Isaias 61:2 - Manobo Western Bukidnon OT

^2-3 Midsuǥù e zin daan te kebpenudtul he neume en is timpu te kedlibriya te Nengazen te menge etew zin, ne edsilutan din is menge kuntada zan. Midsuǥù e zin daan te kedlipey te egkengeseeng diyà te Jerusalem, su para kenà avu is igkesavuk dan diyà te ulu zan he tuus te kegkeseeng dan, kekenà, kuruna he vulak, ne edlenahan dan is ulu zan he tuus te melipayen sikandan. Egkeiring dan te kayu he ulayan he impemula te Nengazen. Egngezanan sikandan he menge metazeng para te zengeg te Nengazen.

Isaias 61:2 ပူးပေါင်းရင်းမြစ်များ

Isaias 1:24

Umbe, migkaǥi is Nengazen, he Mekeǥeǥehem he Megbevayà te Israel te, “Ebelesan ku sikiyu is menge tig-Jerusalem he menge kuntada ku, su wey kenà ad mesekiti tenged te menge vaal niw.

Isaias 13:6

Sineǥew kew su hapit en is andew te Nengazen, kes andew te kebpendezaat te Mekeǥeǥehem he Megbevayà.

Isaias 2:12

Su zuen andew he midtelaan te Nengazen he Mekeǥeǥehem he zutun ibpekevavè din is ked-etew te menge hembugiru, menge mepelevawen, wey mid-isip dan he gemhanan sikandan.

Isaias 25:8

Id-awà te Nengazen he MEGBEVAYÀ is gehem te kemetayen ne ebpunasen din is luhà te langun he menge etew. Id-awè din is keelezan te menge etew zin puun te tivuuk he kelibutan. Egkehitavù heini su iyan migkaǥi kayi is Nengazen

Isaias 34:2

Su nepeukan te Nengazen is langun he menge meǥinged diyà te menge nasyun; nepeukan din is menge sundaru zan. Umbe ebpurungan din sikandan edezeeti, ne ebpenhimetayan din sikandan is langun.

Isaias 34:8

Su zuen timpu he idteǥana te Nengazen he zutun ebelesan din is menge kuntada zin su edtevangan din is menge tig-Jerusalem.

Isaias 35:4

Kegiyi niw is menge egkahandek te, “Mebpekelig-en kew wey kenè kew mahandek. Ebpekeuma is Megbevayè niw su ebelesan din is menge kuntada niw, ne edlibriyen kew zin.”

Isaias 40:1

Migkaǥi is Megbevayà te, “Lipaya niw wey desiǥa is menge etew ku.

Isaias 49:8

Iyan heini migkaǥi te Nengazen: “Dutun te hustu he timpu edlibriyen ku sikew, edtevaken wey edtevangan ku sikew. Edipinsahan ku sikew ne pinaaǥi kenikew ebpekid-uyun a te menge etew. Ed-umanan nu ebenguna is nasyun he Israel he nevengkag, ne idlikù nu ibeǥey te menge etew ku.

Isaias 51:12

Midtavak is Nengazen te, “Iyan a midasig wey midlipey keniyu. Ne maan is egkahandek kew te menge etew zà duen he ebpatey iring te sagbet?

Isaias 57:18

Neehè ku is mezaat he menge vaal zan, piru ebewian ku sikandan wey zan meulii. Egiyahan ku sikandan, wey edlipayen ku is egkengeseeng kandan.

Isaias 58:5

Emun ebpuasa kew, edresayan niw is keugelingen niw. Idungul niw is menge ulu niw he henduen be te sagbet, ne edhizeǥè kew ziyà te avu is bivisti te saku. Iyan be heeyan egngezanan niw te puasa? Kunaan niw vuwa ke ebpekelipey en kediey heeyan?

Isaias 60:10

Migkeǥiyan te Nengazen is Jerusalem te, “Ebengunen te menge lumelengyawà is menge verengbeng nu, ne ebpenilbi kenikew is menge hadì dan. Minsan midsilutan ku sikew tenged te pauk ku, egkehizuwan ku zed sikew tenged te keupiya ku.

Isaias 66:14

Emun egkemetmetahan niw en heini is mibpengaǥi ku, ne utew kew egkelipey, ebmelig-en kew egkeiring kew te pinemula he mehinuvù. Ibpaahà te Nengazen is gehem din diyà te menge suluǥuen din, piru ibpeehè din diyà te menge kuntada zin is pauk din.

Jeremias 31:13

Is menge raǥa wey menge kenakan kandan ragkes en is memeǥurang, edsayew tenged te kegkelipey. Edliwanan ku is kebpekesineǥew zan te kelipey. Kenè en sikandan ebpekelalew su edlipayen ku sikandan.

Jeremias 46:10

Piru iyan ebpekezaag is Nengazen he MEGBEVAYÀ he Mekeǥeǥehem kayi he tebek. Kayi he timpu ebpenimales sikandin te menge kuntada zin. Is ispada zin egkeiring te egkevitil he langgam he ed-emeluk kandan wey edhiǥup te lengesa zan taman te egkahantey wey egkeperahan. Egkehimu sikandan he pemuhat diyà te Nengazen he MEGBEVAYÀ he Mekeǥeǥehem diyà te tanà he zapit te zizaya, he uvey te Wahig he Eufrates.

Micas 3:8

“Piru siak mulà, mibpurungan a ulini te Mulin-ulin te Nengazen he iyan mibeǥey kedì te ǥehem wey mekepedayun is hustu he kukuman pinaaǥi kedì ne wey a zaan mebmevurut te kegkaǥi ziyà te menge etew ziyà te Israel wey Juda he nekesalà sikandan.