Isaias 61:1 - Manobo Western Bukidnon OT

¹ Is Mulin-ulin te Nengazen he MEGBEVAYÀ ne kayi te kediey. Su mibpilì e zin he ibpewali te meupiya he tudtulanen diyà te menge pubri. Midsuǥù e zin te kedlipey te egkengeseeng wey kebpenudtul ziyà te menge vihag wey menge pirisu he ebpekeǥawas dan en.

Isaias 61:1 ပူးပေါင်းရင်းမြစ်များ

Salmo 102:20

su para mezineg din is dag-es te menge etew zin he menge vinihag ne wey zin melibri is menge etew zin he ebpenhimetayan.

Salmo 147:3

In-awè din is seeng te egkengeseeng; mibewian din is menge palì dan.

Salmo 149:4

Su igkelipey te Nengazen is menge etew zin; mibeǥayan din te zengeg is kenà memepelavawen pinaaǥi te kebpekezaag dan.

Salmo 2:6

Ke sikandin te, “Diyà te Zion, kes segradu he vuvungan ku, insavuk ku is mibpilì ku he hadì.”

Salmo 22:26

Egkaan is menge egkaayuayu ne egkahantey sikandan. Is menge etew he midangep diyà te kenikew ne edalig kenikew. Berakat he mebmeupiya wey mebmeluǥayad is untung dan.

Salmo 25:9

Egiyahan nu is kenà menge mepelevawen te kebaal te hustu. Ipenurù nu kandan is kenikew he menge paaǥi.

Salmo 34:18

Uvey is Nengazen diyà te nengepakyas, ne edlibriyen din is menge etew he naawà is perateng dan.

Salmo 45:7

Igkesuat nu is metazeng, iyan, igkeepes nu mulà is mezaat. Umbe, mibpilì ka te Megbevayà he Megbevayè nu, ne imbeǥey zin kenikew is kelipey he lavew pa te kelipey te menge zuma nu.

Salmo 51:17

Is pemuhat he ebpekeveǥey kenikew te kelipey, Megbevayè ku, iyan is kenà kebpelavew wey is ked-iniyuǥi te menge salà. Ne iyan heini he kelasi te pemuhat edewaten nu.

Salmo 68:7

He Megbevayà, hein mibpenguluwan nu is menge etew nu te kedhipanew ziyà te sibsivayan,

Salmo 69:32

Emun egkaahà heini te menge egkaayuayu, ne egkengelipey zan; ebmelig-en is menge etew he midangep diyà te Megbevayà.

Exodus 28:41

“Bistiyi nu kayi is suled nu he si Aaron wey sikan is menge anak din he maama. Ne ebpetiǥisan sikandan te lana tuus te kegkehimuwa kandan he memumuhat. Ne ipehinungud nu sikandan kediey su wey sikandan mekepenilbi kedì pinaaǥi te kebpemuhat.

Exodus 29:7

Kuwa ka te lana he para zà te idlana te ebpilien ku, ne ilana nu ziyà te ulu ni Aaron.

Isaias 29:19

Ed-uman edlipey is kenà menge mepelevawen wey is menge egkengeey-eyuwan tenged te Nengazen, he Waǥas he Megbevayà te Israel.

Isaias 30:19

Sikiyu is menge etew ziyà te Zion he menge meǥinged diyà te Jerusalem, kenè kew en ebpekeuman ebpekesineǥew! Egkehizuwan kew te Nengazen, emun ebpetavang kew kandin. Emun egkezineg din is pengemuyù niw, ne edtevaken kew zin.

Isaias 30:26

Is kerayag te vulan egkehimu he iring te kerayag te andew, ne is kerayag te andew ne kepipitu egketakep, iring kerayag te kerayag te pitu he andew he impedtempuwà. Egkeulaula heini zutun te timpu te kebewii te Nengazen te menge palì he nehimu tenged te kedletiguwa zin keniyu te menge etew zin.

Isaias 32:7

Mezaat is menge paaǥi te limbungan he etew. Ed-isip sikandin he edezeetan din is menge pubri pinaaǥi te kedtarùtarù, minsan dutun te timpu he ebuyù te hustu he kukuman is menge pubri.

Isaias 40:9

Sikiyu is edsangyew ziyà te Zion, is inged he Jerusalem te meupiya he tudtulanen, tekezeg kew ziyà te metikang he vuntud, ne pekezaǥing kew is edsangyew te meupiya he tudtulanen. Kenè kew mahandek he ebpemensag. Keǥiyi niw is menge etew ziyà te menge inged he sakup te Juda he nekeume en is Megbevayè dan.

Isaias 42:1

Migkaǥi is Nengazen te, “Heini zed is suluǥuen ku he edlig-enan ku. Mibpilì ku heini ne ingkelipey ku sikandin. Midumala ku sikandin te Mulin-ulin ku, ne edhimuwen din diyà te menge nasyun is paaǥi he wazà duen egkevintahaan.

Isaias 42:7

su wey mekaahà is menge lakap ne wey zaan ikepeǥawas is menge vihag, he nengepirisu ziyà te merusirem he pirisuwan.

Isaias 48:16

Uvey kew kayi te kediey ne pemineǥa niw heini. Puun pa te puunà ne wazà a megkaǥi ziyà te meeles; ne zutun te timpu te kegkehitevua te migkaǥi ku, ne zutun a.” Ne ǥuntaan, is Nengazen he MEGBEVAYÀ wey is Mulin-ulin din midsuǥù kediey wey ku metudtul heini he menge lalag:

Isaias 49:9

Egkeǥiyan nu is menge Israilihanen he vinihag wey pinirisu ziyà te merusirem he lugar te, ‘Gawas kew! Su gewasnen kew en!’ “Ne egkeiring sikandan te menge kerehidu he ebpemenabtab diyà te kilid te menge zalan wey menge vuvungan he mehiǥawan dengan.

Isaias 52:7

Utew mekempet he ed-ahaan is menge menunudtulà he ed-abley ziyà te menge vuvungan su wey zan metudtul is meupiya he tudtul he zuen en kelinew ziyà te Jerusalem ne ebmeupiyè en is kebpekesavuk kayi su edlibriyen heini te Megbevayà. Egkeǥiyan dan is menge tig-Jerusalem te, “Midhadì is Megbevayè niw!”

Isaias 52:9

Ebpengulahì te kegkelipey is Jerusalem he nevengkag su edlipayen wey edlig-enan te Nengazen is menge etew zin. Edlibriyen din is Jerusalem!

Isaias 57:15

Iyan daan heini egkeǥiyen te Utew Lavew he Megbevayà, kes Waǥas he Megbevayà he wazà pidtemanan te untung din: “Diyà a ed-ubpà te metikang wey segradu he lugar, piru ed-ubpa a zaan duma te menge etew he kenà ebpelavew wey mid-iniyug te mezaat he ulaula su wey ku sikandan melig-eni.

Isaias 57:18

Neehè ku is mezaat he menge vaal zan, piru ebewian ku sikandan wey zan meulii. Egiyahan ku sikandan, wey edlipayen ku is egkengeseeng kandan.

Isaias 59:21

Ne iyan heini kebpekid-uyun ku keniyu: Kenà egkaawà is Mulin-ulin ku he ziyà te keniyu wey is menge lalag he migkaǥi ku keniyu. Tudtula niw heini ziyà te menge anak niw, ne edtudtulen dan daan heini ziyà te kandan he menge anak, ne ebpedayun heini pehendiyà te huziyan he menge lapis te kevuwazan. Iyan a, is Nengazen, is migkaǥi kayi.”

Isaias 66:2

Kenè be iyan a mibaal te langun he menge vutang? “Siak, is Nengazen egkaǥi te: Edseǥipaan ku is menge etew he kenà ebpelavew wey ed-engked he ebaal te salà wey igkahandek dan is lalag ku.

Jeremias 34:8

Duen pa migkaǥi te Nengazen diyà te ki Jeremias hein timpu te kebpekid-uyun ni Hadì Zedekia te langun he menge etew ziyà te Jerusalem he ibpeengkezan din en te ed-uripen is menge uripen.

Jeremias 52:33

Umbe, wazè en mebivisti si Jehoyakin te visti te pinirisu, ne puun dutun dumè en sikandin duen te hadì emun egkaan dan.

Daniel 9:24

“Midtelaan en te Megbevayà is 490 he tuig he para zuen te segradu he inged wey te menge zuma nu, su zutun he timpu egkeengked is kebpekidsukulè dan te Megbevayà, ne egkevelukasan sikandan te kegkeuripena kandan te salà, ne ebpeketezengen sikandan te Megbevayà te ketazeng he ebpedayun taman te taman, su para metuman sikan is nelewasan wey kes netagnà, wey para ikeuman ikepehinungud diyà te Megbevayà is baley zin.

Hoseas 6:1

Mibitiyara is menge Israilihanen he ke sikandan te, “Kuwa kew en, su edlikù kiw en diyà te Nengazen. Iyan sikandin midezaat kenitew ne iyan daan sikandin edtavang kenitew.

Leviticus 7:35

Iyan haazà bahin te menge pemuhat pinaaǥi te hapuy he para te Nengazen, he ibahin diyà te ki Aaron wey te menge kevuwazan din dutun te andew te kebpehinunguza kandan, su wey zan mekepenilbi te Nengazen pinaaǥi te kegkememumuhat dan.

Micas 3:8

“Piru siak mulà, mibpurungan a ulini te Mulin-ulin te Nengazen he iyan mibeǥey kedì te ǥehem wey mekepedayun is hustu he kukuman pinaaǥi kedì ne wey a zaan mebmevurut te kegkaǥi ziyà te menge etew ziyà te Israel wey Juda he nekesalà sikandan.