Isaias 61:9 - Manobo Western Bukidnon OT

⁹ Is menge kevuwazan dan egkilelaan diyà te menge nasyun. Is langun he ebpekaahà kandan egkilala he iyan sikandan menge etew he edtuvazan ku.”

Isaias 61:9 ပူးပေါင်းရင်းမြစ်များ

Genesis 22:18

Ne pinaaǥi te menge kevuwazan nu, edtuvazan ku is langun he menge nasyun diyan te kelibutan, tenged te midtuman nu is suǥù ku kenikew.”

Genesis 30:27

Midtavak si Laban te, “Emun meupiya zà is gehinawa nu, ne zini ke pa ubpà. Su sumalà te kebarè ku, netuenan ku he midtuvazan a te Nengazen pinaaǥi kenikew.

Salmo 115:14

Berakat he ipemezakel kew te Nengazen wey is menge kevuwazan niw.

Isaias 43:5

Kenè ka mahandek su zuma a kenikew. Edtiǥumen ku is menge kevuwazan nu puun te edsilaan wey edsenlepan.

Isaias 44:3

Su ebeǥayan ku sikew te wahig he ebpekevawì te kegkemezahi nu wey edhames te memaza he tanè nu. Ebpeulinan ku te Mulin-ulin ku is menge kevuwazan nu wey edtuvazan ku sikandan.

Isaias 53:10

Piru egkasuatan te Nengazen he edresayen wey ibpaantus sikandin. Piru minsan midhimu te Nengazen is untung din he pemuhat para meveyazi is salà te menge etew, egkeehè din ded is menge kevuwazan din wey ebpekaangken ded sikandin te meluǥayad he untung, ne pinaaǥi kandin egketuman is egkesuatan te Nengazen.

Isaias 65:23

Kenè dan en edhaǥù te wazè din pulus, wey kenè dan en ed-anak te mezaat is egkepengkusan din. Su sikandan he menge etew wey is menge kevuwazan dan, ne edtuvazan ku.

Isaias 66:22

Migkaǥi pa zaan is Nengazen te, “Iring te kenà egkaawà te taman te taman is beǥu he langit wey beǥu he tanà he ebeelan ku, ne kenà daan egkaawà te wazà pidtemanan is menge kevuwazan niw, ne kenè kew egkelipatan.

Jeremias 31:7

Migkaǥi pa is Nengazen te, “Kanta kew wey ugyab kew tenged te kegkelipey para te Israel he iyan lavew te langun he menge nasyun. Dalig kew wey ihabet niw ivensag is, ‘Nengazen, libriya nu is menge etew nu he nengesamà he uuyag he menge Israilihanen.’

Zacarias 8:13

Sikiyu is menge etew te Juda wey Israel, midrewakan kew te menge etew ziyà te zuma he menge nasyun. Piru edlibriyen ku sikiyu ne egkehimu kew he tuvad diyà te kandan. Umbe kenè kew mahandek, kekenà, pekelig-en kew.”

Malakias 3:12

Ne is menge etew ziyà te langun he menge nasyun egngezanan kew zan te utew zeyzey su is tanè niw egkehimu man he dezeyaan is ked-ubpà duen, migkaǥi is Nengazen he Mekeǥeǥehem.”

Numero 22:12

Piru migkeǥiyan te Megbevayà si Balaam te, “Kenè ka zuma kandan. Ne kenè nu rewaki haazà is menge etew he egkeǥiyen dan, su midtuvazan ku sikandan.”