Isaias 8:3 - Manobo Western Bukidnon OT

³ Ne midhilevetan ku is esawa ku he ebpeneuvan, ne mibmeǥingey sikandin ne mid-anak te maama. Migkaǥi is Nengazen kayi te kedì te, “Ngezani nu heeyan is batà te Maher Shalal Hash Baz.

Isaias 8:3 ပူးပေါင်းရင်းမြစ်များ

2 Hadì 22:14

Umbe, midhendiyà si Hilkia he memumuhat, si Ahikam, si Acbor, si Shafan, wey si Asaya te ki Hulda te sevaha he vahi he ebpeneuven su ebpekidlalag dan kandin. Heini si Hulda, diyà ed-ubpà te veǥu he vahin te Jerusalem, ne esawa sikandin ni Shalum he anak ni Tikva wey apù ni Harhas. Si Shalum iyan ed-atur te menge visti ziyà te Baley te Nengazen.

Isaias 8:1

Migkaǥi is Nengazen kayi te kedì te, “Kuwa ka te meluag he edsuratan, ne isurat nu heini he menge lalag is edhenduen te: ‘Maher Shalal Hash Baz.’

Jeremias 20:3

Ne sunud he andew impeǥawas ni Pashur si Jeremias. Ne migkeǥiyan sikandin ni Jeremias te, “Pashur, mid-ilisan en te Nengazen is ngazan nu. Guntaan iyan en igngazan kenikew si Magor Misabib (he ke và dà egkegiya, ‘Is Etew he Layun Egkeherati’).

Zatù 4:4

Dutun he timpu iyan pengulu te Israel si Debora. Ebpeneuven sikandin te Megbevayà ne esawa sikandin ni Lapidot.