Isaias 66:22 - Manobo Western Bukidnon OT

²² Migkaǥi pa zaan is Nengazen te, “Iring te kenà egkaawà te taman te taman is beǥu he langit wey beǥu he tanà he ebeelan ku, ne kenà daan egkaawà te wazà pidtemanan is menge kevuwazan niw, ne kenè kew egkelipatan.

Isaias 66:22 ပူးပေါင်းရင်းမြစ်များ

Isaias 48:19

Egkeiring pezem te pantad he kenà egkevilang is menge kevuwazan niw, ne kenà pezem sikandan egkezeetan wey egkahanew ziyà te etuvangan ku.”

Isaias 51:16

Impenurù ku keniyu is ereg he egkeǥiyen niw, wey ebpengelangan ku sikiyu pinaaǥi te ǥehem ku. Iyan a mibpelastar te langit wey midsavuk te menge midtukuzan te kelibutan, wey iyan a migkaǥi ziyà te Jerusalem te, ‘Gaked ku sikew.’ ”

Isaias 53:10

Piru egkasuatan te Nengazen he edresayen wey ibpaantus sikandin. Piru minsan midhimu te Nengazen is untung din he pemuhat para meveyazi is salà te menge etew, egkeehè din ded is menge kevuwazan din wey ebpekaangken ded sikandin te meluǥayad he untung, ne pinaaǥi kandin egketuman is egkesuatan te Nengazen.

Isaias 56:5

Edtuǥutan ku sikandan te kedseled diyà te valey ku ne ebeǥayan ku sikandan te zengeg he lavew pa te zengeg he egkezawat dan emun duen dan menge anak. Kenà sikandan egkelipatan te menge etew te taman te taman.

Isaias 59:21

Ne iyan heini kebpekid-uyun ku keniyu: Kenà egkaawà is Mulin-ulin ku he ziyà te keniyu wey is menge lalag he migkaǥi ku keniyu. Tudtula niw heini ziyà te menge anak niw, ne edtudtulen dan daan heini ziyà te kandan he menge anak, ne ebpedayun heini pehendiyà te huziyan he menge lapis te kevuwazan. Iyan a, is Nengazen, is migkaǥi kayi.”

Isaias 61:8

“Su siak, is Nengazen, dekelà diyà te gehinawa ku is hustu he kukuman. Egkeepesan ku is kebpenakew wey zuma pa he mezaat he vaal. Tenged te kebmetinumanen ku ebeǥayan ku te suhul is menge etew ku wey ebpekid-uyun a kandan te uyun he wazà pidtemanan.

Isaias 61:9

Is menge kevuwazan dan egkilelaan diyà te menge nasyun. Is langun he ebpekaahà kandan egkilala he iyan sikandan menge etew he edtuvazan ku.”

Isaias 65:17

“Pemineg kew! Ebaal a te veǥu he langit wey beǥu he tanà. Ne kenè en edtentenuzan is daan he langit wey tanà.

Isaias 65:22

Kenè en iyan ebpekepehimulus te menge valey zan wey menge pinemula zan is menge kuntada zan. Is kayu kenà ebpatey seled te meluǥayad he timpu, ne kenè daan ebpatey is menge etew ku seled te meluǥayad he timpu, ne ebpekepurung sikandan ebpekepehimulus te hineǥuan dan.

Isaias 65:23

Kenè dan en edhaǥù te wazè din pulus, wey kenè dan en ed-anak te mezaat is egkepengkusan din. Su sikandan he menge etew wey is menge kevuwazan dan, ne edtuvazan ku.

Jeremias 33:20

“Nekid-uyun a te maandew wey mezukilem he medlepew sikandan te hustu he timpu, ne heini he uyun kenè en egkahalin.

Jeremias 33:21

Ne iring daan keniyan is kebpekid-uyun ku ki David he suluǥuen ku, he iyan is layun din duen kevuwazan he egkehimu he hadì. Ne iring din daan is menge memumuhat he kevuwazan ni Levi ebpenilbi ǥihapun sikandan kediey.

Zefanias 3:20

Uya, edtiǥumen ku sikiyu zutun he timpu, ne ibpeulì ku sikiyu ziyà te tanè niw. Ebeǥayan ku sikiyu te zengeg wey edhimuwen ku he mevantug kew kayi te tivuuk he kelibutan. Egkeulaula heini zutun te timpu te kebpelikua ku te meupiya he kebpekesavuk niw, ne egkeehè niw mismu. Iyan, a is Nengazen, is migkaǥi kayi.’ ”