Isaias 66:3 - Manobo Western Bukidnon OT

³ Piru iyan heini paaǥi te kedseǥipaa ku te menge etew he iyan ebpezumdumahan dan is keugelingen dan dà he suat, ne igkelipey zan is utew mezaat he menge vaal zan: Emun edlapà sikandan te vaka he ibpemuhat dan, ne ibpeiring ku haazà te kedhimatey te etew. Emun ebpemuhat sikandan te kerehidu, ibpeiring ku haazà te midhimatey zan te asu. Emun ebpemuhat sikandan te pemuhat he para gasa, ibpeiring ku haazà te mibpelengesa zan te lengesa te vavuy. Ne emun edtutung sikandan te veyewà su edtentenuzan e zan, ibpeiring ku haazà te mibpenubtuvazan dan is duma he menge ed-ezapen.

Isaias 66:3 ပူးပေါင်းရင်းမြစ်များ

Erubasa 15:8

Egkeepesan te Nengazen is pemuhat te menge lalung, piru igkesuat din mulà is menge kebpengemuyù te menge metazeng.

Erubasa 21:27

Kenà igkesuat te Nengazen is ibpemuhat te menge lalung, lavew en ke mezaat is tuyù dan te ked-ul-ulaha zan dutun.

Isaias 44:19

Wazè en kandan ebpurung ed-isip-isip wey zin meisip te, “Intavun ku is duma zuen te menge kayu, ne midhilutù a te supas, ne midtuug a te usa diyà te vaǥa kayi, ne migkaan a. Ne ǥuntaan ebeelan ku ve he utew mezaat he vutang is nesamà he kayu? Ed-ezapen ku ve is sevaha he tamped te kayu?”

Isaias 53:6

Iring kiw is langun te nengetazin he menge kerehidu; is kada sevaha kenitew ne iyan en mibeelan din is egkesuatan din. Piru iyan sikandin impaantus te Nengazen te silut he para pezem kenitew te langun.

Isaias 57:17

Nepauk a tenged te salà wey keleleǥed te menge tig-Israel, umbe midsilutan ku sikandan wey mid-iniyuǥan. Piru mibpedayun dan gihapun te kebaal te salà.

Isaias 65:12

Is ukur niw ne iyan is kemetayen, ne egkeamin kew ebpematey, su hein nengumew a ne wazè kew medtavak, ne hein migkaǥi a ne wazè kew mebpemineg. Mibaal kew te mezaat diyà te etuvangan ku, ne ke hengkey is kenè ku egkesuatan, ne iyan ebeelan niw.

Isaias 65:2

“Edsigudu ad edtaǥad he mekelikù kayi te kedì is menge etew ku he menge mesinupaken, he wazà med-ikul te meupiya he vetasan, su iyan dan dà ebpezumdumahan is keugelingen dan he isip.

Isaias 66:17

Migkaǥi is Nengazen te, “Ebpekedreredsà is kebpatey te menge etew he midwaǥas dan wey midlumpiyuwan dan is keugelingen dan pinaaǥi te ked-azap dan te menge ed-ezapen dan diyà te pemuleey. Ebpematey sikandan is egkaan te vavuy, rumat, wey te zuma pa he keenen he utew mezaat.

Jeremias 6:20

Kenè ku ebeliyen is edtutungen dan he veyewà he ebpuun pa te Sheba, wey is menge pehemut he ebpuun pa ziyà te meziyù he lugar. Kenè ku egkezawat is menge pemuhat dan he edtutungen. Is menge pemuhat dan kenà ebpekelipey kedì.

Leviticus 2:2

Uwita zin heini ziyà te menge memumuhat he menge kevuwazan ni Aaron. Ne edterinan te memumuhat haazà te sengekemkem he herina he midsehuǥan te lana, wey ragkes is langun he veyewà he insahug kayi he midtarin din, ne edtutungen din diyà te pemuhatà. Edtutungen din heini he paaǥi te kedtentenuzi te Nengazen. Is kehemut kayi he pemuhat te pinaaǥi te hapuy ne ebpekepenunuat te Nengazen.

Haggai 2:14

Ne migkaǥi si Haggai te, “Iring daan keniyan is menge etew te Israel, migkaǥi is Nengazen. Geina te meremerik dan dengan tenged te salà, is minsan hengkey he ebeelan dan wey ibpemuhat dan diyà te pemuhatà, ne meremerik diyà te etuvangan te Nengazen.

Deuteronomio 14:8

Kenè niw zaan keena is bavuy, su minsan netevì is sulu kayi piru kenà kayi ed-umanan edsepaa is kinaan din. Kenè niw keena heini he menge langgam wey kenè niw semsama is minatey kandan.

Deuteronomio 23:18

Kenè niw uwita ziyà te valey te Nengazen he Megbevayè niw is selapì he egkekuwa niw pinaaǥi keniyan su ibayad niw te penaad niw kandin, su utew heini mezaat diyà te kandin.

Zatù 10:14

Maan is kenè kew ziyà ebuyù te tavang te menge ed-ezapen he mibpilì niw he iyan ed-ezapen niw? Iyan niw sikandan ipelibri keniyu emun edlised kew.”

Zatù 21:25

Dutun he timpu, wazà hadì te Israel, umbe ebaal en te egkesuatan din te ebaal is kada sevaha kandan.

Zatù 5:8

Hein mid-azap sikandan te veǥu he menge ed-ezapen, nehitavù is tebek diyà te tivuuk he Israel. Piru te 40,000 he menge Israilihanen ne wazà minsan sevaha kandan he zuen din kelasag etawa vangkew.