Jeremias 1:12 - Manobo Western Bukidnon OT

¹² Ne migkaǥi is Nengazen te, “Hustu is neehè nu, ne ebpesavut heeyan he ebpekeventayan ku he metuman is lalag ku.”

Jeremias 1:12 ပူးပေါင်းရင်းမြစ်များ

Isaias 55:11

Ne iring daan keniyan is menge lalag he egkeǥiyen ku, kenà egkehimu he wazà kayi pulus, kekenà, edtumanen kayi is pelanu ku; edlampus heini para meulaula is tuyù te kebpetudtula ku kayi.

Jeremias 1:13

Mid-uman med-insà is Nengazen kayi te kedì te, “Hengkey pa is neehè nu?” Midtavak a te, “Sevaha he ziniyun he zuen din wahig he edìdì, ne henduen be te egkeulaan heini puun te zizaya.”

Jeremias 24:3

Ne zutun mid-insà is Nengazen kayi te kedì te, “Jeremias, hengkey is neehè nu?” Midtavak a te, “Menge higus. Is duma utew memeupiya, ne is duma utew memezaat ne kenà egkekaan.”

Jeremias 31:28

Dengan midezeetan ku, mibengkag ku, wey midaag ku sikandan. Piru ziyà te huziyan he timpu edtukuzen ku wey ibpeuman ku ibpehitindeg sikandan.

Ezekiel 12:25

Su emun iyan a, is Nengazen egkaǥi, ne segugunà heini egketuman. Egketuman en is migkaǥi ku he ebpekesuǥat diyà te keniyu te menge mesinupaken he menge etew. Egkehitavù heini ziyà te keniyu he timpu. Iyan a, is Nengazen he MEGBEVAYÀ, migkaǥi kayi.”

Ezekiel 12:28

Umbe, keǥiya nu heini ziyà te kandan: ‘Iyan a, is Nengazen he MEGBEVAYÀ, migkaǥi a te hapit en egketuman is migkaǥi ku. Uya, egkeulaula en heini.’ ”

Amos 8:2

Mid-insà is Nengazen kayi te kedì te, “Amos, hengkey is neehè nu?” Ne midtavak a te, “Sevaha he revan he zuen din taǥù he nelutuan he menge prutas.” Ne migkaǥi is Nengazen kayi te kedì te, “Neume en is ketepusan te menge etew ku he menge tig-Israel. Kenè ku en sikandan egkehizuwan.

Deuteronomio 18:17

“Umbe migkaǥi is Nengazen kayi te kedì te, ‘Meupiya is hangyù dan.

Deuteronomio 32:35

Ke sikandin te, “Iyan e en ebales wey edsilut kandan, su egkeuma zed gihapun is netendek he timpu he ebpekezulas sikandan. Hapit en egkeuma is kedezeeti kandan ne kenè en daan heini egkeuǥet.”

Deuteronomio 5:28

“Ne nezineg te Nengazen haazà is migkaǥi niw zutun te kebpekidlalag niw kedì, ne migkaǥi sikandin kayi te kedì te, ‘Nezineg ku is migkaǥi kayi te menge etew ziyà te kenikew, ne meupiya is langun he migkaǥi zan.