥew zan en haazà is inged. Iyan sikandan ensi Nergal Sharezer he tig-Samgar, si Nebo Sarsekim he sevaha he pengulu he upisyal, wey is sevaha pa he Nergal Sharezer he sevaha zaan he lavew he upisyal, wey is duma pa he menge upisyal te hadì te Babilonia.

Jeremias 4:16

Midsuǥù sikandan he mebpetizaan dan diyà te menge nasyun wey ziyà te Jerusalem he zuen edsurung he menge sundaru he ebpuun diyà te meziyù he inged. Edhinggaten dan te tebek is menge meǥinged diyà te menge inged te Juda.

Jeremias 4:6

Ivayew is bendirà wey metueni te menge etew he ibpehendiyà sikandan te Jerusalem. Genat kew en ne eles kew su ebpeuwit a te zekelà he kezeetan he ebpuun diyà te zizaya.”

Jeremias 43:10

Ne zutun, keǥiyi nu sikandan he siak is Nengazen he Mekeǥeǥehem, he Megbevayà te Israel migkaǥi te, ‘Edsuǥuen ku pehengkayi is suluǥuen ku he si Hadì Nebucadnezar he hadì te Babilonia, ne ibpelastar ku is pinuuwè din te kedhadì kayi te menge vatu he impeleveng ku ne ibpelastar zin is tulda zin he tulda te hadì diyà te zivavew kayi.

Jeremias 44:6

Umbe, impeǥezaman ku kandan is beǥas te utew ku kegkepauk. Henduen be heini te hapuy he mid-epur te menge inged diyà te Juda wey Jerusalem, ne nehimu heini he mekevulungbulung he menge lugar taman en guntaan.

Jeremias 46:24

Egkepeel-elezan iyan is menge tig-Ehipto. Ibeǥey sikandan diyà te menge etew he ebpuun diyà te zizaya.”

Jeremias 5:15

Migkaǥi is Nengazen te, “Menge etew te Israel, ebpeuwitan ku sikiyu te menge etew he ebpuun diyà te meziyù he nasyun he edsurung keniyu. Mekeǥeǥehem heini wey kezaan en he nasyun; is kineǥiyan dan kenè niw egkesavut.

Jeremias 6:22

Mid-uman pa megkaǥi is Nengazen te: “Tengteng kew! Duen menge sundaru he ebpekeuma he ebpemuun diyà te tanà he zizaya. Ebpuun sikandan diyà te sevaha he nasyun he mekeǥeǥehem he ziyà te meziyù he lugar he andam en te kedsurung.

Jeremias 9:11

Su migkaǥi is Nengazen te, “Edezeetan ku is Jerusalem, ne egkehimu zà heini he ubpeey te leew he menge asu. Is menge inged diyà te Juda egkeiring te disirtu he wazà duen ed-ubpà.”

Penhulùhulù 5:11

Mibpenlayug is menge esawa zey wey menge anak dey he menge vahi ziyà te Zion wey is diyà te menge inged diyà te Juda.

Ezekiel 32:30

“Dutun daan is langun he menge upisyal te menge lugar he zapit te dizaya wey is menge tig-Sidon. Su hein uuyag pa sikandan mibpelinandek dan daan is menge etew ziyà te kandan. Gemhanan daan sikandan dengan, piru guntaan nibpeel-elzan sikandan wey nemekererey-as diyà te lugar te menge minatey zuma te wazà medtuu te Megbevayà he nemematey te tebek.

Joel 2:20

Ibpaawè ku is menge edsurung keniyu he ebpuun diyà te zizaya, ne edsegseǥen ku sikandan pehendiyà te disirtu. Is nehuna he grupu zan ne edsegseǥen ku pehendiyà te Daǥat he Minatey ne is egkehuziyan he grupu zan ne edsegseǥen ku pehendiyà te Zaǥat he Mediteraneo. Ne egkengemahù sikandan.” Utew egkein-inuwi is menge mibeelan te Nengazen.

Zacarias 6:6

Sikan is kerwahi he eguyuzen te meitem he menge kudà, midhendiyà te zizaya. Sikan is kerwahi he eguyuzen te meputì he menge kudà, midhendiyà te edsenlepan. Ne sikan is kerwahi he eguyuzen te kevangan he menge kudà, midhendiyà te zivavà.