Isaias 66:16 - Manobo Western Bukidnon OT

¹⁶ Su edsilutan din pinaaǥi te hapuy wey ispada zin, is langun he mekesesalà he menge etew, ne mahabet is egkepatey zin.

Isaias 66:16 ပူးပေါင်းရင်းမြစ်များ

Isaias 10:4

Wazà egkesamà keniyu, kekenà, egkengevihag kew etawa ebpemematey. Piru kenè pa ǥihapun egkeengked is pauk te Nengazen! Andam pa ǥihapun sikandin he edsilut keniyu.

Isaias 27:1

Dutun he timpu, egemiten te Nengazen is meǥarang wey mekeǥeǥehem he ispada zin te kedhimatey te Leviatan, kes edlayewlayew he langgam diyà te zaǥat.

Isaias 3:13

Andam en is Nengazen he edhukum te menge etew zin

Isaias 30:30

Ibpezineg te Nengazen is mezaǥing he laǥeng din, wey ibpeehè din is belad din he andam en he edsilut tenged te utew zin kegkepauk. Egkezumahan heini te edriyubriyub he hapuy, egketik-ew he kedtanà te uzan, kebpenruǥung wey kebpengilat, wey ked-uzan te ǥiyew he iring kengezekelà te menge vatu.

Isaias 31:8

Ebpematey is menge tig-Asiria, piru kenà tenged te ispada te etew. Ebpeleǥuyan dan is tebek, ne egkehimu he menge uripen is menge vetan-en kandan.

Isaias 34:2

Su nepeukan te Nengazen is langun he menge meǥinged diyà te menge nasyun; nepeukan din is menge sundaru zan. Umbe ebpurungan din sikandan edezeeti, ne ebpenhimetayan din sikandan is langun.

Isaias 65:12

Is ukur niw ne iyan is kemetayen, ne egkeamin kew ebpematey, su hein nengumew a ne wazè kew medtavak, ne hein migkaǥi a ne wazè kew mebpemineg. Mibaal kew te mezaat diyà te etuvangan ku, ne ke hengkey is kenè ku egkesuatan, ne iyan ebeelan niw.

Jeremias 25:31

Is laǥeng din egkezineg kayi te tivuuk he kelibutan, su ed-ekusaran din is menge nasyun. Edhukuman din is langun he menge etew, wey edsintinsyahan din pinaaǥi te tebek is menge lalung.’ ”

Jeremias 25:33

Dutun he andew mahabet is ebpenhimetayan te Nengazen. Ne minsan ebpekepeyapat diyà te minsan hendei is ebpematey, ne wazà egkeseeng etawa edtiǥum etawa edleveng kandan. Ebey-anan dà sikandan he henduen be te menge tai he nemekesavuk diyà te tanà.

Jeremias 45:5

Edtinguhè ke pe be te zekelà he menge vutang? Kenè en kinahanglan, su ibpesaǥad ku te kezeetan is langun he menge etew, piru edlibriyen ku mulà sikew te kemetayen minsan hendei ka ebpevayà. Iyan a, is Nengazen, is migkaǥi kayi.’ ”

Jeremias 46:15

Maan is mid-endud is memevurut he menge sundaru niw? Mid-endud dan su midsegseg dan te Nengazen.

Ezekiel 28:18

Tenged te mahabet he menge salè nu wey kebpenlimbung nu ziyà te petiǥayun nu, mibpendezeisey nu is menge lugar he zutun ka ed-azap. Umbe ziyà te etuvangan te langun he edtengteng kenikew imperiyubriyub ku is hapuy ziyà te lugar nu ne nevinsulan ka. Nehimu ke zà he avu ziyà te tanà.

Ezekiel 38:17

Mibpedayun megkaǥi is Nengazen he MEGBEVAYÀ te, “Te nehuna he timpu impahayag ku pinaaǥi te ebpemeneuven diyà te Israel he menge suluǥuen ku, he ziyà te huziyan he menge andew duen edsurung diyà te Israel. Ne iyan ka ibpesavut ku he edsurung.

Ezekiel 5:15

Ed-un-undahan kew, edsudien kew, wey igkelimezangi kew te menge etew ziyà te menge nasyun he nekeelingkus keniyu. Egkehimu kew he petizaan para kandan dutun te timpu te kedsiluti ku keniyu tenged te utew ku kegkepauk. Iyan a, is Nengazen, is migkaǥi kayi.

Joel 3:2

edtiǥumen ku is menge etew ziyà te menge nasyun ne ibpetupang ku sikandan diyà te Suǥud ni Jehoshafat. Dutun edhukuman ku sikandan tenged te mibeelan dan diyà te menge Israilihanen, kes menge etew he ǥaked ku. Impeyapat dan diyà te zuma he menge nasyun is menge etew ku, ne mibahin dan is tanè ku.

Amos 7:4

Heini pa is impaahà kedì te Nengazen he MEGBEVAYÀ: Neehè ku he ebpengandam is Nengazen he MEGBEVAYÀ te kedsilut te menge etew zin pinaaǥi te hapuy. Ne impememaza te hapuy is ebpuunan te wahig diyà te zizalem te tanà, ne midtutung kayi is langun he netaǥù te tanà he Israel.

Nahum 3:15

Piru keniyan mismu te lugar niw ebpemematey kew pinaaǥi te hapuy wey ispada, iring te menge pemuleey he mid-etaki te terapan. Mibmahabet kew iring te menge terapan!

Nahum 3:3

Egkeehè dan is edsurung he menge pereuntud te kudà, ed-ilak-ilak he menge ispada wey menge vangkew, wey utew mahabet he intambù he nemematey. Egkengeseligkat is menge sundaru te lawa te menge minatey.

Zacarias 14:5

Ne ebpemelaǥuy kew he ebayà kayi he suǥud, su taman man te Azel is egkeuma kayi. Ebpemelaǥuy kew iring te mibeelan te menge kepuun niw hein midlinug dutun te timpu ni Hadì Uzia he hadì te Juda. Ne ebpekeuma is Nengazen he Megbevayè ku duma te langun he menge velinsuǥuen din.