Isaias 66:13 - Manobo Western Bukidnon OT

¹³ Edlipayen ku sikiyu ziyà te Jerusalem iring a te iney he edlipayen din is menge anak din.”

Isaias 66:13 ပူးပေါင်းရင်းမြစ်များ

Salmo 137:6

Berakat he kenà ad mekekaǥi emun kenè ku edtentenuzan wey ed-isipen he iyan ebpekeveǥey kedì te zekelà he kelipey is Jerusalem.

Salmo 94:19

Hein utew a nesemuki, midlig-enan a kenikew ne nelipey a.

Isaias 12:1

Emun egkeume en haazà he andew megkanta kew te: “Nengazen, edeliǥen ku sikew. Nepeukan a kenikew, piru ǥuntaan naawè en is pauk nu, ne edlipeyen a kenikew.

Isaias 40:1

Migkaǥi is Megbevayà te, “Lipaya niw wey desiǥa is menge etew ku.

Isaias 40:2

Lelaǥi niw te menayù is menge etew ziyà te Jerusalem. Tudtula niw kandan he nepasad en is kegkerasey zan wey nepesaylu en is menge salè dan. Su nezawat dan en is silut he para te langun he menge salè dan.”

Isaias 49:13

Kanta ka te kegkelipey, is langit! Lipey ka, is kelibutan! Kanta kew is menge vuvungan! Su edlipayen wey egkehizuwan te Nengazen is menge etew zin he nengerasey.

Isaias 51:12

Midtavak is Nengazen te, “Iyan a midasig wey midlipey keniyu. Ne maan is egkahandek kew te menge etew zà duen he ebpatey iring te sagbet?

Isaias 51:3

“Egkenuǥunan ku utew is Jerusalem he nevengkag. Is menge disirtu kayi edhimuwen ku he iring te Eden he pemuleey ku, egkaahà diyà te Jerusalem is kelipey wey kedlipey wey egkezineg kayi he lugar is kebpeselamat wey menge kegkanta.

Isaias 66:10

Sikiyu is langun he mibmahal niw is Jerusalem wey midlalew kew tenged kandin, lipey kew wey lipeylipey zuma kandin,