Isaias 7:4 - Manobo Western Bukidnon OT

⁴ Ne iyan heini keǥiya nu kandin, ‘Pengandam ka! Ipehulenè nu is gehinawa nu wey kenè ka mahandek. Kenè ka mebpekulbà tenged dà te utew kegkepauk ni Hadì Rezin he hadì diyà te Aram wey ni Hadì Peka he anak ni Remalia. Heini sikandan, iring dà te zezuwa he tued he ed-evel piru wazà duen hapuy.

Isaias 7:4 ပူးပေါင်းရင်းမြစ်များ

2 Hadì 15:27

Nehimu he hadì diyà te Israel si Peka he anak ni Remalia hein ike-52 he tuig te kedhadì ni Azaria ziyà te Juda. Diyà te Samaria med-ubpà si Peka, ne midhadì sikandan seled te 20 he tuig.

2 Cronica 20:17

Kenè en kinahanglan he ebpekidtebek kew pa. Andam kew zà wey mebpekelig-en, ne ahaà niw is kezeeǥan he ebeelan te Nengazen para keniyu. Sikiyu is menge tig-Juda wey tig-Jerusalem, kenè kew mahandek wey mebmeluya. Etuvanga niw sikandan keeselem su is Nengazen iyan eduma keniyu.’ ”

Isaias 10:24

Umbe, migkaǥi is Nengazen he MEGBEVAYÀ he Mekeǥeǥehem, “Sikiyu is menge etew ku he meǥinged te Jerusalem, kenè kew mahandek te menge tig-Asiria minsan pa te edresayen kew zan iring te mibeelan te menge tig-Ehipto ziyà te keniyu.

Isaias 30:15

Migkaǥi pa is Nengazen he MEGBEVAYÀ, is Waǥas he Megbevayà te Israel te, “Likù kew kayi te kediey ne ipehulenè niw is gehinawa niw su edlibriyen ku sikiyu. Pekelinew kew ne sarig kew kedì su edlig-enan ku sikiyu. Piru kenè niw heini egkesuatan te ebaal.

Isaias 30:7

Is tavang te nasyun he Ehipto, ne wazè din pulus. Umbe egngezanan ku heini te “Dragun he Midleku.”

Isaias 35:4

Kegiyi niw is menge egkahandek te, “Mebpekelig-en kew wey kenè kew mahandek. Ebpekeuma is Megbevayè niw su ebelesan din is menge kuntada niw, ne edlibriyen kew zin.”

Isaias 37:6

migkaǥi si Isaias diyà te kandan te, “Keǥiyi niw is egalen niw he si Hadì Hezekia he iyan heini egkeǥiyen te Nengazen: Kenè ka mahandek te nezineg nu he ked-un-undaha kedì duen te menge sakup te hadì te Asiria.

Isaias 41:14

Minsan deisey ka wey meluya, kenè ka mahandek su iyan a mismu edtavang kenikew. Iyan a, is Nengazen, is migkaǥi kayi. Iyan a menluluwas nu, is waǥas he Megbevayà te Israel.

Isaias 7:1

Si Ahaz he anak ni Jotam wey apù ni Uzia, hein hadì sikandin diyà te Juda, duen midsurung diyà te Jerusalem. Is nenurung iyan si Hadì Rezin he hadì te Aram wey si Hadì Peka he hadì te Israel, he anak ni Remalia. Piru wazè dan maaǥew is Jerusalem.

Isaias 7:8

Su is Damascus iyan dà kepital te Aram, ne si Rezin, diyè dà sikandin midhadì te Damascus. Ne is Samaria iyan dà kepital te Israel, ne si Peka he anak ni Remalia ziyè dà sikandin midhadì te Samaria. Egkezeeten is Israel seled te 65 he tuig, umbe kenè ne heini egketawag he sevaha he nasyun. Emun kenà melig-en is kedtuu niw ne egkezeetan kew iyan.’ ”

Isaias 8:4

Ne te kenè pa egketau heeyan is batà he edsampit te Amà etawa Inà, ne is ketiǥeyunan diyà te Damascus wey is midtavan te menge tig-Samaria ne egkuwaan te hadì te Asiria.”

Isaias 8:6

“Geina te inselikwey kayi he menge etew is wahig te Shiloa he midtudà te menaney, ne ingkelipey zan is kebpekidtampu ki Hadì Rezin wey ki Hadì Peka,

Penhulùhulù 3:26

Meupiya ke edtaǥad ki he mepelevayen te kedlibri te Nengazen kenita.

Amos 4:11

“Midezeetan ku is duma keniyu iring te mibeelan ku ziyà te Sodom wey Gomora. Ne is duma keniyu he nekelingkawas neiring te kayu he midsekelew puun te hapuy. Piru wazè kew ǥihapun medlikù kayi te kedì. Iyan a, is Nengazen, is migkaǥi kayi.

Habakuk 2:3

Isurat nu zà heini zep-a su wazè pa meuma is midtelaan he timpu te kegkeul-ulaha kayi. Ne kenà ebperis is kegkeul-ulaha kayi te kena egkeuǥet. Emun henduen be te malù egkeuǥet ne teǥazi nu, su siguradu he egkehitavù heini he kenà egkeuǥet.

Zacarias 3:2

Piru migkeǥiyan duen te velinsuǥuen te Nengazen si Setanas te, “Sayep ka, Setanas, su is Jerusalem pinilì en te Nengazen. Su heini si Josue, midlibri zin puun te kegkevihag he iring te netutung he kayu he midsekelew zin puun te hapuy.”

Deuteronomio 20:3

‘Pemineg kew is menge etew te Israel. Kenè kew mahandek kayi te kebpekidtebek niw ǥuntaan. Mebpekevurut kew wey kenè kew peteranta.

1 Samuel 17:32

Hein nekeuma si David, migkeǥiyan din si Saul te, “Kenà engayan he zuen sevaha he egkaawà is kevurut tenged keniyan te Filistihanen. Iyan a is suluǥuen nu ebpekidtebek kandin.”