Isaias 7:1 - Manobo Western Bukidnon OT

¹ Si Ahaz he anak ni Jotam wey apù ni Uzia, hein hadì sikandin diyà te Juda, duen midsurung diyà te Jerusalem. Is nenurung iyan si Hadì Rezin he hadì te Aram wey si Hadì Peka he hadì te Israel, he anak ni Remalia. Piru wazè dan maaǥew is Jerusalem.

Isaias 7:1 ပူးပေါင်းရင်းမြစ်များ

2 Hadì 15:25

Dutun he timpu, mibpelanu te mezaat si Peka he anak ni Remalia ziyà te ki Pekaya. Heini si Peka iyan peremandar te menge sundaru ni Pekaya. Duma te 50 he menge etew ziyà te Gilead, midhimetayan ni Peka si Pekaya ragkes si Argob wey si Arie, diyà te melig-en he vahin te turuǥan diyà te Samaria. Ne iyan sikandin mid-ilis ki Pekaya te kedhadì.

2 Hadì 15:27

Nehimu he hadì diyà te Israel si Peka he anak ni Remalia hein ike-52 he tuig te kedhadì ni Azaria ziyà te Juda. Diyà te Samaria med-ubpà si Peka, ne midhadì sikandan seled te 20 he tuig.

2 Hadì 15:37

Dutun te timpu te kedhadì din, impepuun ipesurung te Nengazen diyà te Juda si Hadì Rezin he hadì te Aram wey si Peka he anak ni Remalia.

2 Hadì 16:1

Nehimu he hadì diyà te Juda si Ahaz he anak ni Jotam hein ike-17 he tuig te kedhadì ni Peka, he anak ni Remalia, diyà te Israel.

2 Hadì 16:5

Dutun te kedhadì ni Ahaz diyà te Juda, midsurung diyà te Jerusalem si Hadì Rezin he hadì te Aram wey si Hadì Peka he hadì te Israel, he anak ni Remalia, ne midliǥuyan dan is Jerusalem. Piru wazè dan mezaag si Ahaz.

Isaias 1:1

Heini he libru, ne mehitenged te impahayag te Megbevayà diyà te ki Isaias he anak ni Amoz. Ne heini, mehiten ged te Jerusalem wey Juda hein kedhadì diyà te Juda ni Uzia, ne nesunuzan ki Jotam, ki Ahaz, wey ki Hezekia.

Isaias 8:6

“Geina te inselikwey kayi he menge etew is wahig te Shiloa he midtudà te menaney, ne ingkelipey zan is kebpekidtampu ki Hadì Rezin wey ki Hadì Peka,

Isaias 9:11

Umbe ibpesurung sikandan te Nengazen te menge tig-Asiria, he menge kuntada ni Hadì Rezin.

Ezekiel 27:16

“ ‘Mibpetiǥayun daan diyà te kenikew is Aram su mahabet is menge pruduktu nu. Is inliwè dan te menge velegyè nu menge ismiralda, menge manggad he merudtem, menge binurdahan, menge mahalen he linu, paǥang, wey menge rubi.

Hoseas 1:1

Heini he menge lalag impahayag te Nengazen diyà te ki Hoseas he anak ni Beeri dutun te timpu te kedhadì ni Uzia ziyà te Juda, pehendiyà te ki Jotam, ki Ahaz, wey ki Hezekia, ne timpu zaan haazà te kedhadì ni Jeroboam diyà te Israel he anak ni Joash.

Micas 1:1

Iyan heini menge lalag te Nengazen bahin te Samaria wey Jerusalem. Impahayag din heini ziyà te ki Micas he tig-Moreshet dutun te timpu te kedhadì ni Jotam diyà te Juda, ne neketinundug kandin te kedhadì si Ahaz, wey si Hezekia. Migkaǥi si Micas te,