Isaias 6:2 - Manobo Western Bukidnon OT

² Duen menge ilengiten he linimbag he ziyà dapit te ulu zin. Ne is kada sevaha zutun, ne heenem is pakpak din: is dezuwa he pakpak dan neketambun diyà te vuked dan, ne is dezuwa neketambun te menge paa zan, ne is dezuwa pa egemiten dan te kedlayang.

Isaias 6:2 ပူးပေါင်းရင်းမြစ်များ

Genesis 17:3

Ne zutun midlangkeb si Abram diyà te tanà ne migkaǥi en maan kandin is Megbevayà te,

1 Hadì 19:13

Ne hein nezineg haazà ni Elias, midtembunan din is buked din te samput ne migawas sikandin ne midhitindeg diyà te vèbà dutun te surung. Ne zutun duen laǥeng he migkaǥi te, “Elias, hengkey is baal nu kayi?”

1 Hadì 22:19

Migkaǥi pa si Micaya te, “Pemineǥa nu is lalag te Nengazen! Neehè ku is Nengazen he ebpimpinuu ziyà te pinuuwè din te kedhadì, ne zuen menge ilengiten he menge linimbag he ebpemenhitindeg diyà te egkekewanan wey egkeǥivang din.

1 Hadì 6:24

Heini is dezuwa he ledawan te kirubin neked-iring is kezekelè dan wey kegkeveeli kandan. Is kada sevaha kandan, duen din dezuwa he pakpak, ne pitu wey tengà he ǥiek is kelayat te kada pakpak. Umbe is kelayat puun te purù pehendiyà te purù te sevaha he pakpak ne 15 he ǥiek.

1 Hadì 6:27

Imped-avey haazà ni Solomon diyà te seled duen te Utew Segradu he Lugar he nevekar is menge pakpak dan. Ne nekedtemu is divaluy he pakpak dan diyà te liwezaan duen te ruǥu. Ne is divaluy pa he menge pakpak dan neketemu ziyà te elavat.

1 Hadì 8:7

Nevekar is menge pakpak dutun te menge kirubin, umbe netembunan sikan is Kavan wey sikan is menge tival zuen te kavan.

Nehemias 9:6

Iyan ke zà Nengazen! Mibeelan nu is langit, tanà, daǥat, wey is langun he netaǥù kayi. Ebeǥayan nu te untung is langun he menge linimbag nu, ne ed-ezapen ka te menge velinsuǥuen diyà te langit.

Job 1:6

Ne sevaha he andew, midtiǥum is menge velinsuǥuen diyà te etuvangan te Nengazen, ne midtampu kandan si Setanas.

Job 15:15

Wazà ganì medsarig is Megbevayà te menge velinsuǥuen din! Emun kenà lumpiyu is ked-ahaa zin kayi te menge ilengiten he menge linimbag,

Job 4:18

Emun wazà medsarig is Megbevayà te menge velinsuǥuen he menge suluǥuen din, ne ebpekaahà gihapun sikandin te sayep dan,

Salmo 103:20

Deliǥa niw is Nengazen, sikiyu is mekeǥeǥehem he menge velinsuǥuen he ebpemineg wey edtuman te menge lalag din.

Salmo 104:4

Midhimu nu he menge menunudtulè nu is keramag, ne menge suluǥuen nu is menge kilat.

Salmo 18:10

Mid-untud ka te kirubin, ne utew heini meǥaan he edlayang he eduma te keramag.

Salmo 89:7

Edtehuzan ka ziyà te menge ketiǥuman te ilengiten he menge linimbag. Is langun he edliǥuy kenikew ne zuen dan kegkahandek kenikew.

Exodus 25:20

Kinahanglan he is menge pakpak duen te menge kirubin ne egkevekar ziyà te zivavew zuen te tangeb su para ebpekelambung duen. Ibpedsineru haazà is dezuwa he kirubin ne zutun sikandan ibpetengteng te tangeb.

Exodus 3:6

Ne mid-uman sikandin megkaǥi te, “Iyan a sikan is Megbevayà he ed-ezapen te menge kepuun nu, ed-ezapen a ni Abraham, ed-ezapen a ni Isaac wey ed-ezapen a ni Jacob.” Ne zutun midtembunan ni Moises is dagwey zin su egkahandek he ed-ahà te Megbevayà.

Exodus 37:9

Nevekar is menge pakpak duen te menge kirubin diyà te zivavew zuen te tangeb su wey zan melembungi heini. Impedsineruwà haazà is dezuwa he zutun ipetengteng te tangeb.

Isaias 6:6

Ne zutun is sevaha zuen te menge ilengiten he linimbag din, midlayang pehendiyà te kedì is ed-uwit te vaǥa he midsipit din diyà te pemuhatà.

Ezekiel 1:11

Is dezuwa he pakpak dan nevekar ne neketemu ziyà te pakpak te avey zan, ne is dezuwa pa he pakpak dan neketambun te lawa zan.

Ezekiel 1:24

Ne emun edlayang haazà is uuyag he menge linimbag, egkezineg ku is keǥurub te menge pakpak dan, he henduen be te selenuhug, wey zeǥurus te meseleg he wahig, wey iring te laǥeng te Mekeǥeǥehem he Megbevayà, wey henduen be te keǥurub te mahabet he menge sundaru. Ne emun ebpundu sikandan kenè dan ebekaren is menge pakpak dan.

Ezekiel 1:4

Dutun te kedtengteng ku, neehè ku is bagyu he ebpuun diyà te zizaya. Mekepal heini he kivel he egkezumahan te kenà egkeengked he kegkilat he edsiǥa he henduen be te ed-ilak-ilak he mital.

Ezekiel 1:6

Piru is kada sevaha kandan duen din heepat he vuked wey heepat he pakpak. Metulid is menge vuvun dan, piru is menge paa zan he henduen be te menge paa te vaka ne ed-ilak-ilak heini he iring te impesinew he brunsi. Duen belad dan he velad te etew ziyà te zizalem te kada pakpak dan,

Ezekiel 1:9

ne nekedtetemu is menge pakpak dan. Ne ebperedredseey sikandan he edlayang minsan hendei zan ebpevayà ne kenè dan en ebpenlililingey.

Ezekiel 10:16

Ke hendei ebayà haazà is menge kirubin, ne zutun daan ebayà haazà is menge ligid, emun edlayang sikandan ebpekelapik daan haazà is menge ligid.

Ezekiel 10:21

Is kada sevaha kandan, duen din heepat he vuked wey heepat he pakpak, ne ziyà te zizalem te menge pakpak dan duen henduen be te velad te etew.

Daniel 7:10

Puun diyà te etuvangan din duen hapuy he edtudà. Edliblibuwen is kahabet te menge velinsuǥuen he ebpenilbi kandin. Andam en sikandin he edhukum, umbe, mibekar en is menge libru he ebpesikazan din te kedhukum din.

Daniel 9:21

Ne zutun te ked-ampù ku, meǥaan he midlayang pehendiyà te kedì si Gabriel is nehune en he mibpelawas kedì. Uras haazà te mahapun he kebpemuhat.

Zacarias 3:4

Umbe, migkaǥi haazà is belinsuǥuen diyà te zuma he menge velinsuǥuen he ebpemenhitindeg diyà te etuvangan ni Josue te, “Luwasa niw is meremerik he visti zin.” Ne migkeǥiyan din si Josue te, “In-awè ku en is menge salè nu. Ne ǥuntaan ebistiyan ku sikew te veǥu he visti.”