Isaias 7:18 - Manobo Western Bukidnon OT

¹⁸ “Dutun he timpu, ebpemunsuwit is Nengazen he ed-umew te menge tig-Ehipto wey tig-Asiria. Ne ebpekeuma is menge tig-Ehipto he henduen be te menge langew he ebpuun diyà te meziyù he menge wahig diyà te Ehipto, ne ebpekeuma zaan is menge tig-Asiria he henduen be te menge petiyukan.

Isaias 7:18 ပူးပေါင်းရင်းမြစ်များ

Salmo 105:31

Pinaaǥi te suǥù te Megbevayà, duen utew gerabi he langew wey kutu ziyà te tanè dan.

Salmo 118:12

Henduen dan te petiyukan is midsurung kedì, piru neiring dà sikandan te nevinsulan he reǥami he segugunè dà neevuki. Nezaag ku sikandan pinaaǥi te ǥehem te Nengazen.

Exodus 8:21

Ne emun kenè nu sikandan edtuǥutan, ebpengelinteuwan ku he ebpekeuma keniyan te kenikew is ebmelinguwan he menge dezeizey he keranapranap he edhurun diyà te kenikew wey ziyà te menge upisyal nu wey te menge keet-etawan nu. Egkengepenù te menge dezeisey he keranapranap is menge valey niw, ne is tanà ne egketembunan kayi.

Exodus 8:24

Mid-ulaula iyan heini te Nengazen. Midselezan te mezakel he menge dezeisey he menge keranapranap is turuǥan te hadì wey is baley te menge perezumala zin, ne is tivuuk he tanà te Ehipto ne nezeetan tenged kayi.

Isaias 13:5

Ebpuun sikandan diyà te utew meziyù he menge lugar. Edezeetan te Nengazen wey te menge sundaru zin is tivuuk he tanà.

Isaias 31:1

Mekehizuhizu kew is mibuyù te tavang diyà te Ehipto. Midsarig kew te meǥaan he menge kudè dan, mahabet he menge kerwahi zan, wey memezesen he menge pereuntud dan te kudà. Piru wazè kew midsarig te Nengazen, he Waǥas he Megbevayà te Israel, ne wazè kew mebuyù te tavang din.

Isaias 5:26

Ed-uyawan din is menge nasyun diyà te meziyù; egkulehian din te ked-umew is menge meǥinged diyà te utew meziyù he vahin te kelibutan, ne segugunà sikandan ebpekeuma is edsurung keniyu.

Isaias 7:17

Diyà te huziyan he timpu, sikew wey is menge etew nu, ragkes en is lavew he pemilya nu, ibpesurung te Nengazen te hadì te Asiria. Ne egkeseǥazan niw is kelised he wazè niw pa keenu meseǥazi puun te kebpekidsivayà te Israel te Juda.

Zacarias 10:8

Ed-umawen ku is menge etew ku ne edtiǥumen ku sikandan. Edlibriyen ku iyan sikandan, ne ebmahabet dan iring te zengan.

Deuteronomio 1:44

Ne nekidtebek keniyu is menge Amorihanen he meǥinged dutun, ne henduen sikandan te petiyukan is edal-as keniyu puun te Seir taman te Horma, ne nezaag kew.

Deuteronomio 28:49

“Ketau te Nengazen he surunga kew te sevaha he nasyun he ziyà te utew meziyù, he kenè niw egkesavut is kineǥiyan dan. Iring dan te kulaǥu he edawi zutun te kedsurunga zan keniyu.

Deuteronomio 7:20

Ibpehurunan sikandan te Nengazen he Megbevayè niw te petiyukan su para mezeeti minsan sikan is egkengesamà he ebpemekeeles en.

Josue 24:12

Impezal-as ku te menge petiyukan sikan is dezuwa he hadì he menge Amorihanen su para zaan sikandan he mesegseg te kenè kew pa ebpekeuma. Nekezaag kew kenà tenged te menge ispada niw wey menge panè niw.