Isaias 7:22 - Manobo Western Bukidnon OT

²² ne iyan dà haazà egkuwaan dan te ǥatas. Gatas wey teneb is egkehimu he keuyaǥan te langun he egkesamà diyà te Juda.

Isaias 7:22 ပူးပေါင်းရင်းမြစ်များ

Genesis 18:8

Ne hein naandam en is langun, midtangel en ni Abraham haazà is usa wey zuen daan gatas wey kisu. Ne migkaan dan diyà te sihung te kayu ne zutun daan si Abraham is ebpenilbi kandan.

2 Samuel 17:29

teneb, mentikilya, kerehidu, wey kisu. Imbeǥey zan heini ki David wey te menge sakup din, su netuenan dan he egkengevitil, egkengeveley, wey utew en sikandan egkemezahi zutun te kedhipanew zan.

Isaias 14:30

Is menge etew ku he menge pubri ed-elimahan ku wey ibpehimeley he wazà edhilavet kandan. Piru sikiyu is menge Filistihanen, ebpenhimetayan ku is menge kevuwazan niw pinaaǥi te vitil. Ne is egkesamà kandan ebpenhimetayan ku gihapun.

Isaias 17:2

Wazè en ed-ubpà diyà te menge inged diyà te Aroer. Egkehimu zà heini he pepenebtavà te menge langgam, ne wazà ebuǥew kandan.

Isaias 7:15

Gatas wey teneb is egkehimu he keuyaǥan kayi he vatà taman te egketeǥuan en te hustu he isip.

Isaias 8:15

Mezakel kandan is egkeseligkat, ebpekeurambak, wey egkezeetan. Egkeutel sikandan wey egkezekepan.”