Isaias 8:14 - Manobo Western Bukidnon OT

¹⁴ Iyan a egkehimu he eputè niw. Piru para te menge tig-Israel wey tig-Juda, iring a te vatu he egkesipè dan wey ebpekeurambak dan, ne para te menge etew ziyà te Jerusalem, iring a te penuǥes.

Isaias 8:14 ပူးပေါင်းရင်းမြစ်များ

Salmo 11:6

Ebpeuzanan din te egkeregreg he menge vaǥa wey esupri is menge lalung he etew; ne edsilutan din sikandan pinaaǥi te meinit he keramag he ebpekelupa kandan.

Salmo 140:5

Is menge mepelevawen, mid-endaman e zan te paaǥi he iyan igkeutela zan kedì. Ke và e zà pait, iring te puket he intaan is paaǥi zan te kedhingutela zan kedì.

Salmo 69:22

Emun egastu sikandan, berakat he mehimu haazà he igkezeeti zan duma te menge meǥeliyug dan.

Erubasa 18:10

Is Nengazen, iring te melig-en he turi he iyan egkeeputan te menge metazeng su wey zan kenà mekeizi.

Isaias 25:4

Iyan ka kes melig-en he eputà te menge pubri emun timpu te kedlised. Helungè ka emun timpu te vagyu wey gulavung. Su is kedsurung te mesipala he menge etew, iring te vagyu he ebpekesuǥat diyà te verengbeng,

Isaias 26:20

Sikiyu is menge emurè ku te inged, seled kew ziyà te menge valey niw ne lelekeb kew. Eles kew zèpa taman te egkaawà is pauk te Nengazen.

Isaias 28:16

Umbe, iyan heini egkeǥiyen te Nengazen he MEGBEVAYÀ: “Pemineg kew! Idsavuk ku ziyà te Zion is batu he pundasyun; batu he egkeseriǥan, melig-en wey mevali. Is midtuu kandin ne kenà meǥègaanen te menge ebeelan dan.

Isaias 4:6

Ne egkeiring heini te lawig he egkehelungan emun meinit is andew wey egkehelungan daan amun duen bagyu wey uzan.

Isaias 59:10

Iring kiw te lakap he ebpekepenamsam diyà te elavat, ne ebpemekeurambak kiw minsan meudtu, henduen be te edhipanew kiw ziyà te merusirem. Minsan pa te mezesen is menge lawa tew, henduen kiw te menge minatey su wazè tew egkehimu.

Isaias 7:16

Ne te kenè pa sikandin egketeǥuan te hustu he isip, is tanà duen te zezuwa he hadì he igkahandek nu, Ahaz, egkezeeten ne ebey-anan dà heini.

Jeremias 6:21

Umbe siak, is Nengazen, migkaǥi a te, ‘Edsavuk a te ebpekeseligkat kayi he menge etew. Ne tenged kayi egkezeetan is menge ginikanan wey is menge anak dan, ragkes en is telteleemiǥu wey teltelesiringan.’ ”

Ezekiel 11:16

“Umbe keǥiyi nu is menge zuma nu he vinihag he siak, is Nengazen he MEGBEVAYÀ, migkaǥi a te, ‘Minsan impevihag ku sikiyu wey impeyapat ku ziyà te zuma he menge nasyun, ebpekiduma a ǥihapun keniyu keniyan he menge lugar.

Ezekiel 3:20

Emun ed-engked he edtinazeng is metazeng he etew su ebaal te salà, ne emun ebey-anan ku en sikandin, ebpatey sikandin. Emun wazè nu sikandin petizeeni, ebpatey sikandin tenged te salè din, ne kenè ku en edtentenuzan is meupiya he menge vaal zin. Piru edsukutan ku sikew tenged te kemetayen din.

Josue 10:7

Umbe, migenat si Josue duma te langun he menge sundaru zin, ragkes is utew memetau he ebpekidtebek.