Isaias 66:18 - Manobo Western Bukidnon OT

¹⁸ Netuenan ku is menge ulaula zan wey isip dan. Umbe edhendiyan a ne edtiǥumen ku is menge etew ziyà te langun he menge nasyun, ne egkeehè dan is gehem ku.

Isaias 66:18 ပူးပေါင်းရင်းမြစ်များ

Salmo 86:9

Edsimba kenikew is langun he menge etew ziyà te menge nasyun he midlimbag nu. Ne edeliǥen ke zan.

Isaias 2:2

Diyà te huziyan he menge andew, sikan is buvungan he edhitindeǥan duen te valey te Nengazen egkehimu he lavew he impurtanti te langun he menge vuvungan. Ne ebpekeuma kayi he vuvungan is mahabet he menge etew he ebpemuun diyà te langun he menge nasyun.

Amos 5:12

Su netuenan ku ke sengemenu kahabet wey ke sengemenu kezekelà is menge salè niw. Edèdaaǥen niw is menge etew he wazà mekesalà ne mibpenepian niw pa. Wazè niw veǥayi te hustu he kukuman diyà te hukmanan is menge pubri.

Joel 3:2

edtiǥumen ku is menge etew ziyà te menge nasyun ne ibpetupang ku sikandan diyà te Suǥud ni Jehoshafat. Dutun edhukuman ku sikandan tenged te mibeelan dan diyà te menge Israilihanen, kes menge etew he ǥaked ku. Impeyapat dan diyà te zuma he menge nasyun is menge etew ku, ne mibahin dan is tanè ku.

Ezekiel 39:21

“Emun edsilutan ku en is menge etew ziyà te menge nasyun, ne egkeehè dan ke sengemenu is kegkemekeǥeǥehem ku.

Ezekiel 38:10

Mibpedayun megkaǥi is Nengazen he MEGBEVAYÀ te, “Dutun he timpu ebpelanu ka te mezaat.

Isaias 66:10

Sikiyu is langun he mibmahal niw is Jerusalem wey midlalew kew tenged kandin, lipey kew wey lipeylipey zuma kandin,

Isaias 37:28

“Piru netuenan ku is langun mehitenged kenikew, ke hendei ka ed-ubpàubpà, etawa hendei ka ebpuun wey ebpevayà, wey ke hengkey is igkepeuki nu kediey.

Salmo 82:8

Sigi en, Megbevayà, hukumi nu en is menge etew ziyà te langun he menge nasyun kayi te kelibutan, su ǥaked nu sikandan.

Salmo 72:17

Berakat he kenà egkelipatan is ngazan te hadì te taman te taman mintras duen pa andew. Berakat he pinaaǥi kandin edtuvazan is langun he menge nasyun, ne ebpekekaǥi is menge etew ziyà te menge nasyun te, “Deyzey sikandin.”

Salmo 72:11

Berakat he ebpesakup kandin is langun he menge hadì ne ebpenilbi kandin is langun he menge nasyun.

Salmo 67:2

su para metueni ziyà te langun he menge nasyun te tivuuk he kelibutan is paaǥi nu wey is kedluwas nu.

Job 42:2

“Netuenan ku he egkehimu nu is minsan hengkey, ne wazà ebpekeeǥen kenikew.

Deuteronomio 31:21

Emun ebpekeume en diyà te kandan is mahabet he menge kemeresayan wey menge kemereǥenan, heini he kanta egkehimu he tistiǥus kuntra kandan, su kenà heini egkelipatan te menge kevuwazan dan. Netuenan ku en is ebpelenuwan dan te ebaal minsan wazè ku pa sikandan meuwit duen te tanà he impenangdù ku he ibeǥey ku kandan.”

Salmo 97:6

Impahayag te langit he metazeng sikandin, ne naahà te langun he menge etew is kegkemekeǥeǥehem din.

Salmo 139:2

Netuenan nu ke keenu a ebpinuu wey edhitindeg. Minsan diyè ka te meziyù netuenan nu is nengetaǥù te isip ku.

Isaias 11:9

Wazè en ebpesipala etawa ebpendezaat te segradu he vuvungan ku. Su is menge linimbag kayi te kelibutan egkepurung egketeǥui te keuluwanen mehitenged te Nengazen, iring te kegkepenua te zaǥat te wahig.

Isaias 45:22

“Sikiyu is langun he menge etew kayi te tivuuk he kelibutan, dangep kew kayi te kediey su wey kew melibri, su iyan a Megbevayà, ne wazè en duma.

Isaias 52:10

Ibpaahà te Nengazen is nekeviza he ǥehem din diyà te langun he menge nasyun, ne egkaahà kayi te tivuuk he kelibutan is kedlibriya kenitew te Megbevayè tew.

Isaias 55:8

Migkaǥi is Nengazen te, “Is ked-isip-isip ku, ne kenà iring te keniyu he ked-isip-isip, ne is menge ulaula ku, ne kenà iring te keniyu he menge ulaula.

Isaias 56:8

Migkaǥi zaan is Nengazen he MEGBEVAYÀ he midtiǥum te menge vinihag he menge Israilihanen te, “Edtiǥumen ku pa is duma, gawas duen te zaan en he netiǥum ku.”

Isaias 57:12

Ed-isipen niw he metazeng en is ebeelan niw, piru ibpeehè ku ke hengkey kew he kelasi te menge etew. Ne kenà ebpeketavang keniyu is menge ed-ezapen niw.

Isaias 59:7

Elistu kew he ebaal te salà ne abtik kew he edhimatey te wazà mekesalà. Mezaat is menge ed-is-isipen niw, ne minsan hendei kew ebpevayà ne ebpendezaat kew.

Isaias 65:2

“Edsigudu ad edtaǥad he mekelikù kayi te kedì is menge etew ku he menge mesinupaken, he wazà med-ikul te meupiya he vetasan, su iyan dan dà ebpezumdumahan is keugelingen dan he isip.

Jeremias 3:17

Dutun he timpu egngezanan niw is Jerusalem he ‘Pinuuwà te Nengazen te Kedhadì Din,’ ne is langun he menge etew ziyà te menge nasyun edtiǥum dan diyà te Jerusalem te kebayew te ngazan te Nengazen. Kenè dan en ebpezumdumahan is kegkemesinupaken te mezaat he ǥehinawa zan.

Zacarias 14:16

Is langun he egkesamà diyà te menge nasyun he nenurung te Jerusalem edtekezeg diyà te Jerusalem kada tuig su ed-ezapen dan is Nengazen he Mekeǥeǥehem he iyan hadì, wey edsilibra sikandan te Pista te Kebaal te menge Lawig.

Malakias 1:11

Ebentuǥen a ziyà te menge nasyun puun te kedsilà te andew pehendiyà te kedsanlep kayi. Ebpemuhaten a te veyewà wey lunsey he menge pemuhat diyà te langun he lugar, su ebentuǥen a ziyà te menge nasyun. Iyan a, is Nengazen he Mekeǥeǥehem, is migkaǥi kayi.

Salmo 94:11

Netuenan te Nengazen he is ed-isipen te menge etew, ne pudu wazè din pulus.

Isaias 40:5

Ne ibpezayag is mekeǥeǥehem he kebpekiduma te Nengazen, ne egkaahà heini te langun he menge etew. Su iyan mismu migkaǥi is Nengazen kayi.”

Jeremias 16:17

Neehè ku is langun he menge vaal zan. Wazà nekeeles kayi te kediey. Neehè ku is menge salè dan.