Isaias 9:9 - Manobo Western Bukidnon OT

⁹ Ne egketuenan heini te langun he menge etew ziyà te Israel, ragkes en is diyà te Samaria he kepital zin. Ne ǥuntaan ebpelavew zan pa wey ebpahambug he ke sikandan te,

Isaias 9:9 ပူးပေါင်းရင်းမြစ်များ

1 Hadì 22:25

Midtavak si Micaya te, “Egketuenan nu heini zutun te andew he egkezaag kew en te tebek ne ed-eles ka ziyà te kineselezan he ruǥu te valey.”

Erubasa 16:18

Is kebpelavew wey kegkemesinupaken, edrimeǥas te kezeetan.

Isaias 26:11

Nengazen, andam ke en he edsilut kandan, iyan, wazè dan metueni heini. Petueni nu kandan Nengazen! El-eleza nu sikandan pinaaǥi te kebpaahaa nu kandan te kebmahala nu te menge etew nu. Binsuli nu sikandan te hapuy is menge kuntada nu.

Isaias 28:1

Mekehizuhizu is Samaria, he henduen be te kuruna he vulak, he ibpegalbu te menge lelenguten he menge pengulu te Israel. Heini he inged diyà mekepelastar te uuzaran he suǥud, piru egkaawà is kekempet din iring te vulak he egkeǥangu.

Isaias 28:3

Edtekutakan is Samaria, he henduen be te kuruna he vulak, he ibpegalbu te menge lelenguten he menge pengulu te Israel.

Isaias 46:12

Pemineg kew kediey, is utew menge mesinupaken. Kenè kew ebpekaangken te metazeng he kezeeǥan.

Isaias 48:4

Netuenan ku ke sengemenu is kebmesinupaken niw. Is tengel niw igkepetug-iring te kezesen te putew ne is buked niw igkepetug-iring te kezesen te brunsi.

Isaias 7:2

Ne hein nezineg te hadì te Juda he midsevaha is Aram wey Israel, migkerker sikandin wey is menge etew zin tenged te kegkahandek. Migkerker zan iring te menge kayu he egkehuyung te keramag.

Isaias 9:8

Migkaǥi is Nengazen he edsilutan din is menge Israilihanen, he menge kevuwazan ni Jacob.

Jeremias 32:24

Ne ǥuntaan midtambù te tanà is menge tig-Babilonia kayi te kilid te verengbeng te Jerusalem he egkeveyaan dan te kedseled dan kayi te inged su wey zan maaǥew heini. Ne tenged te tebek, bitil, wey zaru, egkaaǥew te menge tig-Babilonia heini is inged su iyan heeyan migkaǥi nu.

Ezekiel 30:19

Iring keniyan is kedsilut ku ziyà te Ehipto, ne egketuenan dan he iyan a Nengazen.”

Ezekiel 33:33

Ne emun egkehitavù en heini is silut kandan he siguradu he egkehitavù, egketuenan dan he zuen bes iyan ebpeneuven he zuma zan.”

Ezekiel 7:27

Edlalew is hadì wey egkaawà is perateng din, ne egkerkeren is menge etew tenged te kegkahandek. Edsilutan ku sikandan sumalà te vineelan dan, ne ebeelan ku ziyà te kandan is mibeelan dan diyà te zuma. Ne egketuenan dan dutun he iyan a Nengazen.”

Ezekiel 7:9

Kenè ku sikiyu egkehizuwan. Edsilutan ku sikiyu sumalà te vineelan niw wey te utew mezaat he menge ulaula niw. Ne zutun egketuenan niw he iyan a, is Nengazen midsilut keniyu.

Hoseas 8:14

Midlipatan te menge tig-Israel is midlimbag kandan. Sikandan wey is menge tig-Juda mibangun te menge turuǥan wey mahabet he menge inged he midliǥuy te verengbeng. Piru ebinsulan ku is menge inged dan wey is menge melig-en he menge vahin kayi.”

Malakias 1:4

“Emun egkaǥi is menge Edomanhen he menge kevuwazan ni Esau te, ‘Minsan nezeetan en is ubpaan dey, ne ed-umanan dey heini ebenguna,’ iyan a, kes Nengazen he Mekeǥeǥehem, egkaǥi te, ‘Minsan ed-umanan dan ebenguna haazà is inged dan ne edrundusen ku zed gihapun. Egngezanan sikandan he “mezaat he nasyun” wey “menge etew he layun dà igkeepes te Nengazen.”

Malakias 3:13

Migkaǥi pa is Nengazen te, “Mezaat is menge lalag niw mehitenged kedì. Piru ed-insè kew te, ‘Hengkey is migkaǥi zey he mezaat mehitenged kenikew?’

Malakias 4:1

Migkaǥi is Nengazen he Mekeǥeǥehem, “Siguradu iyan he egkehitavù is kegkeuma te andew te Nengazen he Mekeǥeǥehem. Ne iring is kegkehitevùa kayi te rapug he egkiràkirà. Is langun he mepelevawen wey menge lalung, ne egkeiring sikandan te ebinsulan he kayu he wazà egkesamà he subpang wey zalid.