Isaias 60:3 - Manobo Western Bukidnon OT

³ Ed-uvey is menge etew ziyà te menge nasyun wey is menge hadì dan diyà te kerayag nu.

Isaias 60:3 ပူးပေါင်းရင်းမြစ်များ

Genesis 49:10

Pedayun ka he edumala, Juda. Ebpuun te kevuwazan nu is egkehimu he menge sineriǥan. Umbe ebeǥey is menge nasyun te vuhis diyà te kenikew wey ebpevayèbayè dan kenikew.

Salmo 102:16

Su ed-umanan ebenguna te Nengazen is Zion; ne ibpeehè din is mekeǥeǥehem he kebpekiduma zin.

Salmo 102:22

Egkeulaula heini emun edtiǥum en dutun is menge etew he ebpemuun diyà te menge nasyun wey menge ginhedian te ked-azap te Nengazen.

Salmo 138:4

Edalig kenikew, Nengazen, is langun he menge hadì kayi te tivuuk he kelibutan su egkezineg dan is menge lalag nu.

Salmo 2:10

Umbe, sikiyu is menge hadì wey menge pengulu kayi te kelibutan, sevuta niw heini he menge lalag, ne pemineǥa niw is petizaan keniyu.

Salmo 22:27

Egketenuzan ka te langun he menge etew ziyà te minsan hendei kayi te tivuuk he kelibutan ne edlikù dan diyà te kenikew, Nengazen, ne ed-ezapen ke zan,

Salmo 68:29

Tenged te valey nu ziyà te Jerusalem ed-uwit is menge hadì te ǥasa zan kenikew.

Salmo 72:11

Berakat he ebpesakup kandin is langun he menge hadì ne ebpenilbi kandin is langun he menge nasyun.

Isaias 11:10

Egkeuma is andew he is beǥu he hadì he kevuwazan ni David, egkeiring te bendirà he iyan tuus te menge etew ziyà te menge nasyun he kinahanglan edtiǥum dan. Edtiǥum dan diyà te kandin. Ne egkevantug is ubpeey zin.

Isaias 42:6

Migkaǥi sikandin diyà te suluǥuen din te, “Iyan a, is Nengazen, midtawag kenikew su ibpeehè ku is ketazeng ku. Edtevangan ku wey ebpengelangan ku sikew ne pinaaǥi kenikew ebaal a te kebpekid-uyun ku te menge etew. Edhimuwen ku sikew he iring te sulù he ebpeketeyew te menge nasyun,

Isaias 45:14

Migkeǥiyan te Nengazen is Israel te, “Egkehimu he sakup nu is menge tig-Ehipto wey menge tig-Etiopia, ragkes en is menge tig-Seba he memelangkew is menge maama kandan. Edhendiyà sikandan te kenikew he ed-uwit te menge ketiǥeyunan dan wey menge pruduktu. Egkehimu sikandan he menge vihag nu. Edluhuzan ke zan duma is kebpehizuhizu he egkaǥi te, ‘Tutuu he nekiduma kenikew is Megbevayà ne iyan dà sikandin Megbevayà!’ ”

Isaias 45:22

“Sikiyu is langun he menge etew kayi te tivuuk he kelibutan, dangep kew kayi te kediey su wey kew melibri, su iyan a Megbevayà, ne wazè en duma.

Isaias 49:12

Ebpekeuma is menge etew ku he ebpemuun diyà te meziyù–is duma ebpuun diyà te zizaya, is duma ebpuun diyà te edsenlepan, ne is duma pa ebpuun diyà te Sinim.”

Isaias 49:23

Ebpenilbi kenikew is menge hadì wey menge rayna. Iyan sikandan ed-atur kenikew. Edluhud sikandan is edtahud kenikew, ne ebpesakup dan kenikew. Ne zutun egketuenan nu he iyan a Nengazen, ne is edsarig kediey ne kenà egkepakyas.”

Isaias 56:8

Migkaǥi zaan is Nengazen he MEGBEVAYÀ he midtiǥum te menge vinihag he menge Israilihanen te, “Edtiǥumen ku pa is duma, gawas duen te zaan en he netiǥum ku.”

Isaias 60:10

Migkeǥiyan te Nengazen is Jerusalem te, “Ebengunen te menge lumelengyawà is menge verengbeng nu, ne ebpenilbi kenikew is menge hadì dan. Minsan midsilutan ku sikew tenged te pauk ku, egkehizuwan ku zed sikew tenged te keupiya ku.

Isaias 60:16

Ed-eturen ka te menge etew ziyà te menge nasyun wey te menge hadì dan he iring te vatà he ibpesusu te iney zin. Ne egketuenan nu he iyan a is Nengazen, kes Menluluwas nu wey Perevelukas, kes Mekeǥeǥehem he Megbevayà ni Jacob.

Isaias 62:2

Ne sikew is Jerusalem, egkaahà te menge etew ziyà te menge nasyun wey te menge hadì dan is kezeeǥan nu he zuma is ketazeng wey kegkemekeǥeǥehem nu. Ebeǥayan ka te Nengazen te veǥu he ngazan.

Isaias 66:12

Su migkaǥi is Nengazen te, “Ibpeuswag ku is Jerusalem; iring te edeleman te menge ketiǥeyunan, su ed-uwiten diyà te kandin is menge ketiǥeyunan te menge nasyun. Ed-etimanen kew te Jerusalem iring te vatà he edsepipiyen, ibpesusu, wey edsekepuwen te iney zin.

Amos 9:12

Edhimuwen ku heini su wey mesakup te menge Israilihanen is nesamà he tanà te Edom wey is duma pa he menge nasyun he nesakup dan dengan he mid-isip ku he kediey. Iyan a, is Nengazen, is migkaǥi kayi, ne ebeelan ku heini.”