Isaias 7:6 - Manobo Western Bukidnon OT

⁶ “Edsurungen ta is Juda ne edaaǥen ta. Ebehinen ta is tanà kayi ne iyan ta ibpahadì duen is anak ni Tabeel.”

Isaias 7:6 ပူးပေါင်းရင်းမြစ်များ

1 Hadì 12:16

Hein neisip-isip te menge Israilihanen he wazè dan pemineǥa te hadì, ne migkeǥiyan dan is hadì te, “Wazè dey lavet kenikew te kevuwazan ni David! Belaǥad ka keniyan te ginhedian nu! Hengkayi kew en is menge Israilihanen, su ebpemen-ulì kiw!” Ne nemen-ulì is menge Israilihanen.

2 Hadì 11:2

Piru midlibri ni Jehosheba is anak ni Ahazia he si Joash hein meǥaan en edhimetayi sikandin wey is duma pa he menge anak te hadì. Heini si Jehosheba etevey ni Ahazia he anak he vahi ni Hadì Jehoram. In-eles din si Joash wey is ed-elima kandin diyà te sevaha he ruǥu zuen te valey te Nengazen, umbe wazà sikandin mepatey.

2 Cronica 13:8

Ne ǥuntaan egkesuatan niw te egkuntada is ginhedian te Nengazen he ziyà isarig te kevuwazan ni David. Mibpegalbu kew he mezakel is menge sundaru niw wey neuwit niw kes bulawan he menge vaka he mibpeveelan ni Jeroboam he iyan menge megbevayè niw.

2 Cronica 21:7

Piru tenged te kebpekid-uyun te Nengazen ki David, ne wazè din dèdeeti is kevuwazan ni David. Su midsaad is Nengazen ki David he zuen menge kevuwazan din he edhadì taman te taman.

2 Cronica 28:5

Umbe, imbeǥey sikandin te Nengazen he Megbevayè din diyà te hadì te Aram. Nezaag sikandin te menge Aramihanen wey mezakel is menge sakup din he nengevihag diyà te Damascus. Imbeǥey zaan sikandin diyà te hadì te Israel, he nenhimatey te mezakel he menge sakup din.

Salmo 21:11

Mezaat is pelanu zan kenikew, piru kenè dan edlampus.

Salmo 83:3

Duen meeles he pelanu zan he para te kezeetan te menge etew nu he ed-eturen nu.

Erubasa 19:21

Mahabet is pelanu te etew piru iyan gihapun egkeulaula is egkesuatan te Nengazen.

Isaias 7:1

Si Ahaz he anak ni Jotam wey apù ni Uzia, hein hadì sikandin diyà te Juda, duen midsurung diyà te Jerusalem. Is nenurung iyan si Hadì Rezin he hadì te Aram wey si Hadì Peka he hadì te Israel, he anak ni Remalia. Piru wazè dan maaǥew is Jerusalem.

Isaias 7:5

Mibpelanu sikandan te kedezaat kenikew. Ke sikandan te,

Isaias 7:7

“ ‘Piru migkaǥi is Nengazen he MEGBEVAYÀ te kenà heeyan egkehitavù.

Isaias 8:6

“Geina te inselikwey kayi he menge etew is wahig te Shiloa he midtudà te menaney, ne ingkelipey zan is kebpekidtampu ki Hadì Rezin wey ki Hadì Peka,